Hopp til innhold

Pappa Hegerberg røper finalerutine: – Vi har snakka ferdig

Pappa Stein Erik Hegerberg har analysert finalemotstanden Barcelona, og saman med dotter Ada, har dei lagt ein plan. Men den pratast ikkje lengre om no.

Gerd Stolsmo, Stein Erik Hegerberg og Ada Hegerberg

STORT: Stein Erik Hegerberg og Gerd Stolsmo fekk kome inn på indre bane og sjå dottera trene før morgondagens meisterligafinale mellom Barcelona og Lyon.

Foto: Håvard G. Hagen / NRK

NRK møter familien Hegerberg på grasteppet på Juventus stadion i Torino, dagen før den store dagen.

Mamma Gerd og pappa Stein Erik har blitt slept inn på treninga til Lyon, og medan dei observerer dottera terpe på dei siste detaljane før morgondagens meisterligafinale mot Barcelona, deler pappa Hegerberg litt av planen for å slå Ingrid Syrstad Engen og Caroline Graham Hansen sitt lag.

Ada Hegerberg

FRAMME: Ada Hegerberg og resten av Lyon med kampførebuing på stadion i Torino.

Foto: FRANCK FIFE / AFP

Pappa Stein Erik Hegerberg og Ada Hegerberg har nemleg fått ei fast rutine på korleis ein skal førebu seg til ein meisterligafinale.

Har eit fast mønster

Den planen deler pappa Hegerberg når NRKs reporter spør foreldra til superspissen om kva deira tankar om finalen er.

Då byrja pappa Hegerberg å tenke på planen han har lagt med dotter si.

– Eg kjenner både ho og Lyon kjempegodt, og eg har sett på spelarane på Barcelona, også. Vi har snakka om kva som er lurt innanfor hennar rammer. Eg har studert Maria León og Irene Paredes (forsvarsspelarar i Barcelona red.anm), som er ein av dei aller beste. Så då har vi snakka litt om korleis bevegelsesmønster ho skal gå for med tanke på kven av spelarane ho vil ha bak seg, og på kantane og slik, røper han.

Ada, Gerd Stolsmo og Stein Erik Hegerberg.

FAMILIE: Ada Hegerberg hadde tid til ein kort klem og prat med foreldra før ho måtte tilbake til laget.

Foto: Håvard G. Hagen / NRK

Mamma Stolsmo kan forsikre om at dottera høyrer på far sin, men sjølv vil ikkje pappa Hegerberg vere hundre prosent einig i det.

– Det er viktig med stadfesting. Vi kjenner kvarandre etter ti år. No har vi snakka ferdig om kva vi tykkjer er lurt, og så får ho legge det inn i lagsystemet, seier han.

– Når var de ferdige med den samtalen?

– For fire, fem dagar sidan. Fotballprat er ho ferdig med no. Ho har valt sin veg saman med laget, og fokuserer på det, seier pappa Hegerberg vidare.

– Er ho i ei slik boble no?

– Ja, vi har ein liten prosedyre på dette, også, sjølv om vi berre har fire tilfelle frå før. I morgon skal vi møtast ved lunsjtid og ta ein kaffi, men då snakka vi ikkje om fotball. Vi skal møtast berre for å klemme litt og ta ein kaffi, seier han.

Kven vinn meisterligafinalen?

Skremt av rutinebrot

Med andre ord blir taktikken lagt nokre dagar før kampstart, og på same dag, er det ingen fotballprating.

Mamma Gerd Stolsmo tykkjer det er greitt at dottera møter familien, kan sleppe ned skuldrene og ta det litt med ro, nokre timar før den store kampen sparkast i gong.

Sjølv er Stolsmo litt nervøs. Den vante rutinen blei sett litt ut av spel då dei denne gongen fekk lov til å sleppe inn på treningsfeltet.

– Det er veldig uvanleg. Vi har aldri vore på ein trening før ein finale, og vore så nære som dette her. Vi bryt mønsteret no. Det er litt skummelt, eigentleg, seier Gerd Stolsmo til NRK.

Ada, Gerd og Stein Erik Hegerberg

STOLT: Mamma Gerd og pappa Stein Erik saman med dotter si. Alle tre konkluderte i at den kampførebuande treninga var god. Hegerberg kjenner seg i god form.

Foto: Håvard G. Hagen / NRK

Ho er stolt av dotter si. Allereie på flyet ned til Italia, kjende ho på ei ekstra kribling i magen.

– Eg er veldig nervøs og veldig emosjonell. Då eg landa i dag braut eg nesten saman. Det er så spesielt. Vi har drive med kvinnefotball i mange år, og å komme på disse kampane. Det er kremen av kampane. Og til og med ha vår dotter der. Det er magisk, rett og slett, seier Stolsmo.

NRK sender meisterligafinalen mellom Barcelona og Lyon. Den startar klokka 19.00, og du kan sjå den her.

Enorm bragd

Skal vi tru hovudpersonen sjølv, er det like spesielt at foreldra er til stade på den mest prestisjefulle kampen i internasjonal fotball.

Women's Champions League - Final - Olympique Lyonnais Training

GOD STEMNING: Ada Hegerberg med lagvenninna.

Foto: ALBERTO LINGRIA / Reuters

– Dei stiller alltid opp, som vanleg. Og no føler eg at eg kan gi noko tilbake for all den støtta dei har gitt meg i all motgang, fortel Ada Hegerberg til NRK.

Superspissen tykkjer det er særdeles stort å vere tilbake på den største scena, men tykkjer det er surrealistisk at ho skal oppleve sin femte finale i ein alder av 26 år.

– Det er heilt gale når du tenkjer på det. Eg har jo hatt moglegheita til å ta eit steg tilbake då eg var skada, og fått sjå på heile reisa. Det er då eg verkeleg har tatt innover meg kor viktig dette har vore. Både personleg og for laget, og for fotballen sett under eitt, seier Hegerberg.

Det har ikkje vore enkle år som superspissen har gått gjennom. Ein korsbandskade heldt ho ute av spel i 625 dagar, og attpåtil rauk Lyon ut i kvartfinalen i den gjeve turneringa i fjor, medan ho framleis var skada.

– Korleis er det å vere tilbake?

– Heilt utruleg. Det har vore ein lang veg. Lagmessig er det ein utruleg motivasjon å stå her i dag og møte eit veldig godt lag i Barcelona, og kome tilbake i ein finale etter å ha ryke ut i kvartfinalen i fjor, seier Hegerberg.

Sjå intervjuet med Hegerberg her.

Norsk duell

I Torino møtest dei to beste kvinnelaga i fotballen, Barcelona og Lyon, og ein finn heile tre norske spelarar på laga.

Barcelona med Ingrid Syrstad Engen og Caroline Graham Hansen i rekkene, går ut for å forsvare tittelen mot klubben som i store delar av det siste tiåret har lagt beslag på den gjeve turneringa.

For Noreg sin del, er Hegerberg stolt.

– Først og fremst er det veldig viktig og kult for norsk fotball at vi har tre nordmenn i den største kampen i fotballen. Det er veldig viktig å representere Noreg på denne arenaen her. Eg håpar alle nordmenn slår på TV-en og tar seg tida. Eg trur det blir ein underhaldande kamp på høgt nivå.

Ho kan ikkje vente på å kome i gong med finalen.

– Eg føler eg meg som ein liten unge igjen, å vere her etter så mykje jobb mentalt og psykisk. Ting går fort. Fotballen er ferskvare. Det å skape historia på nytt, er den største oppnåinga for meg. Det er der eg siktar meg inn på å vere etter karrieren også, seier ho.

Les også: Graham Hansen avslører Hegerberg-støtte gjennom tøff skadeperiode

Trening kvinnelandslaget fotball
Trening kvinnelandslaget fotball

Siste nytt

  • Viking vil utestenge tilhengere og vurderer politianmeldelse

    En gruppe Rosenborg-supportere ble angrepet av en supportergruppering fra Viking etter eliteseriekampen i Stavanger. Nå vurderes det anmeldelse.

    Iført finlandshetter for å skjule sin identitet, gikk det som trolig var en gruppe Viking-supportere til angrep på en gjeng Rosenborg-tilhengere rett utenfor stadionet i Jåttåvågen, skriver Stavanger Aftenblad.

    Avisen beskriver supporterne som alternative fotballfans. To personer er allerede identifisert, mens det jobbes for å identifisere flere, skriver avisen.

    – Det som skjedde utenfor stadion søndag kveld, de scenene vi så der, det skal aldri få skje igjen, sier arrangementssjef i Viking, Børge Moi Nilsen, til Aftenbladet. (NTB)

    Eliteserien 2022: Viking - Rosenborg (1-1)
    Foto: Carina Johansen / NTB
  • Knudsen i LSK til neste sommar

    LSK-sportssjef Simon Mesfin stadfestar overfor Romerikes Blad at Magnus Knudsen blir hos dei gulkledde på ein avtale fram til neste sommar

    Fifa tillet utanlandske spelarar i den russiske ligaen å suspendere sine kontaktar fram til 30. juni i år fordi Russland invaderte Ukraina. I juni forlenga dei moglegheita med eitt år.

    Magnus Knudsen blei seld til Rostov frå Lillestrøm på tampen av 2021, men berre nokre månader inne i årets sesong var han tilbake hos Kanarifuglene da han nytta seg av denne moglegheita.

    Til Romerikes Blad opplyser LSK-sportssjef Simon Mesfin at klubben og spelaren har inngått ein avtale om at han held fram hos serieleiaren i eliteserien.

    – Vi er einig om ein avtale med Magnus til 30. juni neste sommar, seier han til avisa

    Magnus Knudsen har spelt elleve kampar for Lillestrøm i eliteserien denne sesongen.

    NM i fotball 2021: Skeid - Lillestrøm
    Foto: Annika Byrde / NTB
  • AaFK selger Haugen til dansk klubb

    Aalesunds Sigurd Haugen er klar for danske AGF i Århus, melder klubben. Haugen har vært en av sunnmørsklubbens viktigste spillere. I oppkjøringen til årets sesong ble det hele 15 scoringer og i serien har han scoret syv mål på 13 kamper.

    Haugen drar til Danmark allerede i kveld for å forberede seg til seriestarten i dansk superliga.

    – Det er selvsagt veldig stort, for det er en stor drøm som går i oppfyllelse. Det er noe jeg har jobbet ekstremt hardt for. Jeg er stolt, sier Haugen.

    AGF ansatte nylig Uwe Rösler som hovedtrener. I tillegg er Stig Inge Bjørnebye sportssjef i klubben.

    – Med tanke på det flotte mennesket og forbildet han er blitt for så mange i vår by og region, så er det klart at det smerter å selge Sigurd, sier administrerende direktør i AaFK, Ronny Stokke.

    Sigurd Haugen.
    Foto: Svein Ove Ekornesvåg / NTB

Sendeplan

Kl. Program Kanal
Spilleliste med 43 klipp
Sport
Spiller nå
Ski-VM er endelig tilbake på NRK! 01:00
Neste