NRK Meny
Normal

Kan "nye" Sarpsborg hamle opp med desse tradisjonane?

– Eg har hjartet i SFK, men eg håpar på 08, fordi det er dei som har føresetnader for å nå lengst, seier mannen med eit bein i kvar av klubbane. Du kan sjå fem av kampane i cupens første runde her på nrk.no i kveld.

Sarpsborg anno 1951

Dette er laget som tok det sjette og siste av Sarpsborgs FKs cupgull. Men det begynner å bli ei stund sidan. Biletet er frå 1951, etter at Sarpsborg hadde slåt Asker 3–2 eeo

Foto: NTB scanpix

Sarpsborg møter Sarpsborg. Og Sarpsborg er storfavoritt. Forvirra? Her får du forklaringa.

Det er Sarpsborg FK frå 4. divisjon som møter Sarpsborg 08 frå eliteserien i 1. runde i cupen. Det er byens stolte fotballtradisjonar som møter byens topplag av i dag.

Sarpsborg FK er klubben med tradisjonar. Ikkje mindre enn 12 gonger har dei spela cupfinale, og halvparten har enda med siger. To gonger har det blitt seriebronse, og i 1970 var Egil "Drillo" Olsen med då klubben møtte Leeds i europacupen.

Sarpsborg 08 er elitesatsinga i Sarpsborg-distriktet. Ein av klubbane bak satsinga er Sarpsborg FK.

60 kampar i cupens 1. runde blir spela i kveld. Fem av dei kan du følgje direkte her på NRK.no frå kl. 18.00:

(Artikkelen held fram under videoane)

  • Kampen starter 18.00

    Lyn–Skeid

  • Kampen starter 18.00

    Brodd–Viking

  • Kampen starter 18.00.

    Surnadal–Molde

  • Kampen starter 18.00

    Tverlandet–Bodø/Glimt

  • Direkteoverføring av første runde i NM mellom Årdal FK og Sogndal Fotball frå Øvre Årdal.

    Årdal–Sogndal

  • Alle kampane i 1. runde

Røter i SFK, jobbar for 08

– Dette blir ein svært spesiell kamp, seier Bjørn Ingen Nilsen. Han har sine fotballrøter, oppvekstmiljø og beste kameratar i SFK, men har vore engasjert i 08 i dei fleste åra den klubben har eksistert.

– Eg håpar SFK gjer ein god og heilhjarta innsats med eit heiderleg resultat, men at 08 vinn. Det er trass alt dei som har føresetnader for å nå lengst i cupen, seier Nilsen. Både han og far hans har fortid som keeper i SFK.

Video: Sarpsborg FK har ei lang og suksessrik historie. Her eit samandrag frå cuptriumfen i 1948 mot sjølvaste erkefienden Fredrikstad. Artikkelen held fram under videoen.

Sarpsborg møtte Fredrikstad i finalen. Filmavisen lagde sammendrag, se det her.

13 lokale klubbar bak elitesatsinga

13 klubbar i Sarpsborg-distriktet står bak Sarpsborg 08. Sarpsborg FK er ein av dei 13, og gjekk frivillig med på å flytte ned to divisjonar til 4. divisjon for å gi plass til den nye klubben i 2008.

– Vi kom skeivt ut med poengtrekk og problem den første sesongen. Det var tøft å dra i gang 08, seier Nilsen, som var sportsleg leiar i klubben frå 2008 til 2011, og som no er varamann til styret.

Han har ingen verv i SFK i dag. – Det hadde blitt for stor belastning, seier han.

Møtest for første gong

Egil Olsen

Drillo anno 1970 – student og Sarpsborg FK-spelar på ein gong

Foto: Aaserud, Ivar / NTB scanpix

Det er første gong SFK og 08 møtest til obligatorisk kamp. Ikkje så rart, sidan SFK er i 4. divisjon ikkje har nådd første cuprunde sidan før 08 vart stifta.

– Det er ingen motsetningar eller konfliktar mellom klubbane. Både SFK og dei andre klubbane i byen støttar heilhjarta opp om 08. Derfor er det spesielt at vi skal møtest, seier Nilsen til NRK.

– Og så er eg stolt av at Sarpsborg FK er ein av berre to-tre klubbar frå 4. divisjon som er klar for 1. ordinære runde, seier Nilsen.

60 kampar i cupens første runde blir spela i kveld. Alle eliteserielaga skal spele borte i dei to første rundane, det er slått fast i reglementet. Det betyr mange fotballfestar i bygder og småbyar landet rundt.

Og alle håpar cupbomba skjer nettopp der.

Kontroversiell målfest i Bergen

I Bergen går det ein kamp med ei spesiell forhistorie. Varegg møter Brann. Det gjorde dei også for 32 år sidan. Då gjaldt det serien, og kampen enda med 9-1 og eit kontroversielt opprykk .

I Orkdal skal Rosenborgs suksesstrenar gjennom mange år Nils Arne Eggen møte sin gamle klubb. – Rosenborg ser ikke ut som et vinnerlag , seier Eggen.

I Søgne braut 24 spelarar ut og stifta sitt eige lag Høllen for tre år sidan. Der må spelarane sjølve selje pølser før kampen, og kanskje i pausen. I kveld tek dei imot Start , og billettinntektene går til Røde Kors.

I Sogn skal Sogndal ut mot det som var erkerival og nærmast storebror ein gong i tida . Og som har endra namn sidan sist. Kanskje smell cupbomba i aluminiumsbygda?

I Surnadal skal Molde ta sitt første steg på vegen mot forsvaret av fjorårsgullet . Hos heimelaget er det mange Molde-supporterar, men i kveld er det dei som håpar på cupbombe.

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.