Ein belastningsskade i området under magen gjorde Elise Thorsnes kjend over heile verda for heilt andre ting enn fotballeigenskapar.
KJENDIS: «Dåsa» til Elise Thorsnes gjekk verda rundt etter belastningsskaden.
Foto: privat / TwitterDå Norge vann 1–0 over Tyskland i EM onsdag, kom ein heilt annan kroppsdel i fokus. Den tyske keeperen vart sett ut av spel då langskotet til Ingvild Isaksen sneia ryggen til leikangerjenta.
– Det er kanskje greitt å få fokus på ein annan kroppsdel enn den som har vore i fokus i det siste. Men kva blir det neste, humrar 24-åringen.
«Ryggen på vektskåla»
Thorsnes fekk sin første kamp for start i meisterskapen då puljesigeren skulle avgjerast. Motstandar var Tyskland som har vunne EM fem gonger på rad og som ikkje har tapt ein EM-kamp sidan 1993.
(Artikkelen held fram under videoen)
SJÅ MÅLET: Tyskland gjekk på sitt første EM-tap på 20 år etter denne scoringa.
«Ryggen på vektskåla» tilhøyrde 24-åringen frå Leikanger, men Thorsnes trur ikkje at den kroppsdelen får like mykje blest som «dåsa» gjorde.
- LES OGSÅ:
– Eg trur nok ikkje den er like attraktiv å verken skrive om eller anna, så den får nok ikkje like mykje merksemd som andre kroppsdelar, humrar ho.
– Tek litt av æra
Om ryggen får blest eller ei spelar nok ikkje så veldig stor rolle verken for Thorsnes eller dei norske landslagsjentene. Norge var allereie tysdag klar for avansement etter at Danmark og Finland spelte uavgjort.
(Artikkelen held fram under videoen)
SJÅ INTERVJU: Elise Thorsnes etter sigeren over Tyskland i svenske Kalmar.
Målet sikra Norge landslagssigeren og kvartfinale mot anten Russland, England eller Spania. Scoringa kom like før pause etter at tyskarane klarerte eit frispark. Ballen landa hos Isaksen på 17 meter.
– Eg var eigentleg på veg ut for å hente ballen, men då eg såg Ingvill i full fart mot ballen, så var det eigentleg berre å dukke. Den gjekk via ryggen min og i mål. Litt flaks, fortel Thorsnes.
– Tek litt av æra
Stabæk-spelaren står med 11 landslagsmål, og tykkjer eigentleg det er heilt greitt at unge Isaksen blir kreditert scoringa.
FRÅ START: Elise Thorsnes fekk endeleg sjansen frå start i EM.
Foto: Aas, Erlend / NTB scanpix– Sjølv om scoringa ikkje blir registrert på meg, så trur eg ikkje den hadde gått inn om ballen ikkje gjekk via meg. Eg tek litt av æra for den, smiler 24-åringen som starta kampen som kantspelar. Thorsnes vart bytt ut like før det var spelt ein time av kampen.
Ikkje glad i benken
– Det var godt å kunne medverke frå start. Eg er ikkje så glad i å sitje på benken. Helst skulle eg spelt spiss, men eg er berre takksam for å vere her og få starte. Eg må ta det eg får, seier ho og håpar å vere i startellevaren måndag når kvartfinalane skal spelast.
– Eg føler at eg la inn ein god søknad, så blir det opp til Even Pellerud å ta ut laget. No har vi fire dagar til å hente oss inn att før kampen, seier ho.
Kan gå heile vegen
Norge fekk ein vaklande start på meisterskapen etter ein god og ein svært dårleg omgang mot Island. Kampen enda 1–1. Sidan er det blitt siger over Nederland og i dag altså Tyskland.
Thorsnes trur Norge er i stand til å gå heile vegen. Dei siste to kampane har gjeve spelargruppa sjølvtillit.
– Det handlar om å komme inn i rytmen og å komme skikkeleg i gang med meisterskapen. Når vi no er forbi gruppespelet, så kan alt skje. Det har vore større «underdogs» som har blitt meistrar, avsluttar ho.
