NRK Meny
Normal

Moyes og United på hovudet ut av FA-cupen

David Moyes får ikkje mange pusterom som Manchester United-manager. Søndag rauk laget ut av FA-cupen mot Swansea - som scora i det 90. minutt.

David Moyes

David Moyes måtte sjå laget sitt tape 1-2 på Old Trafford mot Swansea.

Foto: Jon Super / Ap

Ti minutt før den avgjerande scoringa hadde Manchester United blitt redusert til ti mann. Innbyttar Fabio hadde knapt vore på banen då ei stygg takling enda i raudt kort.

Kampen blei avgjort av Wilfried Bony som heada 2-1-scoringa i mål etter eit innlegg frå venstre.

Michael Laudrup sitt mannskap er klare for fjerde runde i FA-cupen, medan David Moyes' menn gjekk på sitt andre heimtap på rad. Onsdag tapte dei heime mot Tottenham.

David Moyes

Ein god klem er kanskje akkurat det David Moyes treng no.

Foto: ANDREW YATES / Afp

– Tenkte vi hadde kontroll

Mot Swansea var det bortelaget som tok leiinga etter 12 minutt, då Wayne Routledge lobba ballen over Manchester United-keeper Anders Lindegaard.

Heimelaget utlikna 1-1 ved Javier Hernández berre fire minutt seinare.

Gjennom kampen uteblei dei gigantiske sjansane, og i ein heller tam kamp blei raudt kort og seint avgjerslemål blant det mest underhaldande.

Tapet sett uansett meir press på Moyes. Etter kampen var manageren svært skuffa.

– Vi var litt uheldige som tapte. Vi hadde nokre sjansar, men ikkje nok, og vi blei éin mann mindre, seier Moyes til BBC.

– Eg tenkte i lange perioder av kampen at vi hadde kontroll. Når du taper kampar i ein kvar klubb er det vanskeleg, fortel manageren vidare.

Wilfried Bony

Wilfried Bony avgjorde kampen for Swansea.

Foto: Martin Rickett / Ap

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.