NRK Meny
Normal

Hegle Svendsen: – Har aldri trena meir

TORSBY (NRK): Emil Hegle Svendsen vil aldri vere i så dårleg fysisk form som han var i fjor vinter. Difor har han for fyrste gong trena over 100 timar i juni.

Emil Hegle Svendsen

ANGRIPSPOSISJON: Emil Hegle Svendsen blir motivert av å sjå verdscuplista frå i fjor der han var heilt nede på ein niandeplass. No gler han seg til å angripe mot toppen. (Bildet er fra juli 2013.)

Foto: Johansen, Carina / NTB scanpix

Emil Hegle Svendsen i Torsby

SKJERPA: – Han er meir skjerpa og konsentrert i alt han gjer, seier landslagstrenar Egil Gjelland.

Foto: Anders Rove Bentsen

Heime i Oslo har Emil Hegle Svenden hengt opp eit bilde. Bilde er ikkje av Martin Fourcade eller ein annan av hans store rivalar. Bilde er av han sjølv frå eit verdscuprenn i vinter der han var i det han sjølv beskriver som hans dårlegaste form på mange år.

– Eg håpar eg aldri skal gå skirenn i så dårleg form igjen. Det bildet motiverer meg meir enn nok til å gjere ein skikkeleg god jobb i sommar og haust, seier Emil Hegle Svendsen.

Kryssa ein barriere

Og det er det han er i gong med akkurat no. Saman med resten av landslaget har han akkurat nådd ei viktig grense på samling i Torsby. I sin etter kvart lange karriere som skiskyttar har 29-åringen aldri trent meir i juni.

– I går då me var ute på rulleski ropa Tarjei bak meg: Og DER er Emil over 100 timar, ler ein tydeleg fornøgd trønder.

– Det er ein viktig barriere å krysse. For ein skiskyttar er det ganske mykje sidan me i tillegg har skytetrening som tek mykje tid og krefter. Men det var gøy og ting fungerer veldig bra om dagen, fortel han om månaden som enda på 103 timar.

Det er ein situasjon som står i grell kontrast til korleis han følte seg for akkurat eitt år sidan.

Hegle Svendsen i skitunnelen

MOTIVERT: I fjor sommar synest Emil Hegle Svendsen det var tungt å trene timane som skulle til. I år går timane så mykje lettare. Her er han i skitunnelen i Torsby.

Foto: Anders Rove Bentsen

Mangla gløden i fjor

Svendsen hadde gått inn i sommaren med to OL-gull frå Sotsji og sju verdscupsigrar, men utan motivasjon til å ta nye.

– Motivasjonen må jo kome innanfrå, ein kan ikkje berre seie til seg sjølv at ein skal vere motivert. Ein må ha den rette gløden og den mangla eg i fjor sommar, innrømmar han.

LES SAKA: Trøbbel i VM-oppkjøringen for Bjørndalen

Konsekvensen blei for lite trening i sommarmånadane. Det fekk han svi for denne vinteren. Treningsgrunnlaget var for dårleg og Svendsen var aldri i nærleiken av topp fysisk form.

– Ein heilt annan Emil

Gjelland i Torsby

NY MANN: Egil Gjelland merkar at Hegle Svendsen har ein heilt anna treningsmotivasjon denne sommaren enn i fjor.

Foto: Anders Rove Bentsen

Landslagstrenar for herrene, Egil Gjelland, merkar godt at det er ein heilt annan Emil Hegle Svenden han har med seg på samling denne sommaren..

– Han er konsentrert og skjerpa på alt han gjer og tydeleg på at han skal legge ned ein skikkeleg jobb, fortel Gjelland.

Eit VM på heimebane i Holmenkollen hjelper nok også godt på motivasjonen. Men 29-åringen vil ikkje utelukkande fokusere på VM.

– Det viktigaste blir å tenkje på sesongen som ein heilskap, så kjem VM som ei gulrot på slutten.

Siste nytt

  • Boston tok siste kvartfinaleplassen

    Boston slo Toronto 7-4 i natt og tok den siste kvartfinaleplassen i NHL-sluttspelet.

    Kvartfinalene: Pittsburgh - Washington, San Jose - Vegas, Winnipeg - Nashville og Boston - Tampa Bay.

    Alle kvartfinalene blir spela som best av sju kampar.

    Boston Bruins
    Foto: Greg M. Cooper / Reuters
  • Rælingen mot eliteseriespill

    Rælingen, som ble nummer tre i 1. divisjon, slo eliteserielaget Sola hele 30–20 i første kvalifiseringskamp og tok et langt steg mot opprykk. Returkampen i Sola spilles søndag.

    Tonje Nøstvold, Sola
    Foto: Sander Heggheim/NRK
  • Uavgjort i bunnoppgjøret

    Stabæk og Start spilte 1-1 i onsdagens bunnoppgjør i eliteserien. Dermed står begge lagene med fire poeng etter seks serierunder. Ohi Omoijuanfo ga Stabæk ledelsen etter 70 minutter, mens Aron Sigurdarson utlignet for Start.

    Eliteserien 2018. Stabæk-Start. Nadderud Stadion.
    Foto: Vidar Ruud / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag