Noreg har ikkje spelt ein landskamp sidan 1-1-kampen mot Kroatia 2. juni på Ullevaal. Den neste spelast førstkomande onsdag då Hellas kjem på besøk.
Regjerande VM- og EM-vinnar Spania toppar framleis klart framfor Tyskland. Noko overraskande byksa England opp ein plass og er nummer tre. Engelskmennene tok seg forbi Uruguay, som ligg på fjerdeplass. Det er "all time high" for England.
Portugal, Italia og Argentina følgjer på plassane bak.
Førre gong fekk Brasil si dårlegaste plassering sidan Fifa-rankinga blei etablert i 1993. For august dalte brasilianarane ytterlegare to plassar og er nummer 13.
Rankinga for august (førre plassering i parentes): 1) Spania 1605 (1), 2) Tyskland (1474), 3) England 1294 (4), 4) Uruguay 1236 (3), 5) Portugal 1213 (5), Italia 1192 (6), 7) Argentina 1098 (7), 8) Nederland 1053 (8), 9) Kroatia 1050 (9), 10) Danmark 1017 (10),
... 25) Noreg 780 (24).
VM-kvalifiseringsgruppa til Noreg: 23) Sveits 828 (21), 33) Slovenia 706 (34), 74) Albania 448 (75), 123 Kypros 266 (122), 130) Island 250 (129).