NRK Meny
Normal

Berger etter 10.-plassen: – Det blei tungt

SOTSJI/OSLO (NRK.no): Tora Berger øydela med bom på første skot, men på ein god dag kunne ho likevel ha tatt medalje, meiner NRK-ekspertane. Kroppen fungerte derimot ikkje optimalt.

Tora Berger

Tora Berger blei beste norske på ein skuffande tiandeplass. Bom på første skot gjorde at den norske favoritten forsvann ut av pallen.

Foto: Gero Breloer / Ap

Anastasiya Kuzmina

Såååå glad var gullvinnar Anastasiya Kuzmina etter løpet.

Foto: CARLOS BARRIA / Reuters

– Det var tungt i opninga i dag. Det positive er at det gjekk lettare og lettare. Det kjendest ut som eg måtte «gå meg inn» og på sisterunda kjendest det bra ut, fortel Berger til NRK.

Berger var mil bak gullet, der slovakiske Anastasiya Kuzmina var overlegen. Ho skaut feilfritt og vann 19,9 sekund framfor russiske Olga Volukhina og 21,7 sekund framfor ukrainske Vita Semerenko.

Berger enda heilt nede på ein skuffande tiandeplass.

– I dag blei det éin bom for mykje i tillegg til at kroppen var tung. Avslutninga er grei og følelsen er god på sisterunda, så eg heng ikkje med hovudet. No ser eg fram til jaktstarten, slår ho fast.

Berger gjekk i mål 33,8 sekund bak gullvinnar Kuzmina.

Meiner Berger kunne tatt medalje

– Det er godkjent på ståande, men eg hadde trudd Tora skulle gå fortare. Liggande er langt frå perfekt, meiner NRK-ekspert Liv Grete Skjelbreid Poirée.

Tora Berger

Berger trefte på ni av ti skot, men ein ikkje optimal dag i sporet enda i tiandeplass.

Foto: ODD ANDERSEN / Afp

Den tidlegare skiskyttaren meiner Berger hadde blanda seg inn heilt i tet på ein betre dag.

– Sølv og bronse burde vore innanfor rekkevidd i dag. Det som overraskar mest er at ho med éin bom burde vere nærare teten. Spesielt når løparar som Oberhofer og Bescond er framfor, seier Skjelbreid Poirée etter løpet.

– Dette var skuffande når vi ser kven som er framfor. Ingen av dei norske leverer nær optimalt i dag, meiner NRK-ekspert Liv Grete Skjelbreid Poirée.

Tiril Eckhoff blei nest best av dei norske på 18.-plass med éin bom. Ann Kristin Aafedt Flatland bomma også éin gong og blei nummer 24. Synnøve Solemdal måtte ut i to strafferundar og enda på ein svært skuffande 35.-plass.

Synnøve Solemdal

Synnøve Solemdal enda heilt nede på 35.-plass etter éin bom på både liggande og ståande.

Foto: Junge, Heiko / NTB scanpix

– Bommar grovt!

For Tora Berger opna OL på verst mogleg vis. Vel inne på første skyting heldt publikum pusten, men:

– Tora bommar grovt ned høgre!, sa NRK-ekspert Ola Lunde etter første skot.

Dei fire neste blinkane gjekk i kvitt, men konklusjonen var enkel:

– Det var ein rufsete serie av Tora Berger, sa NRK-kommentator Andreas Stabrun Smith.

Den neste serien måtte inn om Berger skulle ha sjanse på ein medalje. Det blei fire skot rett ned, men i sporet gjekk det ikkje raskt nok.

– Ho såg ut til å vere for spent. Akklimatisering til høgda skal vere i orden, fortel NRK-ekspert Liv Grete Skjelbreid Poirée.

Berger sjølv ser no fram til jaktstarten.

– Der er det moglegheiter. I dag skyt mange fullt, medan eg bommar og ikkje har dagen i sporet. Ein må ha dagen om ein skal få det til, seier Berger til NRK.

– No blir det ein roleg treningsdag, og så prøver vi på nytt på jaktstarten, legg ho til etter tiandeplassen.

Sjå heile resultatlista under:

Beklager, vi kunne ikke vise innholdet.
Se «Resultat skiskyting, 7,5 km sprint kvinner» i nytt vindu

Siste nytt

  • Zuccas nye sjef klar

    51 år gamle David Quinn er ansatt som ny trener for Mats Zuccarellos NHL-klubb New York Rangers. Quinn kommer fra trenerjobben til Boston University. Quinn erstatter Alain Vigneault. Han fikk sparken bare timer etter at New York Rangers ikke tok seg til NHL-sluttspillet for første gang siden 2010.

    Mats Zuccarello Aasen
    Foto: Elsa / Getty Images
  • Ancelotti blir Napoli-trener

    Carlo Ancelotti (58) har skrevet under en treårskontrakt som trener for serie A-klubben Napoli. Ancelotti fikk sparken i Bayern München sist høst. Han erstatter Maurizio Sarri som ledet Napoli til andreplass bak Juventus. Sarri skal være aktuell som ny trener i både Chelsea og Zenit St. Petersburg.

    SOCCER-ITALY-NAP/
    Foto: Charles Platiau / Reuters
  • Viviani med sin fjerde seier

    Elia Viviani tok sin fjerde etappeseier under Giro d'Italia onsdag. Han er dermed den første italieneren på fire år til å vinne fire etapper i én og samme utgave av Giro d'Italia.

    Alle sammenlagtfavorittene kom seg helskinnet til mål, og Simon Yates er fortsatt mannen som innehar den rosa ledertrøya etter den 17. etappen over 155 kilometer fra Riva del Garda til Iseo.

    CYCLING-ITA-GIRO
    Foto: LUK BENIES / AFP

Sendeplan

Kl. Program Kanal