NRK Meny
Normal

– Vi har grave oss ganske langt ned

Men no er Vålerenga på veg opp frå hengemyra etter ny triumf i eliteserien.

Enga

Freddy dos Santos og Vålerenga tok skalpen på Alexander Søderlund og Haugesund.

Foto: Bendiksby, Terje / Scanpix

Singh

Målscorar Harmeet Singh.

Foto: Aas, Erlend / Scanpix

Etter ein stri sesong har Oslo-laget no to strake sigrar i serien.

Situasjonen har betra seg raskt, to veker etter at det storma rundt klubben som no nermar seg europacupplass.

– Vi har målsetnad om europacupspel. Vi må bare vidareføre det gode spelet frå kamp til kamp. Det gjorde vi frå førre kamp mot Sarpsborg til i dag. No må laget fokusere på neste oppgjer mot Start, sa Martin Andresen til MAX etter kampen.

Overlegne i angrep

Harmeet Singh, Fredor Ogude og Morten Berre fekk fansen og medspelarar til å reise armane mot Haugesund laurdag.

Alle scoringssituasjonane inneheldt flott spel av ulikt slag:

***25. minutt: Singh får ballen av Zajic og riv seg laus 20 meter frå mål. Midtbanespelaren dundrar ballen i krysset bak ein sjanselaus Per Morten Kristiansen i Haugesund-målet.

***50. minutt: Ogude tråklar seg gjennom heile Haugesund-forsvaret og set ballen iskaldt forbi Kristiansen.

***57. minutt: Eit lekkert VIF-angrep avsluttar med eit innlegg frå Håvard Nielsen til Morten Berre som stangar heimelaget opp i 3-1.

– Vi har grave oss ganske langt ned denne sesongen, men i det siste har vi vore meir positive. Det ser vi bare i dag når vi hevar oss i andre omgang, sa målscorar Singh.

Haugesunds åttande bortetap

Alexander Søderlund utlikna til 1-1 for Haugesund like før pause. Thomas Sørum hamra inn 3-2 reduseringa like før slutt, men på Ullevaal var det Vålerengas dag som no ligg på 8.-plass med 29 poeng i serien.

Haugesund gjekk med det på sitt åttande bortetap i serien. Likevel ligg dei ein plass framfor dagens motstandar på 7.-plass med 30 poeng.

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.