Høgt press og mange store sjansar til tross, det endte igjen med poengdeling då Viking tok imot Start på heimebane søndag.
– Dette vart ein klovnekamp, uttalte Start-trenar Knut Tørum til TV2 då begge lag rusla av banen med eitt poeng kvar i lomma.
- SJÅ OGSÅ: Viking - Start - spark for spark
Sjølvmål på Goodson
Tørum refererte blant anna til Clarence Goodson sitt sjølvmål, som sendte Viking opp i leiinga etter 34minutt. Amerikanaren, som endeleg var tilbake i den gule trøya etter å ha slitt med lyskestrekk dei siste vekene, brysta eit innlegg inn i eige mål.
- LES OGSÅ:
– Goodson gjorde nok ei feilvurdering der. Men sjølvmålet var berre ein av mange rare ting me gjorde i denne kampen, seier Tørum.
Ein annan situasjon som vekte oppsikt både på banen og på tribunen, var då Vikings Tommy Høiland fekk eit mål anullert tidleg i andre omgang. Dommaren blåste frispark til Start, etter først å ha vinka for fordel.
Nevland markerte seg
Kort tid etter sjølvmålet til Goodson utlikna Mads Stokkelien for Start, som dermed kunne gå til pause med skuldrene eit par hakk lågare. Deretter gjorde Espen Børufsen 2-1 og sendte tilreisande Start-fans til himmels etter 68minutt.
Kapteinen til Viking, Erik Nevland fekk målteften etter 73minutt. Han sette sitt første mål på heimebane etter comebacket i norsk fotball. På innlegg frå Tommy Høiland smalt Nevland ballen i nettet med full kraft frå kort hald.
Ein annan som markerte seg, var Start-målvakt Kenneth Høie. Høie varta opp med fleire redningar i verdsklasse, blant anna då Håkon Skogseid serverte eit skarpt skot frå 11meter i andre omgang.
– Slurvete
Motvindsplaga Viking jaga eit sigersmål på tampen av kampen, men Nevlands 2-2 mål blei siste nettkjenninga i kampen mellom Viking og Start søndag.
– Me er for slurvete i eige forsvar. Start får altfor mykje spelerom. Me skapar mykje sjangsar, men manglar ein del bakover idag, sa Viking-trenar Åge Hareide til TV2 etter oppgjeret.
– Gutane stod på, men det mangla rett og slett litt på ferdigheitene i dag, sa Tørum om Start sin innsats.
Start har sin neste kamp mot Rosenborg på Sør Arena neste søndag. Viking møter Brann i Bergen neste måndag.
\