Slik skal tennisforbundet rette opp igjen tilliten etter kaosvåren

Ein granskingsrapport viser til 45 ulike forbetringstiltak for å auke tilliten klubbane har til Norges Tennisforbund. Forbundet sjølv meiner dei har forbetringspotensial og set no i verk fleire endringar.

Paulsen

GENERALSEKRETÆR: Aslak Paulsen overtok som generalsekretær i Noregs Tennisforbund i april 2020.

Foto: Halvor Ekeland / NRK

– Vi gjer mykje bra, men så er det som alle andre organisasjonar alltids mogleg å bli betre, seier generalsekretær i tennisforbundet, Aslak Paulsen.

På forsommaren i fjor skreiv NRK og fleire andre medium om misnøye i tennisforbundet. Toppspelarane følte seg oversett, prioriteringane til forbundet vart kritiserte og bonusordninga til den tidlegare generalsekretæren vart kalla «direkte hårreisande».

– Det kom mange skuldingar mot tennisforbundet. Eg synest det var krevjande, men når du står i det så må du prøve å ta til oss den informasjonen som kjem, omarbeide han og prøve å komme styrkte ut på den andre sida, seier Paulsen.

– Hemmar utviklinga

Kritikken enda med ei ekstraordinær generalforsamling i forbundet. Enkelte kravde ei ekstern gransking, men ein landa i staden på ei løysing med ei intern evaluering.

Tennisting

EKSTRAORDINÆRT FORBUNDSTING: Sommaren 2020 bestemde tennistinget at ei arbeidsgruppe skulle sjå på korleis tennisforbundet kan forbetrast.

Rett før påske kom rapporten frå arbeidsgruppa. Der peikar dei på 45 konkrete forslag til tiltak for forbundet. Mellom anna korleis forbundet skal betre kommunikasjonen, endre prioriteringar og skape ein betre kultur i norsk tennis.

«På ei side har NTF i løpet av seinare tid utvikla fleire velfungerande konsept som norske tennisklubbar er godt fornøgd med. På ei anna side finst fleire utfordringar som tilsynelatande hemmar utviklinga av både breidde og topp, mellom anna knytt til geografi, ressursar, organisering og kultur», står det i rapporten.

– Dei (tiltaka som er foreslått, journ.anm.) skal vi sjølvsagt sjå på og gjere prioriteringar rundt i styret. Så vil vi bruke den rapporten internt i ny strategi- og handlingsplan som kjem i 2022, seier Paulsen.

Spent på oppfølginga vidare

Melanie Stokke og Malene Helgø var blant dei som var kritiske til satsinga på toppspelarar. Dei to er blant Noregs beste tennisspelarar. Torsdag trena dei saman i riksanlegget for tennis, saman med landslagstrenar Fredrik Løfven.

Stokke

SPENT: Melanie Stokke er spent på korleis tennisforbundet skal følte opp toppspelarane når dei igjen skal reise utanlands for å konkurrere.

Foto: Halvor Ekeland / NRK

– Eg har alltid trena i Spania og skjønte ikkje heilt korleis det skulle fungere her heime. Det var mykje frustrasjon rundt det med økonomien og støtta då eg kom heim, seier Melanie Stokke.

Stokke var så frustrert at ho sa ho skulle leggje opp, men gjennom sommaren var det noko som endra seg. Ho tok ein prat med trenaren sin, Tony Jønsson, og innsåg at ho framleis hadde lyst til å spele. Samtidig dukka det opp eit treningstilbod i regi av forbundet for landslagsspelarar i Oslo.

– Hittil har eg ikkje fått noko informasjon og svar rundt økonomien. Det einaste som har vorte betre er at vi har fått oppfølging på landslagstreningar og med ein dyktig trenar. Treninga har vorte mykje betre. Dei har gitt det opplegget der. Så er spørsmålet korleis dei skal følgje oss opp med sponsorstøtte når vi skal ut å reise, for det er der reisekostnadene blir auka. No får vi dette som gratistilbod, som er bra, men som toppspelar må vi ut, seier Stokke.

Helgø

FORNØGD: – Eg synest det er meir proft, meir oppfølging, seier Malene Helgø om satsinga til Noregs Tennisforbund.

Foto: Halvor Ekeland / NRK

Også Helgø er fornøgd med at dei no har eit profesjonelt opplegg på plass i hovudstaden.

– Det er klart det er ein fordel å kunne satse heime og ikkje trenge å reise til utlandet for å få bra trening og sparring. Når vi må reise til utlandet så kostar det veldig mykje med å betale akademi og sånn. At dei organiserer dette set eg veldig pris på, seier ho.

Har sett i verk endringar

Rapporten peikar mellom anna på at dårleg og uklar kommunikasjon over tid har ført til svekt tillit til forbundet.

«Det er behov for betre prosessar rundt vegval og utforming av strategi- og handlingsplanar. Vidare vil auka grad av dokumentasjon og openheit bidra til å auke tilliten til NTF med omsyn til mellom anna tilleggsarbeid og habilitetsspørsmål», står det i rapporten.

Nokre endringar er allereie sett i verk, ifølgje forbundet. I tillegg til organiserte landslagstreningar opplyser forbundet at dei jobbar med ein betre spelarutviklingsmodell, betre kommunikasjon og ein ny strategiplan for norsk tennis.

– Du må gjere prioriteringar ut frå ein avgrensa pott du skal fordele. For å konkretisere ein ny modell no vil vi gjerne ha med klubbane slik at det er konsensus om at dette er vegen å gå. Alle skal få seie sitt og meine noko, så skal vi klare å forankre det på tinget til slutt, sånn at vi får ein langsiktig og berekraftig modell, seier Paulsen.

Siste nytt

  • Guardiola er imot lukket superliga

    Manchester City-manager Pep Guardiola sier at han personlig er imot en lukket superliga der ingen kan rykke ned.

    – Det er ikke sport hvis suksessen er garantert. Det er ikke sport hvis det ikke gjør noe om man taper, sa han under en digital pressekonferanse tirsdag.

    Guardiola uttalte videre at han ikke vet mer enn det som sto i pressemeldingen fra klubbene.

    – Noen timer i forkant fikk jeg beskjed om at det skulle komme en pressemelding. Og den er der, men ingen snakker om detaljene, hva de tenker å gjøre og skape. Det er situasjonen vi har nå, sa City-sjefen.

    Han la ikke skjul på at han ikke likte tanken på en eksklusiv liga der 15 faste klubber er med hvert år og ikke står i fare for å ryke ut.

    – Det er ikke riktig at suksessen er garantert for noen, utvalgte klubber. Og det er det inntrykket jeg får av denne pressemeldingen, kommenterte han.

    Spanjolen understreket samtidig at superligaen fortsatt ikke er en realitet, men «bare en pressemelding».

    – Vi må alle jobbe de neste dagene for å få dem til å fortelle oss mest mulig. Hvorfor er disse lagene blitt valgt? Hvorfor er ikke Ajax, med fire europeiske titler, med der? Hvorfor må de kvalifisere seg. De må fortelle oss dette, fortsatte Guardiola.

    City-manageren mener også det er urettferdig å kritisere ham og andre ansatte i klubben som ikke har vært en del av superliga-planleggingen.

    – Det er urettferdig mot alle som jobber i klubben, i denne tøffe situasjonen (pandemien). De må komme med en klar uttalelse om hvorfor dette skjer, sa Guardiola.

    Pep Guardiola
    Foto: Tibor Illyes / AP
  • Vil ha statue av legende fjernet

    Barnebarnet til Liverpools managerlegende Bill Shankly raser mot klubbens superligaplaner og ber om at statuen av bestefaren fjernes fra Anfield.

    Det uttaler Chris Carline (39) til lokalavisen Liverpool Echo. Hans bestefar Bill Shankly er en av tidenes mest suksessrike Liverpool-managere og en evig helt i klubben.

    – Jeg vet at bestefaren min blir sitert mer enn noen gang nå, og det er helt riktig, for det som skjer nå, kunne ikke vært lenger unna det han ønsket for denne klubben, sier Carline, som til daglig er direktør i Shankly Hotel og også driver veldedighetsstiftelsen i Shanklys navn.

    Premier League - Liverpool fans celebrate winning the Premier League
    Foto: Carl Recine / Reuters
  • KBK låner ut målvakt

    Keeperen Serigne Mor Mbaye skal spele for Sogndal på lån frå Kristiansund komande fotballsesong. Det går fram av nettsida til KBK. Senegalesaren kom til KBK i 2015, men har og vore på andre utlån. Han har 14 eliteserie- og fire cupkampar for Kristiansund, der Sean McDermott har vore førstevalet.

    Serigne Mor Mbaye
    Foto: Kristiansund BK

Sendeplan

Kl. Program Kanal