NRK Meny
Normal

– Hødd kan overraske Norge

Berre eit par timar før finalen har Hødd-supporterane utanfor Ullevål stadion stor von til Hødd. Dei er sikre på at Hødd-spelarane får løfte pokalen etter kampen.

Heia Hødd

Det ljoma i gatene i Ullevaal hageby då Hødd-supportarane var på veg til Ullevål. Heia, heia Hødd gjalla. Kven er de, spurde fotografen. - Vi er Hødd, ropa dei spontant.

Foto: Terje Reite / NRK

No er det berre eit par timar til det brakar laust på Ullevaall. Folk strøymer til stadion. Også inne på tribunane har folk begynt å finne plassane sine.

Øvrelid Løseth

Silja Øvreli og Hege Løseth ved Ullevål stadion.

Foto: Terje Reite / NRK

Æresmedlem i Hødd

Æresmedlem i Hødd, John Osnes har store forventningar til det unge Hødd-laget.

Foto: Roar Halten
Inne på stadion har spelarane frå både Hødd og Tromsø inspisert banen. Som seg hør og bør er også Sinsen ungdomskorps på plass for å skappe skikkeleg Ullevål-stemning.

Store blå flagg, blå og kvittkledde menneske kjem togande mot Ullevål.

Heia, hei Hødd gjallar mellom stadionmurane og alle bygga ved Ullevål.

Dei Hødd-supportarane vi møter på verkar rimeleg sikre på at Hødd-spelarane skal få heve pokalen om nokre timar.

– Det blir ein sikker 2-0-siger til Hødd, ropar ein blåflaggande gjeng, som berre persenterer seg som «Vi er Hødd!»

Dette blir bra!

Utanfor Ullevål er det berre blide fjes å sjå, i alle fall før kampen. Og på begge sider er folk like sikre på at dei er minst like blide også ETTER kampen.

Det blir ein god 2-1-siger til Hødd, smiler Silja Øvrelid og Hege Løseth. Dei er kledde i blått og har møtt tidleg fram ved Ullevål. Det er ingen tvil om at Hødd kjem til å vinne i dag, legg dei til.

Trur på Hødd-siger

Æresmedlem i Hødd, John Osnes, meiner Hødd har gode sjansar til å få heim cuppokalen heim til Sunnmøre.

– Om dei spelar slik som dei gjorde mot Haugesund, har eg stor tru på at dei kan vinne cupfinalen, seier Osnes utanfor Ullevaall stadion.

Det første målet

Ein kan så vidt ymte om litt snø i lufta på Ullevaal berre eit par timar før kampstart.

– Det er veldig viktig at Hødd får det første målet, det vil vere avgjerande for utfallet, meiner Osnes.

LES OGSÅ: 2500 hylla det unge Hødd-laget

Osnes har store von til kampen.

– Eg gler meg veldig, men samtidig er eg og nærvøs. Det er eg alltid, seier han.

Finalen startar 13.15, og du kan følgje den direkte her.

Fotballnyheter