NRK Meny
Normal

Harsem vraka og vurderer å legge opp: – Motivasjonen er borte

Heidi Weng meinte Kathrine Harsem skulle bli årets gjennombrot. Nå er motivasjonen borte og 27-åringen vurderer å legge opp.

Kathrine Harsem

TUNGT: Kathrine Harsem har vore langt nede den siste delen av sesongen. 27-åringen klarte aldri å nå ein sprintfinale i verdscupen som var eitt av sesongens store mål.

Foto: Pedersen, Terje / NTB scanpix

Alt var som det skulle i fjor sommar. Kathrine Harsem var inne i sin andre sesong på landslaget, imponerte på trening og smalt til med andreplass på sprinten i Toppidrettsveka.

– Steintøft å vere på landslaget

Heidi Weng var imponert og heilt sikker på at dette skulle bli lagvenninnas store sesong.

– Slik det ser ut nå trur eg ho får sitt store gjennombrot til vinteren, sa Weng til NRK da.

I dag blei Kathrine Harsem vraka frå landslaget etter ein sesong som aldri blei heilt som ho hadde håpa.

– Det er sjølvsagt kjempekjipt. Eg føler eg har hatt ein sesong der eg har utvikla og hatt framgang både på sprint og distanse, men kvinnelandslaget er så steintøft å vere ein del av. Eg er rett og slett ikkje god nok, seier Harsem til NRK.

I NM del 2 vann 27-åringen lagsprinten for Varden saman med Marthe Kristoffersen. Etter gullet fortalde Harsem til NRK at ho hadde vore langt nede etter å ha blitt vraka frå laget til eitt av sesongens store høgdepunkt, Ski Tour Canada. I verdscupen er 8.plassen frå sprinten i Kuusamo i verdscupopninga det beste resultatet.

Marthe Kristoffersen

LAGGULL: Saman med Marthe Kristoffersen tok Kathrine Harsem gull på lagsprinten i NM del 2 og fekk ein god avslutning på sesongen.

Foto: Bendiksby, Terje / NTB scanpix

Privatlag og legge opp er alternativa

Sigeren på Beitostølen var viktig, men framleis slit Varden-løparen med motivasjonen. Derfor er Harsem ikkje sikker på om ho blir å finne på startstreken neste sesong.

– Veldig mykje av motivasjonen min har dessverre blitt borte. Eg seier ikkje at eg ikkje kjem til å fortsette med ski, for det er det eg likar aller best i heile verda. Men eg må bruke tida framover nå til å finne tilbake til den gleden og motivasjonen eg har hatt med å drive med langrenn i så mange år.

Alternativet er anten å satse på privatlag, for seg sjølv eller å legge opp.

– Det er alltid eit alternativ å legge opp, men det er mange forskjellige lang ein kan vere ein del av. Det finst alltid sjansar for å satse på ski. Nå er dette veldig ferskt, men det kan kome tilbod nå som dette er kjent, seier Harsem.

I tillegg til Harsem blei også Martine Ek Hagen og Kari Vikhagen Gjeitnes vraka frå neste års elitelag. Ek Hagen held fram satsinga på rekruttlaget.

Siste nytt

  • Ny kamp for Emil Meek

    Den norske MMA-utøveren Emil Meek skal gå sin neste kamp mot Kamaru Usman i Las Vegas 30. desember, skriver Nettavisen. MMA-journalist Farah Hannoun meldte nyheten først på Twitter fredag kveld. Meek var sist i aksjon da han UFC-debuterte med seier mot Jordan Mein i Toronto i desember i fjor.

    Meek
    Foto: Tom Szczerbowski / Reuters
  • Sørloth storspilte i dansk toppkamp

    Alexander Sørloth scoret ett og hadde tre målgivende da Midtjylland slo Horsens 4-2 og tok over tabelltoppen i Danmark. Sørloth er nå på delt tredjeplass på toppscorerlisten i den danske eliteserien med åtte mål.

    Alexander Sørloth
    Foto: Vegard Wivestad Grøtt / NTB scanpix
  • Heintz forlenget med Sarpsborg

    19-åringen Tobias Heintz skrev fredag under en ny fireårskontrakt med Sarpsborg 08. Unggutten fra Moss har hatt en god sesong og scoret tre mål for Sarpsborg 08. Den nye avtalen varer til sommeren 2019, melder klubben i en pressemelding.

    Eliteserien fotball 2017: Sarpsborg - Lillestrøm.
    Foto: Jon Olav Nesvold / NTB scanpix

Sendeplan

Kl. Program Kanal
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 med Schau og Aune
4-4-2 Eliteserien fotball: Aalesund - Kristiansund