NRK Meny
Normal

Kenneth Gangnes om comebacket: – Eg var nervøs

Kenneth Gangnes vedgår at han var nervøs framfor sin første hoppkonkurranse på eitt og eit halvt år i Polen fredag.

Gangnes hopper 121 meter

GODT COMEBACK: Kenneth Gangnes hoppar 127,5 meter i sin første konkurranse på eitt og eit halvt år (Video frå Eurosport)

– Nervane var til stades (i kvalifiseringsomgangen) i går, og eg kjende det i dag også, seier Gangnes.

Han var med på det norske laget i lagkonkurransen på plast i Summer Grand Prix i polske Wisla i dag.

Han har ikkje hoppa sidan han blei skadd på trening i juni i fjor og skadde kneet.

– Det er utruleg godt å vere tilbake. Det er dette eg har sakna sidan eg blei skadd, seier Gangnes til NRK.

Han hoppa som tredjemann på det norske laget, og det gav 121 meter i første omgang og pene 127,5 i andre.

Trur på ein veldig bra vinter

Landslagssjef Alexander Stöckl likte det han såg av Gangnes i bakken i Wisla.

– Det var positivt. Han hoppar på eit ganske høgt nivå. Han er ikkje hundre prosent der han skal vere fysisk for å henge med dei beste, så det han leverte i dag, var ei veldig positiv overrasking, må eg seie.

Stöckl er nøgd med at teknikken er god nok til at Gangnes kan få ei god plassering.

– Det han må forbetre er først og fremst fysikken, optimalisere utstyret, og kanskje også jobbe litt med tekikken for å fintune det som enno ikkje stemmer heilt.

– Der som han jobbar vidare som no, trur eg det blir ein veldig bra vinter for Kenneth, seier Stöckl.

– Topp stemning når Kenneth er med

Landslagssjefen seier det er viktig for gruppa å ha humørspreiaren Kenneth Gangnes tilbake.

– Den energien han tek med seg inn i gruppa og måten han står fram som person, er veldig viktig for laget. Det er topp stemning til eikvar tid når Kenneth er med. Og han har også etter kvart mykje erfaring, seier Alexander Stöckl.

– Det er no det verkeleg tek til. For å bli stabilt god til vinteren, må eg bli betre enn det nivået eg var på før, seier Gangnes.

Slått av Polen

Norge leia lagkonkurransen til det stod att to hopp på kvart lag. Då gjekk Polen forbi og vann med 12,2 poengs margin til Norge. Tyskland på tredjeplass var langt bak.

I tillegg til Gangnes hoppa Anders Fannemel, Robert Johansson og Daniel Andre Tande for Norge.

Laurdag er det individuell konkurranse i Wisla.

Siste nytt

  • Ingen Stina Nilsson i Toblach

    En forkjølet Stina Nilsson deltar ikke i de to verdenscuprennene i langrenn i Toblach til helgen.

    Nilsson vant sprinten i Davos sist lørdag. I søndagens 10 kilometer i fri teknikk endte hun på 31.-plass.

    Verdenscup ski nordiske grener.
    Foto: Terje Bendiksby / NTB scanpix
  • Ødegaard ute med brudd i foten

    Martin Ødegaard vil ikke spille mer for nederlandske Heerenveen før jul. 18-åringen har pådratt seg et brudd i foten. Det bekrefter pappa Hans Erik Ødegaard til Aftenposten mandag.

    – Det er et brudd oppe på den ene vristen, sier Ødegaard til avisen.

    Martin Ødegaard går dermed glipp av de siste tre seriekampene før julepausen.

    Martin Ødegaard
    Foto: Terje Bendiksby / NTB scanpix
  • Sørloth og Wikheim med nye mål

    Alexander Sørloth og Gustav Wikheim var involvert i samtlige mål da Midtjylland vant 4-0 over Randers i dansk superliga mandag.

    Sørloth ga Midtjylland ledelsen etter 32 minutter. Wikheim toppet kvelden med å sette inn kveldens fjerde mål.

    Pressetreff før Norge - Nord Irland
    Foto: Torstein Bøe / NTB scanpix

Sendeplan

Kl. Program Kanal