NRK Meny
Normal

Mikel kasta ut av landslaget

- Mikel viser uakseptabel oppførsel og manglar engasjement på landslaget, seier talsmann.

John Obi Mikel

John Obi Mikel

Foto: CARL DE SOUZA / AFP

Chelsea-spelar John Obi Mikel får ikkje vere med når Nigeria skal spele i den afrikanske meisterskapen.

Den tidlegare Lyn-spelaren har blitt ein kasteball i ein konflikt mellom arbeidsgjevar Chelsea og det nigerianske fotballforbundet.

London-klubben hevda 20-åringen fekk behandling for ein strekkskade, men nekta å la spelaren bli undersøkt av ein representant for det nigerianske forbundet.

- Fordi Mikel prioriterar klubb føre land, kan vi ikkje gjere anna enn å ynskje han lukke til i framtida, seier talsmann Ademola Olajire til BBC.

Mikel fekk ikkje vere med i troppen til trenar Bertie Vogts då laget slo Niger 3-1 forrige helg. Han har heller ikkje vore villig til å spele for det nigerianske U-23- landslaget.

- Landslagssjefen sa før kampen mot Niger at Mikel ikkje hadde vist teikn til å ville spele for landslaget, difor fekk han ikkje vere med, held Olajire fram.

- Sjefen for U-23- laget er flau på vegne av Mikel. Han var stjerna under ungdoms-VM for to år sidan. No har han mista all respekt og interesse for sitt eige landslag, avsluttar talsmannen

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.