Sjå scoringane som gav Norge ein perfekt kvalik-start

Norges kvinnelag i fotball fekk ein perfekt start på EM-kvalifiseringa med 4–0 over Kasakhstan i Astana i formiddag.

Kasakhstan var Norges første motstander i EM kvalifiseringen. Det ble en enkel 4-0 seier til de norske fotballjentene.

GOD START: Her er scoringane som senka Kasakhstan

Ada Hegerberg scora to mål før pause og Emilie Haavi to mål i andre omgang. Det var meir enn nok til å slå det som truleg blir gruppejumboen i kvalifiseringa til EM i Nederland om knappe to år.

– Det er sterkt å vinne 4–0 her. Måten vi klarer å spele oss til sjansar på dette underlaget er veldig profesjonell. Vi er nøgde, seier landslagssjef Roger Finjord til NRK.

– Skal spele ned Wales

No ser han framover mot neste kamp, mot Wales i Ålesund 23. oktober.

– Då skal vi ha utvikla spelet vårt endå meir, og er håpar at vi ser eit pasningsspel som skal spele ned Wales, seier Finjord.

Etter ei sterk norsk opning sette Hegerberg inn det første etter corner etter 19 minutts spel. Åtte minutt etter sette ho inn 2–0 via keeper.

Haavi scora Norges tredje med eit kjempeskot frå 18 meter heilt oppe i krysset like etter pause. Og då kvarteret var passert sette ho enkelt inn nummer fire etter ei god pasning frå Lisa Marie Karlsen Utland.

– Kunne blitt betre med god bane

– Dette er eit lag vi skal vere fire mål betre enn. Det kunne blitt meir også. På ei betre grasmatte kunne vi fått utnytta romma betre. Men vi skal vere nøgde med fire mål og at vi held nullen, seier Haavi til NRK.

Norge var det klart førande laget heile kampen, og vann skotstatistikken 19–4.

Kampen var Roger Finjords andre kamp som landslagssjef, og den første kvalikkampen. Begge har enda med 4-0-siger.

Etter kampen mot Wales i oktober, står det att seks kampar neste år. Også Austerrike og Israel spelar i gruppa.

Austerrike har tidlegare slått Kasakhstan 2–0 og møter Wales i kveld.

Dei åtte gruppevinnarane og dei seks beste toarane går direkte til EM. Dei to andre gruppetoarane spelar playoff om den siste EM-plassen.

Les: Norges gruppe i EM-kvalifiseringa

Kampfakta:

Kasakhstan Norge 0–4 (0–2)

Kazjimukan Munaytpasov stadion, Astana

Mål: 0–1 Ada Hegerberg (19), 0–2 Hegerberg (27), 0–3 Emilie Haavi (51), 0–4 Haavi (61).

Gult kort: Maria Demidova, Kasakhstan.

Norge (4-4-2): Ingrid Hjelmseth–Ingrid Moe Wold (Elise Thorsnes frå 77.), Marita Skammelsrud Lund, Nora Holstad Berge, June Pedersen–Kristine Minde, Maren Mjelde, Lene Mykjåland (Andrine Hegerberg frå 46.), Emilie Haavi–Ada Hegerberg, Lisa-Marie Karlseng Utland (Synne Jensen frå 64.).

Fotball

Oppsummert

11.00: Uttak av nødlandslaget, som spiller borte mot Østerrike onsdag kveld.

På pressekonferansen: Leif Gunnar Smerud, Pål Bjerketvedt, Lise Klaveness og Gro Tvedt.

  • LSK Kvinner får karanteneunntak

    Helsedepartementet bekreftar at LSK Kvinner slepp innreisekarantene etter meisterligakamp i Kviterussland. Kampen mot Minsk skal skje 9. eller 10. desember. Berre nokre få dagar seinare skal laget møte Vålerenga i cupfinalen på Ullevaal 13. desember.

    Thea Kyvåg
    Foto: Ørn E. Borgen / NTB
  • To norske nominerte til Fifa-pris

    Barcelona-proffen Caroline Graham Hansen er ein av 11 spelarar som kan bli kåra til årets spelar av Det internasjonale fotballforbundet. LSK-trenar Hege Riise har også blitt nominert, saman med sju andre høgprofilerte trenarar.

    Landskamp fotball kvinner: Norge-England (2-1).
    Foto: Marit Hommedal
  • Nytt koronatilfelle i Jerv

    Fotballklubben Jerv har fått en ny spiller smittet av korona. Laget er allerede i karantene, og det får ingen nye følger for serieoppsettet.

    Fra før er klubbens kamper mot Åsane og Grorud utsatt på grunn av koronasmitte. Jerv opplyser på sine nettsider om den nye positive koronatesten.

    1. divisjon fotball 2020: Tromsø - Jerv (1-0)
    Foto: Rune Stoltz Bertinussen / NTB
  • Gullballen til Zlatan for 12. gong

    Zlatan Ibrahimovic (39) har fått den svenske Gullballen for 12. gong. Chelsea-spelaren Magdalena Eriksson fekk Diamantballen for aller første gong under ein seremoni i kveld.

    Zlatan, som no spelar for AC Milan, har ikkje fått denne utmerkinga sidan 2016, året då han gav seg på landslaget.

    Eriksson (27) er kaptein på Chelsea, som tok ligagull i England i år. Ho har også 60 landskampar bak seg.

    Prisane er det Aftonbladet og det svenske fotballforbundet som står bak.

    Zlatan Ibrahimovic
    Foto: Ciro De Luca / Reuters