Tre mål kan avgjere VM-skjebnen for handballgutane

Norge må slå Austerrike med tre mål i dag, om dei vil sikre spel på VM-parketten i Qatar.

Bjarte Håkon Myrhol

MÅL: For å sikre VM-spel treng Bjarte Håkon Myrhol og laget siger mot Austerrike i dag. Her i kampen mot Danmark.

Foto: Amstrup, Bo / NTB scanpix

Glenn Solberg

GODT LAG: Austerrike har eit godt lag, meiner assistentrenar for handballgutane, Glenn Solberg. Likevel trur han både på siger og VM-spel.

Foto: Kallestad, Gorm / NTB scanpix

Kampen startar på Sotra Arena klokka 15.00.

Sist gong dei to laga møttest vann Austerrike med to mål. Difor er det tre små, men viktige, mål som kan avgjere om det norske flagget blir å sjå på VM-arenaen i januar.

– Det er veldig viktig å nå VM. Det er der ein får dei beste erfaringane, og utviklar seg som spelar, seier assistenttrenar, Glenn Solberg.

– Dei har eit godt lag

Det er mogeleg å kome vidare også med to mål, men det kjem an på kva lag som scorar mest på bortebane.

– Vi har førebudd oss godt. Sidan den forrige kampen har vi sett på kva vi kan gjere betre, sett mykje video og gitt spelarane tillit. Vi har gode mogelegheiter i dag, seier assistenttrenar Glenn Solberg før kampen.

Noreg ligg som nummer 16 på verdsrankingen, og har kvalifisert seg til dei fire siste meisterskapa. Austerrike er nummer 24.

– Dei har eit godt lag, med mange spelarar frå Bundesliga i Tyskland. Det blir viktig å stoppe skyttarane deira. Det vil vere ein god prestasjon å slå dei i dag, meiner Solberg.

Motivasjonen er på topp

I dag har handballgutane heimepublikum i ryggen.

– Vi håpar på støtte frå publikum, og det kan vere ein psykisk fordel å ha den avgjerande kampen på heimebane. Reint teknisk betyr det mindre og mindre. Kampane avgjerast på to mål heile vegen, seier Solberg.

Då NRK snakka med Solberg, hadde laget akkurat ete lunsj og var i gang med dei aller siste førebuingane før kampen.

– Det verkar som gjengen er veldig gira og klare for å kvalifisere seg. Dei vil levere sitt ytterste, seier Solberg.

Siste nytt

  • Sterk spurt gav Everton-siger

    Everton slo Crystal Palace og tok sin tredje strake siger i Premier League. Begge måla kom i kampens tre siste ordinære minutt, ved innbytarane Dominic Calvert-Lewin og Cenk Tosun.

    Tidleg i andre omgang redda keeper Jordan Pickford straffe.

    Jordan Pickford
    Foto: CARL RECINE / Reuters
  • Ti mål på ni kamper for Hegerberg

    Ada Hegerberg fastsatte sluttresultatet til 3-0 mot Bordeaux søndag. Seieren er Lyons sjuende strake i serien. Hegerberg har spilt seks av kampene og scoret sju mål. I tillegg har den norske spissen tre scoringer på tre kamper i mesterligaen.

    SOCCER-CHAMPIONS/WOMEN
    Foto: Valentyn Ogirenko / Reuters
  • Ciljan-assist i poengdeling

    Per Ciljan Skjelbred var nest sist på ballen då Hertha Berlin tok leiinga mot Freiburg i kampen i ettermiddag. Ondrej Duda scora. Men Freiburg utlikna, og det enda 1-1.

    Hertha er nr 5 på tabellen. Både Skjelbred og keeper Rune Almenning Skarstein spela heile kampen.

    Hertha Berlin
    Foto: JOHN MACDOUGALL / AFP

Sendeplan

Kl. Program Kanal
4-4-2 Eliteserien: Stabæk - Brann