Gladnyheit for Kristoffersen etter turnskade: – Hadde flaks i uflaksen

Turnskaden Henrik Kristoffersen pådrog seg måndag var ikkje så alvorleg som frykta. MR-undersøkinga viser at han slapp unna med nokon strekte band i ankelen.

Henrik Kristoffersen

SKADD: Det knasa i ankelen då Henrik Kristoffersen landa på turntrening måndag.

Foto: Tommy Barstein / NRK

– Eg høyrde det knasa inne i ankelen. Då eg landa, var ankelen litt skeiv, og eg landa med ein del kraft, fortalde Kristoffersen like etter at han skadd seg på turntrening måndag.

NRK var til stade på treninga på Jessheim då uhellet var ute. Alpinisten var til MR-undersøking tysdag og fekk oppløftande svar onsdag ettermiddag.

– Det er snakk om nokon strekte band på utsida av ankelen. Det er bra det ikkje var noko verre og at ikkje noko var roke, seier faren hans Lars Kristoffersen til NRK.

Henrik Kristoffersens ankel

VONDT: Slik såg Kristoffersens ankel ut etter uhellet.

– Smertene er vesentleg mindre

Dermed blir det litt mindre beintrening dei neste 10–14 dagane for alpinisten frå Rælingen som allereie har vore på sykkelen etter uhellet.

– Det var flaks i uflaksen. Det er i alle fall slik det ser ut nå. Henrik trår på beinet og smertene er vesentleg mindre enn i går, så det trur eg går bra, seier faren.

Nå håper dei at alpinisten kan komme seg heim til Austerrike når det truleg kjem nye direktiv 15. juni.

Trenar turn for å bli ein betre alpinist

Måndag trena Kristoffersen turn saman med Espen Jansen, som i mange år var Noregs beste turnar.

– Dette er slikt ein må vere fullt førebudd på. Hadde det vore fotball eg trena, hadde det vore tragisk. Når du gjer ei øving for å bli betre på noko, er dette slikt som kan skje. Det kunne skjedd om eg hadde vore ute for å springe i skogen også, sa Kristoffersen etter overtrakket.

E-H682lBtpM

VIL UT AV KOMFORTSONA: Henrik Kristoffersen vil trene meir alternativt for å utvikle seg som alpinist.

Foto: Marco Trovati / Marco Trovati

Han trenar turn for å bli betre i alpinbakken.

– Det er for å lære kroppskontroll og andre ting, og å utfordre hovudet med det eg ikkje er heilt komfortabel med og som eg ikkje kan. Når du er toppidrettsutøvar på høgt nivå, er det ikkje så ofte du lærer nye ting, fortalde Kristoffersen.

– Eg var i turnhall i fjor også, men då var det meir alpinspesifikke ting det gjekk på. No er det for å lære å turne. Vi ville prøve noko nytt, å kome ut av komfortsona.

– Er det viktig for di vidare utvikling?

– Framleis er det viktigaste å halde fram med å gjere det som har gjort deg god. Men det er ei god utfordring å gjere noko nytt, ikkje minst for hovudet, meinte Kristoffersen.

Siste nytt

  • Ny lagkamerat for Froome og Hagen

    Den klatresterke canadiske Michael Woods har i likhet med Carl Fredrik Hagen signert for hardtsatsende Israel Start-Up Nation foran neste sesong.

    33 år gamle Woods, som tok VM-bronse på fellesstarten i 2018, har signert en treårskontrakt.

    I tillegg til Froome og Carl Fredrik Hagen har profiler som Daryl Impey og Patrick Bevin signert kontrakter med laget den siste tiden.

    Michael Woods
    Foto: Marco Bertorello / AFP
  • Positiv koronatest i Barcelona

    En spiller i troppen til den spanske fotballgiganten Barcelona har testet positivt på koronaviruset.

    Det bekrefter klubben selv på sine nettsider onsdag.

    Den aktuelle spilleren er ikke navngitt, men Barcelona opplyser at det dreier seg som én av de ni spillerne som etter planen skulle ha innledet oppkjøringen til neste sesong denne uken.

    De ni spillerne er Pedri, Trincão, Matheus Fernandes, Todibo, Wagué, Alena, Rafinha, Miranda og Oriol Busquets.

    HPoQ6SaBaAg
    Foto: Joan Monfort / Joan Monfort
  • Skadesmell for RBK-Skjelbred

    Rosenborg-spiller Per Ciljan Skjelbred pådro seg en strekk mot Sarpsborg søndag og må belage seg på fire uker på sidelinjen.

    Det opplyser klubben på sine nettsider.

    Midtbaneprofilen kom nylig hjem til Trondheim etter flere sesonger i tysk fotball.

    CdJlJ
    Foto: Trond Reidar Teigen / Trond Reidar Teigen

Sendeplan

Kl. Program Kanal