Fulham og Stefan Johansen vann milliardkampen

Med 1–0 over Aston Villa på Wembley tok Fulham den siste plassen i Premier League.

Stefan Johansen

GLEDE OG SMERTE: Stefan Johansen blei skadd og måtte ut. Men landslagskapteinens smerte blir truleg overgått av gleda ved opprykk til Premier League

Foto: TONY O'BRIEN / Reuters

Laster innhold, vennligst vent..

Dermed blir Norges landslagskaptein Stefan Johansen Premier League-spelar frå hausten av.

Men det var eit skår i gleda for Johansen. Snautt 20 minutt før slutt måtte han hinke av bana. Det er uvisst kor stor skaden var, men han var iallfall ute på bana for å gratulere lagkameratane med sigeren.

Playoff-finalen på Wembley er ofte rekna som den mest lukrative enkelt-fotballkampen i verda. Kredittvurderingsfirmaet Deloitte har rekna ut verdien av årets kamp til nærmare 1,7 milliardar kroner, langt over verdien av meisterligafinalen.

Heldt unna med ti mann

Tom Cairneys mål midt i første omgang gav Fulham den innbringande sigeren, og Stefan Johansen var sterkt involvert i oppbygginga til scoringa. Trass i at Denis Odoi blei utvist 20 minutt før slutt, heldt Fulham unna og vann. Dei er dermed tilbake til Premier League etter fire sesongar på nivå 2.

Fulham var også nær ved å ta ein av dei to direkte opprykksplassane. Men etter ein liten formsvikt i innspurten måtte dei sjå seg slått av Cardiff. Det er heilt sikkert gløymt i kveld.

Dermed får også landslagssjef Lars Lagerbäck ønskjet sitt oppfylt.

– Han har hatt det godt i Fulham og championship. Men det seier seg sjølv at det er best at han spela i Premier League, sa Lagerbäck om sin kaptein til NRK i går. I dag fekk han ønskjet sitt oppfylt.

Og han håpar at skaden ikkje er alvorleg. Norge skal møte Island og Panama i to kampar tidleg i juni, dei to siste oppkøyringskampane før Nations League tek til i september.

Då har Lagerbäck sin kaptein i Premier League.

Laster Twitter-innhold

Siste nytt

  • Suveren i toppkampen

    Ståle Solbakkens FC København slo Midtjylland 3-0 i toppkampen i Danmark. Dermed leier FCK med åtte poeng på det jyske laget når seks kampar står att.

    Dame N'Doye scora dei to siste etter at Andreas Bjelland scora først.

    Solbakken kan dermed føre FCK til seriemeisterskap for åttande gong.

    Ståle Solbakken
    Foto: Mads Claus Rasmussen / Scanpix Denmark / NTB scanpix
  • Norsk tap for Finland

    Norge tapte 3-1 for Finland i Rovaniemi i den nordiske ishockeyturneringa i dag. Finland leia 2-0 etter berre åtte minutt, før Michael Haga reduserte like før første pause.

    Finland sikra sigeren eit minutt før slutt då Norge hadde teke ut målvakta.

    Laga møtest igjen fredag.

    Michael Haga
    Foto: Fredrik Hagen / NTB scanpix
  • Jörgen Brink legger opp

    Langrennsveteranen Jörgen Brink (45) har bestemt seg for å legge opp. Det opplyser svensken på Instagram.

    Brink vil nok for alltid bli best husket for kollapsen på stafetten i VM i 2003.

    Siden 2010 har han satset på langløp, og han vant Vasaloppet tre år på rad fra 2010 til 2012.

    Jørgen Brink
    Foto: Terje Bendiksby / NTB scanpix

Sendeplan

Kl. Program Kanal