Friidrettstrener tiltalt for å ha juksa seg til legelisens

Frank Evertsen har trent løparar som Sindre Buraas, Karoline Bjerkeli Grøvdal og Sondre Nordstad Moen. I august skal han i retten tiltalt for å ha juksa til seg legelisens.

Frank Evertsen og Sindre Buraas

TILTALT: Frank Evertsen må møte i retten i august etter å ha blitt tiltalt for dokumentfalsk og falsk forklaring. Han har trent mellom anna Sindre Buraas i mange år, her før VM i Moskva i 2013.

Foto: NRK

I januar blei det kjent at våre to største langdistansehåp, Karoline Bjerkeli Grøvdal og Sindre Buraas, var nødt til å avslutte samarbeidet med trenar Frank Evertsen.

Nå kjem det fram kvifor friidrettsforbundet ikkje kunne akseptere å ha Evertsen som trenar for to profilerte utøvarar.

Nektar straffskuld

– Han er tiltalt for falsk forklaring ovanfor offentleg mydigheit og dokumentfalsk for å få ut legelisens, seier politiadvokat Ragnvald Brekke.

I tiltalen står det at Evertsen skal ha påstått å ha legeutdanning og praksis frå Litauen. Dokumenta frå Litauen, som Evertsen la fram for Statens Autorisasjonskontor for helsepersonel (SAK), skal ifølgje tiltalen ha vore forfalska.

«I perioden fra september 2009 til og med april 2013, i forbindelse med søknad om legeautorisasjon til (SAK) og i senere korrespondanse, avga han bevisst uriktige opplysninger om at han var utdannet lege ved Vilnius Universitet, og at han hadde arbeidet som lege i fem år», heiter det i tiltalen.

NRK har ikkje lukkast å kome i direkte kontakt med Evertsen. Han uttalar seg via advokat Thomas Berge.

– Evertsen har gjort det klart ovanfor politiet at han ikkje erkjenner straffeskuld, seier Berge.

– Alvorleg

Politiet meiner dette er ei alvorleg sak.

– Det er alvorleg dels fordi ein gjev falsk forklaring, men også fordi ein da kan gje ut legemiddel og behandle folk utan å vere lege. Det er jo ein risiko for både pasientar og idrettsfolk som ligg under hans behandling, seier Brekke.

Ifølgje politiet har Evertsen skrive ut legemidlar til utøvarar. Dette er derimot ikkje ein del av sjølve tiltalen. Det reagerer hans advokat på.

– Evertsen avviser dette fullstendig. Det er både overraskande og ugreitt dersom det stemmer at politiet gjennom media argumenter for noko heilt anna enn det dei har tiltalt han for, seier Berge.

– Skremmande å høyre

Friidrettspresident Tore Hordnes fortel at dei fyrste gong fekk vite om saka hausten 2013.

– Etter at me ikkje fekk dei opplysningane me spurde om frå trenaren, ba me klubben og utøvarane avslutte samarbeidet. Me kom til eit punkt der me ikkje kunne la utøvarane halde fram med denne trenaren. Det er heilt klart at me ikkje kan ha trenarar som oppfører seg slik.

Han er ikkje kjent med at Evertsen kan ha skrive ut legemidlar til idrettsutøvarar.

– For det fyrste er det litt skremmande å høyre, men det er heilt ukjent for oss. Dette må me fylgje og ta opp med utøvarane, seier Hordnes.

Frank Evertsen

TRENTE BAKKEN: Frank Evertsen var ein kontroversiell trenar på starten av 2000-talet da han trente Marius Bakken over fleire år.

Foto: Earthy, Mark / NTB scanpix

Frank Evertsen har i fleire år vore ein kontroversiell trenar. I 2002 blei han sparka ut av Olympiatoppen etter at han sette sprøyter med for store dosar jern på Marius Bakken. Han hadde da trent langdistanseløparen over fleire sesongar.

NRK har ikkje lukkast å få reaksjonar frå dei aktuelle utøvarane.

Siste nytt

  • Johaug med sterk prolog

    Therese Johaug har vunnet alle de fire første etappene av Ski Tour, men er ikke favoritt i dagens klassiske sprint. Men i prologen overrasket Johaug med en veldig godt løp og gikk inn til en tredjeplass. – Det var veldig bra det. Jeg klarer å gå fort i en sånn løype også, det er ikke verst, sier Johaug til NRK. Svenske Jonna Sundling gikk fortest i prologen med tiden 3:22.75. Johaug gikk i mål under sekundet bak. Tiril Udnes Weng var nest beste norske utøver med en sjuendeplass.

    Therese Johaug imponerte i prologen
    Foto: Terje Pedersen / NTB scanpix
  • Rapport: Bryant-pilot braut reglar

    Helikopterpiloten som styrta saman med basketball-stjerna Kobe Bryant og sju andre i Califiornia, hadde tidlegare fått refs for å ha brote luftfartsreglane. Det skriv amerikanske luftfartsstyresmakter (FAA) i ein rapport, skriv Los Angeles Times.

  • Lewandowski redda Bayern

    Bayern München sleit lenge mot botnlaget Paderborn og såg ut til å miste viktige poeng i tittelkampen i Bundesliga. Paderborn kjempa seg heroisk til 2-2 på bortebane med eit kvarter igjen å spele. Men da det var to minutt igjen på klokka dukka Robert Lewandowski opp og scora sitt 25 mål for sesongen. Dermed vann Bayern 3-2 og har fire poeng ned til Leipzig med ein kamp meir spelt.

    Robert Lewandowski
    Foto: Matthias Schrader / Matthias Schrader

Sendeplan

Kl. Program Kanal