NRK Meny
Normal

Grøvdal prega av skaden – men VM er ikkje i fare

Karoline Bjerkeli Grøvdal greidde ikkje å halde tårene tilbake etter sjuandeplass på 1500-meteren i lag-EM i Vaasa. Hamstringsskaden blei for vond.

Karoline Bjerkeli Grøvdal slet med strekk og endte på 7. plass i lag-EM i Vasa.

SKUFFA: Karoline Bjerkeli Grøvdal felte nokre tårer etter at ho kjende til skaden og hamna langt bak på 1500-meteren

Grøvdal var tydeleg hemma i innspurten, makta aldri å halde farten til dei beste, og fekk tida 4.18,24.

– Eg er nok litt prega av strekken eg har hatt, sa ho til NRK rett etter løpet.

Etterpå fekk ho ispose på hamstringen.

– Ein 1500 meter-spurt er ikkje det eg er mest van med, men eg hadde nok håpa eg hadde litt meir å gi på slutten. Men eg er vel litt redd for å dra opp strekken igjen, eg våga ikkje heilt å lite på at det skulle tole det.

Brukte tigerbalsam

Det var kjølig i Finland i dag, og Grøvdal smurde låret inn med tigerbalsam for å vere tryggast mogeleg.

Ho fryktar likevel ikkje at ho forverra skaden.

– Det er sikkert ikkje noko farleg. Men det sit inne i hovudet også, seier ho.

Grøvdal meiner skaden uansett er i ferd med å bli betre, men det heng litt igjen.

– Kva gjer du no framover for å bli kvitt skaden?

– Vi følgjer den planen som er lagt for resten av sesongen, sa Grøvdal, som etter planen skal delta i Diamond League-stemnet i Paris laurdag.

– Omtrent som venta

Karoline Bjerkeli Grøvdal trening

VM IKKJE I FARE: Karoline Bjerkeli Grøvdal meiner skaden er i ferd med å bli lega, og endrar ikkje planen for resten av sesongen. Det inneber VM i London i august

Foto: Harald Thingnes / NRK

Karoline Bjerkeli Grøvdal har hatt problem med låret tidlegare, og trekte seg frå Bislett Games for ei dryg veke sidan på grunn av ein strekk i låret. Der skulle ho ha sprunge 3000 meter hinder, men tok ikkje sjansen av risiko for å forverre skaden.

Derfor var det 1500 meter ho starta på i Finland i dag. Og det gjekk ikkje så bra.

– Ho kjende litt i låret no, seier lege Ove Talsnes.

Hen seier løpet var omtrent som venta: Roleg tempo i starten, litt knuffing undervegs og så ein spurt.

– Det er ikkje det gunstigaste for ein slik type skade. Vêrmessig var det heller ikkje gunstig. Det er neppe alvorleg, men ho stivna og fekk ikkje til noko godt løp.

Fryktar ikkje for VM

Talsnes meiner det ikkje er nødvendig å endre planane framover.

– Ein konkurranseplan er ein rammeplan. Det er alltid rom for mindre justeringar, så det må vi sjå på dei neste dagane.

– Vi såg tårene spratt. Er det noko vi bør vere redd for med tanke på det som skal skje seinare i sesongen?

– Nei, det trur eg ikkje. Men ho er ein internasjonal løpar med store forventningar til seg sjølv. Det er ikkje så rart ho er skuffa.

– Ingen VM-bekymring?

– Nei.

Siste nytt

  • VM-lag i flydrama

    Den ene flymotoren tok fyr da Saudi-Arabias VM-mannskap landet i Rostov. Det opplyser landets fotballfotbund på Twitter. Alle spillerne skal være i god behold, men det ble altså en høydramatisk ankomst for laget som skal møte Uruguay på onsdag.

    FBL-WC-2018-RUS-KSA
    Foto: PATRIK STOLLARZ / AFP
  • Kaptein-Kane header inn 2-1

Sendeplan

Kl. Program Kanal