NRK Meny
Normal

God start for Gjersem i EM

Kunstløpar Anne Line Gjersem gjekk eit godt kortprogram i Budapest onsdag, og har kvalifisert seg til friløpet.

Kunstløperen Anne Line Gjersem oppnådde poengsummen 46,63 under kortprogrammet i Budapest. Kommentatorer: Rita Morvik og Mona Adolfsen.

SJÅ VIDEO: Anne Line Gjersem kan verta fyrste kunstløpar frå Noreg i OL på 50 år. Sjå kortprogrammet hennar i EM.

– Ho gjorde alt ho kunne, så me er absolutt nøgde, sa lagleiar i Budapest Anna Pushkova til NRK.no etter løpet.

Ingen store feil

– Anne Line gjorde eit ganske godt kortprogram. Ho klarte dei vanskelege elementa utan store feil, seier internasjonal dommar i kunstløp Mona Adolfsen.

20-åringen frå Asker oppnådde ein total poengsum på 46.63 under kortprogrammet. Den tekniske poengsummen var 26.43, medan ho fekk 20.20 for prestasjonen.

Gjersem vart til slutt nummer 18 i kortprogrammet. For å få gå det avsluttande friløpet fredag, måtte ho vera mellom dei 24 beste.

Gjersem deltek i sitt tredje EM. I fjor klarte ho å kvalifisera seg til friløpet, og vart til slutt nummer 23.

Sterk mentalt

Mona Adolfsen, som òg er leiar for toppidrettsutviklinga for kunstløp, er imponert over Asker-jenta si evna til å takla press.

– Ho var nok prega av alvoret og kjende på presset, men klarte likevel å levera eit godt program, seier Adolfsen og legg til:

– Det er sterkt gjort når ho veit ho må prestera i EM.

Gjersem har synt mental styrke tidlegare. I fjor klarte ho VM-kravet i siste forsøk. 20-åringen har ikkje gått konkurranse sidan september i fjor på grunn av skade.

– Det er utruleg jamt og små detaljar som skil. Klarar Anne Line å vera mellom dei 15 beste etter friløpet, bør me vera godt nøgde.

Ikkje utteken til OL enno

Gjersem skaffa Noreg ein kvoteplass til OL i Sotsji, då ho i haust vart nummer sju i Nebelhorn Trophy. Der sette ho òg sine personlege rekordar. Gjersem er likevel ikkje teken ut enno.

Ho må prestera i EM for å overtyda Olympiatoppen. Før vurderinga til Olympiatoppen må det koma ei innstilling frå skøyteforbundet.

– Ho må visa gode resultat og framgang i EM. Ein ting er at ho bør få til trippelhoppa sine. Fyrste mål er å koma til finalen, det klarte ho i fjor. Ho bør gjenta det og gå eit godt langprogram, kor ho får til nokon fleire element. Då kan det verta bra, har Øystein Haugen i skøyteforbundet uttala til NRK.


PS! I EM deltek òg ein norsk løpar på herresida. Sondre Oddvoll Bøe er 16 år og går for fyrste gong eit løp i seniorklassen. Han går sitt kortprogram torsdag.

– Han vil nok ikkje koma til OL, men det vil vera sensasjonelt bra dersom debutanten kvalifiserer til friløpet, seier NRK sin kommentator i kunstløp Rita Morvik.

– Sondre har synt svært stabile resultat så langt denne sesongen, og er i hovudsak teken ut for å læra, seier Adolfsen.

Fått opp eit lag

Adolfsen trekkjer fram betydinga av å ha eit godt lag i ryggen. Tradisjonen har vore ein og ein utøvar.

– No har me fått fram eit sterkt lag, og det er mykje av bakgrunnen for at Anne Line er der ho er i dag, seier Adolfsen og fortel at det kjem fleire juniorar etter.

Ho trur ikkje det hadde vore mogleg utan støtte frå Olympiatoppen.

– Satsinga Olympiatoppen har lagt ned har vore avgjerande.

Utøvarane har òg vore med på eit utviklingsprosjekt i regi av Den internasjonale skøyteunionen (ISU). Laget har hatt fleire samlingar saman med nordiske utøvarar under trening med gode internasjonale trenarar.

Siste nytt

  • Sørloth storspilte i dansk toppkamp

    Alexander Sørloth scoret ett og hadde tre målgivende da Midtjylland slo Horsens 4-2 og tok over tabelltoppen i Danmark. Sørloth er nå på delt tredjeplass på toppscorerlisten i den danske eliteserien med åtte mål.

    Alexander Sørloth
    Foto: Vegard Wivestad Grøtt / NTB scanpix
  • Heintz forlenget med Sarpsborg

    19-åringen Tobias Heintz skrev fredag under en ny fireårskontrakt med Sarpsborg 08. Unggutten fra Moss har hatt en god sesong og scoret tre mål for Sarpsborg 08. Den nye avtalen varer til sommeren 2019, melder klubben i en pressemelding.

    Eliteserien fotball 2017: Sarpsborg - Lillestrøm.
    Foto: Jon Olav Nesvold / NTB scanpix
  • Islands fotballkvinner slo Tyskland

    Det er ikke bare mennene som kan sørge for fotballsensasjon på Island. Fredag tok kvinnene en svært sterk 3-2-seier borte mot Tyskland. Dermed tok Island sin andre seier i VM-kvalifiseringen.

    Germany Soccer Women WCup Iceland
    Foto: Thomas Frey / AP

Sendeplan

Kl. Program Kanal