«Topplaget» rett ned etter katastrofe-haust

Bronse, sølv, fjerdeplass og spel i Europa blir avløyst av direkte nedrykk. Tromsø rykkjer rett ned saman med Hønefoss, medan Viking-scoringar på overtid sender Sarpsborg 08 ut i kvalik.

TIL tapte

Henrik Helmke og Tromsø var langt nede etter 4-1-tap i Bergen. Tromsø rykkjer rett ned til 1. divisjon saman med Hønefoss.

Foto: Hommedal, Marit / NTB scanpix

Kevin Larsen

Kevin Larsen og Hønefoss hadde klart kvalikplass med siger, men tapte til slutt 3-2 i Skien.

Foto: Bendiksby, Terje / NTB scanpix

Slik var nedrykksdramaet:

Helmke og Ondrasek

Henrik Helmke (bak) og Zdenek Ondrasek deppar etter tap i Bergen og direkte nedrykk.

Foto: Hommedal, Marit / NTB scanpix
Leciejewski og Mojsov

Piotr Leciejewski stod som ein levande vegg då Brann vann 4–1 over Tromsø. Utover i kampen gjekk lufta heilt ut av «Gutan».

Foto: Hommedal, Marit / NTB scanpix

Tap etter tap for dei nedrykkstruga

Både Hønefoss og Tromsø stod med 29 poeng før siste serierunde. På kvalikplassen låg Sarpsborg 08 med 31 poeng, medan Sandnes Ulf, Sogndal og Vålerenga alle hadde 33 poeng.

Berre Vålerenga gjekk sigrande ut i siste serierunde i kamp mot Sandnes Ulf.

Utanom at Brann og Start bytta plass, den åttande og niande plassen i Eliteserien, er tabellen uforandra etter siste serierunde.

Både i topp og i botn.

Polsk vegg i Bergen

Då alle laga framfor tapte, er det nok ekstra surt for både Tromsø og Hønefoss med tap. På Brann stadion var det ein Piotr Leciejewski i storform som øydela.

I ein fartsfylt kamp var det Brann som tok leiinga ved Birkir Sævarsson i det 21. minutt, før Thomas Kind Bendiksen utlikna til 1–1 på straffe tre minutt seinare.

Etter ein gigantisk Tromsø-sjanse, der Leciejewski varta opp med keeperspel i verdsklasse, sette Erik Huseklepp 2–1 i nettet frå straffemerket.

Tromsø jaga og jaga på for utlikning og leiing, men Brann sin polske keeper var ein levande vegg. Lufta gjekk etter kvart ut av «Gutan», og Brann la på til 3–1 ved Amin Askar og 4–1 ved Håkon Lorentzen.

Stortapet i Bergen gjer at Tromsø må ta den svært tunge vegen ned til 1. divisjon etter 11 år i Eliteserien.

Saka held fram under bildet.

Deppa Hoås

Det blei heilsvart for Øyvind Hoås og Hønefoss. To gonger hadde laget frå Ringerike leiinga i Skien, men laget tapte til slutt 3–2. No må dei ned i 1. divisjon.

Foto: Bendiksby, Terje / NTB scanpix
Frode Johnsen

Frode Johnsen blei toppscorar i Eliteserien med 16 scoringar, samt Hønefoss sin overmann i 3-2-sigeren i Skien. Her i duell med Helge Haugen (liggande).

Foto: Bendiksby, Terje / NTB scanpix

To kjappe Odd-mål øydela

Hønefoss har lenge sett fullstendig dødsdømde ut, men ein grei haust har gjort at laget frå Ringerike hadde sjansen i siste serierunde – borte mot Odd.

Då både Tromsø og Sarpsborg 08 tapte, såg det ved to høve svært lyst ut for Hønefoss. Dei var nemleg i leiinga med både 0–1 og 1–2.

Hønefoss tok leiinga etter ni minutt ved Tor Øyvind Hovda, og håpet hadde fått liv. Steve Clark scora sjølvmål til 1–1 etter 33 minutt, men etter 56 minutt sende Alexander Mathisen ballen i mål til 2–1 og ny jubel.

Kampen var derimot ikkje over, og i siste tredel av kampen sette Odd inn presset. Etter 75 minutt kom 2–2 då Herolind Shala banka ballen i mål.

Før siste serierunde stod det likt i kampen om toppscorartittelen, der både Frode Johnsen og Abderrazak Hamdallah hadde 15 mål.

Den tittelen ville ringreven Johnsen ha for seg sjølv, og etter 79 minutt heada han inn sitt 16. mål for sesongen. Målet forsegla i tillegg Hønefoss si skjebne.

Laget rykte ned i 2010, men rykte rett opp igjen året etter. I 2012 heldt dei plassen sin så vidt det var. I år går dei rett ned saman med Tromsø.

Rune Almenning Jarstein

Rune Almennning Jarstein stod glimrande i det som kanskje var landslagskeeperen sin siste Viking-kamp.

Foto: Carina Johansen / NTB Scanpix

Rota bort sikker plass på overtid

Då både Hønefoss og Tromsø etter kvart låg trygt plassert på direkte nedrykk, blei spenninga i botnen rundt kven som ville ende på kvalifiseringsplassen.

Sogndal tapte mot Aalesund, men låg uansett greitt an med betre målforskjell enn Sandnes Ulf og Sarpsborg 08. Sandnes Ulf på si side blei mange nummer for små på Ullevaal mot Vålerenga.

Då låg alt til rette for at Sarpsborg 08 kunne klatre opp på trygg plass.

Etter 77. minutt skjedde det bortefansen håpte skulle skje på Viking stadion, då Martin Thømt Jensen sette 0–1 i mål åleine med Rune Almenning Jarstein.

Jarstein, som vil vekk frå Viking etter sesongen, stod svært godt i det som kan bli hans siste kamp. Éi scoring blei det derimot, men på overtid fekk Sarpsborg svi.

Først sette Benjamin Sulimani inn 1–1 i det 90. minutt, før Vidar Nisja følgde opp med 2–1 fire minutt på overtid.

Sigeren sikra Viking femteplassen framfor Molde, samstundes som den gjer at Sarpsborg 08 må ut i kvalifiseringskamp mot Ranheim. Veslebror i Trøndelag slo Mjøndalen 4–1 i kampen om playoff-plassen tidlegare i dag.

Fotball

Oppsummert

  • Fra 22.45 Landslagssjef Lars Lagerbäck og en utvalgt spiller møter pressen etter kampen.
  • Spansk fotball uten betting-penger

    Toppklubbene i spansk fotball får ikke lenger ta imot sponsorpenger fra tippe- og bettingselskaper. Sju klubber har i dag solgt enten plass på trøyene eller navn på stadion. Klubbene mener de taper inntekter de trenger etter koronapandemien.

  • Barcelona sa ja til superliga

    Barcelonas president Josep Maria Bartomeu sa måndag ja til tilbodet om å spele i ein ny superliga. Det opplyste klubbpresidenten i går, sasmtundes som han trekte seg frå jobben.

    I førre veke blei det kjent at det er planer om ein ny europeisk superliga med 18 klubbar frå dei største fotballnasjonane. Det er dei amerikanske eigarane av Liverpool og Manchester United som skal vere dei største pådrivarane, og FIFA skal også vere positiv.

    Ryktet om slike planer har dukka opp med ujamne mellomrom i mange år. Men Barcelonas offisielle ja blir betrakta som ei bombe, ifølgje danske Ekstrabladet.

    Superligaen kan kome til å starte allereie i 2022. Kampane skal gå parallelt med dei heimlege ligaene, men vil vere eit stort trugsmål mot meisterliga og europaliga, ifølgje opplysningar i Sky Sports.

    Bartomeu opplyste også at Barcelona støttar FIFAs forslag om utvida klubb-VM med 24 lag kvart fjerde år.

  • Sluttar som Barcelona-president

    Josep Maria Bartomeu har sagt opp som president for fotballklubben Barcelona, melder den spanske avisa Sport tysdag ifølge Reuters. Bartomeu har fått mykje kritikk det siste året grunna finansielle problem og store tap for klubben i Champions League.

    Bartomeu
    Foto: JOSEP LAGO / AFP
  • Sarpsborg-profil skadet igjen

    Sarpsborg 08-forsvarer Jørgen Horn røk korsbåndet mot Rosenborg og blir ute i ni til tolv måneder, bekrefter eliteserieklubbens lege.

    Klubben fikk svar på MR-bildene mandag kveld etter skaden Horn pådro seg mot Rosenborg søndag.

    – Bildene viste dessverre at skaden var det verste det kunne være. Det fremre korsbåndet i kneet er røket. Dermed er Jørgen ute i ni til tolv måneder. Det er veldig trist, sier lege Chubaka Rubasha til Sarpsborg Arbeiderblad.

    Horn kom til Sarpsborg 08 i 2018 og har hatt en bruddskade i ansiktet, et brudd i foten og en alvorlig ankelskade før denne korsbåndsskaden, opplyser SA.

    Jørgen Horn
    Foto: Christoffer Andersen / Christoffer Andersen
  • Øygarden låner Godset-spiller

    Mustapha Fofana (19) går fra Strømsgodset til Øygarden på lån ut sesongen.

    Fofana har slitt med sykdom denne sesongen og ikke fått noen minutter for Strømsgodset i Eliteserien i fotball.

    – Vi er veldige glade for at Fofana får dette utlånet. Mulighetene for spilletid er større i Øygarden enn hos oss akkurat nå, så dette er det riktige for hans utvikling videre. Vi håper han fortsetter utviklingen sin og ønsker han lykke til, sier sportssjef Jostein Flo til Godsets hjemmesider.

    Mustapha Fofana
    Foto: Fredrik Hagen / NTB