NRK Meny
Normal

Gir 100.000 for kvart poeng: – Vi er i himmelen

Investor og milliardær Kjetil Holta med uvanleg poengbonus for å hjelpe Notodden til opprykk.

Kjetil Holta

GÅVMILD: Milliardær Kjetil Holta har vore med å bygge opp Notodden Fotball sidan starten i 1999.

Foto: Hauge Jon / Aftenposten

Kamal Saaliti

KAN BLI RIKE: Kamal Saliti, her i Hønefoss-drakt, har fått en ekstra motivasjon i kampen om opprykk for Notodden.

Foto: Andersen, Ståle / SCANPIX

– Det er sjølvsagt fantastisk. Dette er ein vanvittig gest frå Kjetil. Vi er i himmelen, seier dagleg leiar i Notodden FK, Per Arne Hansen.

Finansmannen Kjetil Holta har bestemt seg for å gje klubben 100.000 kroner for kvart poeng klubben tar resten av sesongen.

Motivasjonsbonusen håpar Holta skal føre 2. divisjonslaget til OBOS-ligaen.

Bygd opp klubben

Med sju serierundar igjen ligg Notodden sju poeng bak serieleiar Arendal. Men Notodden har vunne fem av dei seks siste seriekampane og er i knallform.

No vil Kjetil Holta, som er født og oppvaksen på Notodden, hjelpe klubben og spelarane til ein siste innspurt.

Med 21 poeng og full pott i dei sju siste kampane kan klubben bli 2,1 millionar kroner rikare.

Holta har vore sentral i oppbygginga av Notodden Fotballklubb som blei etablert i 1999. Milliardæren har støtta klubben finansielt sidan 2002.

51-åringen er ein del av Holta-familien som i flere generasjoner har drive industrikonsernet Tinfos på Notodden.

I 2008 selde han aksjeposten sin til det franske industrikonsernet Eramet. Holta er i dag eigar og styreleiar i Holta Invest.

– Inne i god stim

Holta melder til Notoddens eigne heimesider at han håpar dette kan motivere til at sigersrekka blir forlenga ut sesongen, og at rekneskapen kan kome i balanse.

– Men vi må ha poenga for å få pengane på konto, ler dagleg leiar Hansen.

Som fleire andre fotballklubbar i Norge slit Notodden tungt økonomisk.

– Dette gjev klubben eit positivt løft. Vi har ein spennande innspurt med sju kampar igjen. Og vi føler at vi framleis har moglegheiter til å hente laget som ligg på toppen, seier Hansen til NRK.

– Vi håpar dette kan gje oss ein sportsleg «drive». Vi har vunne fem av dei seks siste kampane, og er inne i ein god stim. Vi håpar den positive trenden kan vare, seier Per Arne Hansen.

Siste nytt

  • Iden med verdenscupseier

    Gustav Iden vant lørdagens verdenscupstevne i triatlon i Lausanne foran den britiske stjernen Johnny Brownlee. Kristian Blummenfelt ble nummer tre. Det ble konkurrert i olympisk distanse, 1,5 km svømming, 40 km sykling og 10 km løping.

    Pressekonferanse med triatlonforbundet
    Foto: Berit Roald / NTB scanpix
  • Alonso sendte Chelsea til himmels

    Marcos Alonso reddet 3-2-seier for Chelsea mot Arsenal etter at Unai Emerys hadde hentet opp blåtrøyenes 2-0-ledelse. Lørdagens London-derby var det første i Premier League etter at Maurizio Sarri og Unai Emery tok over som managere i klubbene.

    FBL-ENG-PR-CHELSEA-ARSENAL
    Foto: GLYN KIRK / AFP
  • Mbappé avgjorde for PSG

    Paris Saint-Germain lå under ved pause, men vendte til 3-1-seier borte mot Guingamp i fransk 1. divisjon lørdag. Superstjernene Neymar og Kylian Mbappé (2) scoret. PSG måtte greie seg uten flere andre av sine stjerner, deriblant Edinson Cavani.

    FBL-FRA-LIGUE1-GUINGAMP-PSG
    Foto: FRED TANNEAU / AFP

Sendeplan

Kl. Program Kanal
NM-veka: NM-kveld