NRK Meny
Normal

Sensasjonell andreplass i går – heilt til topps i dag

Anaïs Chevalier beviste at andreplassen på sprinten fredag ikkje var noko blaff. I dag var ho suveren på jaktstarten og tok sin aller første verdscupsiger.

Komm.: Andreas Stabrun Smith og Ola Lunde.

SUVERENT: Her viser Anaïs Chevalier verdsklasse på siste ståande skyting, og tek ein suveren siger

Laster innhold, vennligst vent..

Chevalier bomma ein gong på første liggande. Etterpå skaut ho tre feilfrie seriar, den siste ståande serien var i verdsklasse.

Den franske jenta hadde tidlegare i sesongen knapt vore i nærleiken av første side på noko resultatliste i verdscupen. I går var ho ein del av den svært overraskande topptrioen.

– Dette gjorde veldig godt. Sesongstarten har vore tøff, så dette var stort, sa Chevalier til NRK.

Ho rosar det franske landslagsmiljøet.

– Vi er ein stor gjeng som heiar kvarandre fram og hjelper kvarandre, seier Chevalier, som tok Frankrikes andre siger i dag. Martin Fourcade var som vabnleg suveren på mennenes jaktstart.

Og med presset på seg frå start i dag, heldt ho hovudet kaldt. Med bommen på første skyting gjekk ho ut derfrå som nummer fem. Etter andre skyting var ho nummer to, og etter fem nye treff på tredje skyting var ho i teten.

Den heldt ho heilt inn, og kryssa målstreken 9,5 sekund framfor Dorothea Wierer.

– Teite bommar

Dei norske blei stort sett for lette i denne konkurransen. Men Tiril Eckhoff gjekk iallfall godt i sporet. Ho gjekk seg opp fram plassar frå 14.-plassen i går, trass heile fire bom, og eit knapt minutt bak vinnaren.

– To av bommane var teite, elles er eg godt nøgd, sa Eckhoff.

Ho bomma to gonger på første liggande og ein på kvar av dei to ståande skytingane.

– På liggande vart eg for ivrig, og bommen på den siste ståande var teit, sa ho til NRK etter målgang.

– Men eg kjenner på meg at form-pila peikar rett veg no, seier Eckhoff.

«Fredags-overraskingane» sprakk ikkje

Fredagens overraskande vinnar Tatjana Akimova fall heller ikkje av lasset. Med ein bom tok ho tredjeplassen, 19,4 bak vinnaren.

Den tredje overraskinga frå fredag, Susan Dunklee, forsvarte seg også godt. Ho enda på fjerdeplass.

Verdscupleiar Laura Dahlmeier var oppe og lukta på leiinga. Etter andre skyting var ho 11 sekund føre Chevalier. Men med tre bom fall ho ned til sjuandeplass.

Marte Olsbu vart nest beste nordmann på 18.-plass. Fanny Horn Birkeland vart nummer 35. Ho starta som nummer ni, men fekk sju bom.

Siste nytt

  • Ruud utslått i Wimbledon-kvalik

    Casper Ruud er utslått av Wimbledon-turneringen i tennis. Franske Antoine Hoang ble for sterk i 1. kvalifiseringsrunde mandag. Kampen i London endte med Ruud-tap 4-6, 5-7, melder NTB.

    Casper Ruud
    Foto: Ole Andreas Bø / NRK
  • Johaugs trener inn på landslaget

    Therese Johaugs private trener, Pål Gunnar Mikkelsplass, blir en del av landslagstrenerteamet som en ressurs på video og teknikk. – Jeg tror det blir veldig bra. Det er en jeg kjenner godt og har et godt forhold til, sier Johaug til NTB.

    Pressetreff med Therese Johaug
    Foto: Håkon Mosvold Larsen / NTB scanpix
  • Fikk medaljene tilbake

    Tidligere snøbrettkjører Andreas Ygre Wiig ble frastjålet medaljer tidligere i juni. Nå melder Oslo Politidistrikt på Facebook at medaljene har kommet til rette igjen. Politiet skriver at de «trolig ble egenhendig returnert av den angrede synderen».

    Mesternes mester, sesong 9
    Foto: Rubicon TV / NRK

Sendeplan

Kl. Program Kanal
FIFA Fotball-VM 2018: Uruguay - Russland og Saudi-Arabia - Egypt
4-4-2 Eliteserien: Odd - Brann
Fotball-VM: Iran - Portugal
FIFA Fotball-VM 2018: VM-studio
Fotball-VM: Spania - Marokko
FIFA Fotball-VM 2018: Spania - Marokko
FIFA Fotball-VM 2018: Iran - Portugal
FIFA Fotball-VM 2018 Iran - Portugal og Spania - Marokko og eliteserien Odd-Brann 2.omgang