NRK Meny
Normal

Ligameisteren opnar alltid på ein måndag

Godt omen for Manchester City: Dei slo West Bromwich 3-0 i måndagskampen i seriestarten i Premier League. I fem år på rad har ligameisteren opna på ein måndag.

Vincent Kompany scorer

HØGTFLYGANDE START: Vincent Kompany svevar høgare enn alle andre og headar inn 3-0 for Manchester City

Foto: Jason Cairnduff / Reuters

Laster innhold, vennligst vent..

Stort sett har dei også vunne opningskampen klart. Berre Uniteds 1-0-tap for Everton i 2012/13-sesongen øydelegg statistikken, og United vann ligaen klart likevel.

Om City blir meister, er det ni månader før vi får vite. Men kaampen i kveld bar iallfall bod om at dei vil vere med i kampen.

– Vi hadde noko å bevise

Denne måndagskvelden greidde aldri West Bromwich å utfordre Manchester City, trass heimebane.

– Vi hadde noko å bevise. Førre sesong var under det vi skal prestere. Dette var ein god måte å opne den nye sesongen på, sa Citys kaptein Vincent Kompany. Dette var femte året på rad City vinn i sesongopninga.

Han rosa også Raheem Sterling, som ligadebuterte for City.

– Han har gitt oss fart på topp, det vil gjere det vanskeleg for motstandarane. Eg trur vi gav andre lag litt å tenke på i kveld, sa ein svært godt nøgd City-kaptein.

To mål av Toure

Det var klasseforskjell heile vegen. Yaya Toure scora begge Citys mål før pause – begge på skot frå like utanfor 16-meteren. Vincent Kompany heada inn det tredje etter eit hjørnespark eit kvarter ut i andre omgang.

Statistikken frå kampen er også oppmuntrande for City. Dei hadde 692 vellukka pasningar – 211 fleire enn noko anna lag denne runden. David Silva med 90 og Fernandinho med 89 hadde også fleire pasningar enn nokon annan spelar i sesongopninga.

Laster innhold, vennligst vent..

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.