NRK Meny
Normal

Frå EM-tårer til OL-glede

Isabelle Pedersen blei i dag teken ut i OL-troppen i lag med 16 andre utøvarar. Det hadde ho ikkje trudd då ho felte tårer etter eit mislukka EM forrige veke.

Pedersen Ezinne

TEKNE UT: Korkje Ezinne Okparaebo eller Isabelle Pedersen har klart det særnorske OL-kravet, men får likevel reise til Rio.

Foto: NTB/Scanpix

I dag blei det siste OL-uttaket til Rio offentleggjort av Olympiatoppen. Toppidrettsjef i Olympiatoppen, Tore Øvrebø, tok i dag ut 17 nye utøvarar til leikane i Brasil.

Totalt sender Norge 62 utøvarar til OL i Rio.

–​ Begge har prestert bra

Blant dei uttekne var Isabelle Pedersen, som korkje har klart det internasjonale eller særnorske kravet i år. Fordi ho klarte det internasjonale fleire gonger i fjor, kunne Olympiatoppen i teorien ta ho ut.

Isabelle Pedersen

TÅRER: Etter EM-nedturen forrige veke, fekk Isabelle Pedersen i dag beskjed om at ho er klar for OL.

Foto: Junge, Heiko / NTB scanpix

– Det er som eg har sagt heile vegen, eg håpar dei ser at det bur mykje meir i denne kroppen og sender meg til Rio.

Det sa Pedersen til NRK i går.

Det har dei no altså gjort, og Pedersen kan puste letta ut. I kveld skal ho springe Folksam Grand Prix i Göteborg.

Øvrebø forklarar uttaket av Pedersen og Ezinne Okparaebo slik til NRK.

– Dei har begge prestert på veldig høgt nivå tidlegare, og hadde gode tider i fjor. Dei har dokumentert at dei er på gang i år, og dei har fortsatt ein månad å forbrede seg på.

– Det var veldig bra, og eg er veldig letta.

Det sa Okparaebo til NRK rett etter uttaket. Ho kunne også bekrefta at ho ikkje skal konkurrere i andre stemne enn NM fram mot Rio.

– No er det berre å køyre på til OL. Eg skal berre springe i NM, og ingen andre stemne.

Særnorske OL-krav

Det er fleire som den siste tida har vore skeptiske til om det er rett å ha særnorske krav. Det stiller Øvrebø seg undrande til.

– Viss det ikkje skal vere krav i toppidretten, kvar skal det då vere krav? Spør Øvebrø tilbake.

– Det nasjonale kravet, er ein operasjonalisering av det topp 12-kravet me har. Det er eit uttrykk for kvar ein bør ligge, legg han til.

– Superstolt og superglad

Ein av dei andre utøvarane som ikkje hadde klart det særnorske kravet, men likevel får vere med til Rio, er mellomdistanseløpar Hedda Hynne.

– Eg er superstolt og superglad, og litt letta, for eg har håpa på dette. Det var deilig å få det bekrefta.

Hedda Hynne

UTTEKEN: Hedda Hynne blei i dag teken ut i den norske OL-troppen

Foto: Junge, Heiko / NTB scanpix

I år har ho sprunge på 2.00.94. Det er 94 hundredelar bak det særnorske kravet på 2.00.00, men godt innafor det internasjonale kravet på 2.01.50. Ho har difor levd i uvisse fram til dagens uttak, og fortel at det har vore nervepirrande til tider.

– Eg har vore spent og sove litt dårleg på natta, men eg har hatt trua på at eg skulle få lov. Eg meiner eg har ein sjanse til å prestere der nede. Eg er gira og spent.

Siste nytt

  • AC Milan vant anken i CAS

    Den italienske storklubben ble utestengt fra Europaligaen av UEFA, for å ha brutt reglene for økonomisk fair play (FFP). AC Milan anket til CAS, som nå ber UEFA finne en annen straff. De anser det som for strengt å nekte «Rossoneri» spill i Europa.

    Italy Soccer Serie A
    Foto: Antonio Calanni / AP
  • Times: Conte saksøker Chelsea

    Antonio Conte har bestemt seg for å gå rettens vei etter at han fikk sparken som Chelsea-manager, melder den britiske avisen The Times.

    Conte krever å få kompensasjon for skaden han mener klubben har påført hans karriere. 48-åringen mener den sene sparkingen har fratatt ham sjansen til å bli ansatt i andre storklubber.

    Antonio Conte
    Foto: David Klein / Reuters
  • Uavgjort for United

    Manchester United spela 1-1 mot meksikanske Club America i Arizona i natt. Det var Uniteds første oppkøyringskamp før sesongstart om tre veker.

    Juan Mata scora Uniteds utlikningsmål 12 minutt før slutt, etter at Club America hadde teke leiinga.

    Juan Mata
    Foto: Christian Petersen / AFP

Sendeplan

Kl. Program Kanal
Tour de France: 13. etappe
Tour de France: 13. etappe
X Games Minneapolis
Sport i dag
Friidrett: Diamond League fra Monaco
Friidrett: Diamond League, Monaco
Friidrett: Diamond League fra Monaco
X Games: Skateboard, street
X Games Minneapolis -- Menn BMX Street Finale | Dave Mirra's BMX Park beste triks
X Games Minneapolis -- Menn Motorcross Quaterpipe High Air Finale | Menn BMX Big Air Finale | Menn Motorcross Freestyle Finale