Guardiola fekk revansje mot sine gamle elevar

Lionel Messi opna skåringsballet for Barcelona i meisterligakampen mot Manchester City. Men Guardiolas menn klarte å snu kampen mot hans gamle disiplar.

FBL-EUR-C1-MAN CITY-BARCELONA

SMILER: Pep Guardiola hadde god grunn til å vere nøgd etter 3-1-sigeren mot Barcelona.

Foto: OLI SCARFF / Afp

Laster innhold, vennligst vent..

Ilkay Gündogan stod i spissen då Manchester City snudde meisterligakampen heime mot Barcelona.

Dermed sette han både Barcelona og Lionel Messi i skuggen, trass i at argentinaren skåra sitt sjuande mål på tre meisterligakampar.

For då Gündogan sette inn to mål, og dermed har fire på dei to siste kampane, fekk Pep Guardiola sin herlege revansje mot sine gamle elevar i Barcelona.

Det etter at Barcelona knuste City 4–0 på heimebane i førre runde.

Messi-kontring

Og det var Barcelona starta kampen best, trass i at Manchester City-spelarane ropte på straffe etter 10 minuttar spelt. Raheem Sterling blei felt, men blei vinka opp av dommaren for overspeling. Reprisen viste at Sterling hadde ei god sak, sjølv om han la seg noko lett.

Etter 20 minuttar spel leverte Barcelona ei kontring i verdsklasse. Messi fekk ballen langt nede på eiga banehalvdel, og spelte vidare til Neymar på kant. Etter eit sugande 80-metersløp fekk Messi attende ballen, og plasserte den trygt i nettet bak City-keeper Wilfredo Caballero.

Men City lét ikkje målet knekke seg, og pressa på for utlikning. Den kom nokre minuttar før pause då Ilkay Gündogan breisida ballen i mål frå bakarste stolpe, der han fekk stå heilt fri.

APTOPIX Britain Soccer Champions League

FEIRAR: Ilkay Gündogan feirar hans første mål for kvelden.

Foto: Dave Thompson / Ap

Rett etterpå kunne Fernandinho sendt City i leiinga, men laga gjekk til pause med stillinga 1–1.

Sjansebonanza

Det var lite om å gjere at Sterling kunne sørge for ei pangopning på den andre omgangen då han var nær å sende City opp til 2–1 i det 46. minutt.

Rett etterpå fekk dei blåkledde frå England målet sitt. Kevin De Bruyne dundra til på frispark frå 20 meter, og trefte godt. Marc-André ter Stegen tok eit feilsteg, og rakk ikkje opp til ballen.

Men kampen var langt frå avgjort. Etter målet følgde ei rekke av store målsjansar til begge lag. de Bruyne hadde fleire sjansar til å sende City opp i 3-1, medan André Gomes sette ballen i tverrliggaren frå kort hald etter nydeleg Suarez-forspel.

Spikaren i kista

Og det låg eit mål til i lufta. Med eit kvarter igjen av kampen viste City igjen herlege takter. Kevin De Bruyne opna opp forsvaret til Barcelona, og spelte Jesus Navas fri. Spanjolen la hardt inn i feltet, og trefte Sergio Agüero. Ballen datt igjen ned i fanget til Ilkay Gündogan, som dundra ballen hardt i mål.

Sjansane fortsette å renne på etter målet, men ingen av laga makta å skåra fleire mål.

Dermed står Barcelona med ni poeng, og Manchester City med sju poeng etter fire kampar spelt i meisterligagruppe C.

Laster innhold, vennligst vent..

Siste nytt

  • Står over første konkurranse

    Brødrene Henrik, Filip og Jakob Ingebrigtsen skulle etter planen sesongdebutere 2 mai i California, men velger heller å utnytte tiden til høydetrening i Flagstaff, USA. Sesongstart blir derfor flyttet til 22 mai og Trond Moen-lekene i Bergen.

    Bislett games 2018
    Foto: Tore Meek / NTB scanpix
  • Eks-dommer krever millioner av NFF

    Tidligere fotballdommer Svein-Erik Edvartsen krever 7,2 millioner kroner mot Norges Fotballforbund for tapt arbeidsinntekt, skriver Nettavisen.

    NFF nektet i 2017 Edvartsen å dømme flere kamper etter en konflikt med dommersjef Terje Hauge.

    Svein-Erik Edvartsen
    Foto: Jon Olav Nesvold / NTB scanpix
  • – KBK blir United-motstandar

    Kristiansund blir truleg Manchester Uniteds motstandar på Ullevaal under Norway Cup i sommar, skriv Tidens Krav.

    Kristiansund er Ole Gunar Solskjærs heimby, der han spela for Clausenengen.

    Solskjær
    Foto: Paul Ellis / AFP

Sendeplan

Kl. Program Kanal