Hopp til innhold

Full strid før fotballens Qatar-avgjerd: – Grenser til ureieleg spel

Norsk supporterallianse siste initiativ fell i dårleg jord hos leiaren i NFF Hordaland. Han meiner supporterane driv eit ureieleg spel.

Tore Christian Gjelsvik portrettbilde

MERKELEG: Tore Christian Gjelsvik i NFF Hordaland synest tiltaket til NSA er merkeleg.

– Eg synest det grenser til ureieleg spel. Viss me trekker det litt langt så er det ein underbyggande form for korrupsjon det her, seier kretsleiar i Norges Fotballforbund (NFF) Hordaland, Tore Christian Gjelsvik til NRK.

Maktspelet om boikotten av fotball-VM i Qatar har verkeleg skote fart. Det endelege svaret på om Norge vil boikotte meisterskapet til neste år får me kanskje på fotballtinget 20. juni. Og det er Norsk Supporterallianse (NSA) sitt siste grep som får Gjelsvik til å reagere.

Arbeidere på VM-anlegg i Qatar

DÅRLEGE FORHOLD: Det er dei dårlege arbeidsforholda til gjestearbeidarane i Qatar som er årsaka til forslaget om boikott.

Foto: Kai Pfaffenbach

For organisasjonen som meiner at Norge bør boikotte meisterskapet tilbyr seg no å melde seg inn i klubbar som ikkje har moglegheit til å stille på tinget.

– Korrupte handlingar

Gjelsvik reagerer sterkt på framgangsmetoden til organisasjonen.

– Eg vil kalle det ureieleg og eg vil nesten kalle det korrupte handlingar. Greitt, det kan vere innanfor lovens reglar at du melder deg inn i klubben ein månad før du skal representere den, men eg tenker at her må klubbane sjølv få lov til å bestemme, seier Gjelsvik.

NSA er absolutt ikkje einig.

– Korrupsjon!? Haha, det er det berre å le av. Det er ikkje nærleiken av korrupsjon eller noko sånn. Det å eventuelt få til nokre breidderepresentantar er berre ein konsekvens av at forbundet foreslår eit fysisk ting. Alt skal sjølvsagt bli gjort i samsvar med forbundets lovar, svarer organisasjonens talsperson Ole Kristian Sandvik.

– Så vidt eg kan sjå er dette første gong Norges Fotballforbund bruker ordet korrupsjon i Qatar-samanheng. Det skjer når nokon supporterar prøver å hjelpe breiddeklubbar med å stemme i eit viktig, demokratisk val – berre ved å følge NFFs eigne vedtekter, seier Bjørnar Posse Sandboe i NSA.

Både Sandvik og Gjelsvik sit i det eksterne utvalet, som kjem med sin rapport 18. mai.

Generalsekretær i NFF, Pål Bjerketvedt, fortel at dei ikkje kjem til å forsøke å stoppe tiltaket til NSA.

Norges Fotballforbund med pressekonferanse

VIL IKKJE STOPPE DET: Generalsekretær i NFF, Pål Bjerketvedt, meiner initiativet til NSA er spesielt, men NFF vil likevel ikkje forsøke å stoppe det.

Foto: Terje Pedersen / NTB

– Det er ikkje heimel i lovverket for å stoppe det her. Det her er ein del av demokratiet, men demokratiet er ikkje meint til å fungere på den her måten, seier Bjerketvedt.

Fysisk oppmøte

Bakgrunnen for tiltaket, er ifølge NSA basert på saka til VG på laurdag. Der kom det fram at NFF ønsker fysisk oppmøte på fotballtinget.

– Eit fysisk ting vil gjere at fleire av breiddeklubbane som har sagt at dei ønsker å kome på forbundstinget ikkje vil ha moglegheit til å dra sjølv, anten på grunn av økonomi eller på grunn av koronaen, fortel Sandvik.

Ole Kristian Sandvik portrettbilde

KONSEKVENSAR: Talsperson i Norsk Supporterallianse, Ole Kristian Sandvik, meiner NFF må forvente at organisasjonen tar grep når dei oppmodar til fysisk oppmøte på fotballtinget.

Foto: Oda Scheel

I mars hadde fotballforbundet ekstraordinært ting. Det blei gjennomført digitalt, og Sandvik opplevde at det gjekk knirkefritt. Han synest derfor det er merkeleg at NFF no vil ha eit fysisk oppmøte.

– Forbundet veit veldig godt at det er mange breiddeklubbar som ikkje har moglegheit til å møte opp fysisk og det er desse klubbane som støttar ein boikott. Forbundet veit veldig godt at eit fysisk forbundsting vil gjere at det er større sannsyn for at dei får vilja si, meiner Sandvik.

– Smittesituasjonen er på veg i riktig veg, og at ein i midten av juni kan legge til rette for fysisk ting bør det ikkje vere noko i vegen for. Det er ikkje nytt at det er eit fysisk ting, når det er tillaten og tilrettelagt for det, så bør det vere som det har vore i alle år, svarer Gjelsvik i NFF.

Siste nytt

  • Frykter britisk langrennskrise: – En skuffelse

    Det britiske langrennslandslaget står i fare for å miste store deler av sitt økonomiske budsjett, som vil ramme både utøvere og trenere.

    – Det skaper en usikkerhet og en skuffelse for vi hadde håpet det skulle holde til fornyet tillit, sier Jostein Vinjerui, landslagstrener for Storbritannia til NRK.

    Saken ble først omtalt av Expressen.

    Norge-bosatte Andrew Musgrave og Andrew Young står i spissen på laget og har snust på verdenstoppen i flere år. Britene har utmerket seg med flere topplasseringer og pallplasser.

    Det britiske langrennslandslaget har fått signaler på en økonomisk nedtur for videre britisk støtte.

    – Worst case hvis vi ikke får den støtte som håpet så kan vi risikere å måtte kutte veldig i satsingen. Det blir mindre deltakelse i renn, mindre støtteapparat og løperne må dekke mer ting selv, sier Vinjerui.

    Britene har hatt et budsjett på 4 millioner og kan miste to tredjedeler av støtten.

    Tildelingsmøtene er satt til slutten av juli der UK Sports, tilsvarende norske Olympiatoppen, fordeler penger til ulike disipliner. Grunnlaget for støtten baseres på resultater og medaljepotensial i fremtiden.

    Andrew Musgrave og Andrew Young
    Foto: Anders Skjerdingstad / NTB/NRK
  • BBC-ekspert spår norsk EM-suksess

    Onsdag sparkes EM-fotballen for kvinner i gang. England er soleklar tippefavoritt hos BBC, men en avstikker tror på Norge.

    Seks av rikskringkasterens åtte EM-eksperter blinker ut England som tittelvinner. Slår det til, vil det være første gang for vertsnasjonen.

    Gail Redmond mener derimot Norge kan overraske og nyte full effekt av Ada Hegerbergs comeback.

    – Det tilfører Norge målene som trengs, og hun utgjør en forskjell. Hun er en stjerne og kan dem hele veien. Hvis de spiller hverandre gode, tror jeg de kan gå riktig så langt, sier Nord-Irlands tidligere landslagskaptein.

    Norge møter nettopp nordirene torsdag. Deretter venter puljekamper mot England og Østerrike. (NTB)

    Norge- New Zealand (2-0) i fotball for kvinner
    Foto: Terje Pedersen / NTB
  • Bayern-legende ønsker Ronaldo: – Ville vært sexy

    Bayern München-legende Lothar Matthäus drømmer om at gamleklubben skal signere Cristiano Ronaldo denne sommeren.

    – Ronaldo til Bayern ville vært sexy, sier Matthäus Sky Sport.

    Sist uke skrev flere medier at Ronaldo ønsker seg vekk fra Manchester United etter en svak sesong der de ikke kvalifiserte seg for mesterligaen kommende sesong.

    – De burde i det minste se på muligheten og gi det et forsøk, fortsetter verdensmesteren fra 1990.

    Bayerns egen målkonge, Robert Lewandowski, har gjort det klart at han ønsker seg bort fra klubben, og Matthäus mener Ronaldo kan være en god erstatter for polakken. (NTB)

    Cristiano Ronaldo
    Foto: LINDSEY PARNABY / AFP

Sendeplan

Kl. Program Kanal
Spilleliste med 43 klipp
Sport
Spiller nå
Ski-VM er endelig tilbake på NRK! 01:00
Neste