Hopp til innhold

Hoseth dagens mann då «superfinalen» blei sikra

Lillestrøm hadde éin fot i cupfinalen, men på overtid i andre omgang skrudde superveteranen med silkefoten inn si andre scoring. Kampen gjekk til straffekonk, der Molde-keeperen avgjorde.

Magne Hoseth

Magne Hoseth utlikna til 1–1 i første omgang, før han utlikna til 2–2 på overtid i andre omgang.

Foto: Larsen, Håkon Mosvold / NTB scanpix

Nyland

Ørjan Håskjold Nyland blei cupmeister med Hødd i 2012. No kan han bli cupmeister to år på rad!

Foto: Grøtt, Vegard / NTB scanpix

– Det er 11 månader sidan Demps (Mark Dempsey) og Rich (Richard Hartis) opplevde Tromsø mot Hødd, og dei prata sjølvsagt om han Ørjan (Håskjold Nyland), sa Molde-manager Ole Gunnar Solskjær til NRK etter kampen.

For 11 månader sidan spelte nemleg Tromsø og Hødd cupfinale, og Ørjan Håskjold Nyland blei den store helten i den historiske Hødd-sigeren.

– Vi sa at det her skal vi oppleve neste år, og no er vi her – mykje på grunn av Ørjan. Det er ein laginnsats, men Ørjan blir helten saman med Magne (Hoseth).

Solskjær og Molde henta den dåverande Hødd-keeperen etter 2012-sesongen.

Straffehelt på ny

Det stod 2–2 til full tid, og laga følgde kvarandre heilt fram til 6–6 i straffesparkkonkurransen. Etzaz Hussain banka inn 6–7 for Molde, og Thomas Piermayr skulle fram for å kvittere.

Austerrikaren sette ballen hardt mot venstre, men ein Molde-keeper i full strekk hindra 7–7. Ørjan Håskjold Nyland blei den store helten i 2012, og no sikra han seg sjølv og Molde sjansen til cupgull i 2013.

Det blir ein verkeleg «superfinale», for Rosenborg er allereie klare for cupfinalen etter 2-1-siger over Haugesund onsdag.

Det har blitt mange minneverdige oppgjer mellom erkerivalane Rosenborg og Molde gjennom åra, men:

I cupfinale har laga aldri møttest, og 24. november blir det heitt i Oslo og på Ullevaal.

I NM har RBK vunne ni gonger, medan Molde står med to cupgull.

Sjå scoringane frå ordinær tid nedst i saka. Straffesparkkonkurransen kan sjåast i videoen under:

Det måtte straffesparkkonkurranse til for at Molde kunne slå Lillestrøm i torsdagens semifinale. Og Moldes keeper Ørjan Nyland ble den store helten.

Ørjan Håskjold Nyland avgjorde då kampen gjekk til straffer.

Altoppofrande Hovland sikra 0–0

«Superfinalen» blei sikra då Molde var sterkast på Åråsen.

Kampen opna forrykande, og heilt i starten var trykket størst mot Molde-målet. Lillestrøm gjekk ut aggressivt, og etter åtte minutt var heimelaget centimeter frå 1–0.

LSK angreip fint, og ving Erling Knudtzon kom åleine med keeper Ørjan Håskjold Nyland. Knudtzon avslutta frekt med ein lobb, og berre ein altoppofrande Even Hovland hindra scoring med redning på strek.

Kampen sette seg litt meir når 10 minutt var gått, der Lillestrøm låg lågt og gjekk for kontringar, medan Molde trilla ball og leita etter rom.

Saka held fram under bildet.

Palmi Rafn Palmason

Her tuppar Palmi Rafn Palmason 1–0 i mål for Lillestrøm.

Foto: Håkon Mosvold Larsen / NTB Scanpix
Magne Hoseth

Magne Hoseth i eit djupt jubelbrøl etter at 1–1 var eit faktum. Veteranen storspelte for dei blå og kvite.

Foto: Larsen, Håkon Mosvold / NTB scanpix

Gav svar på tiltale

Nokre halvsjansar kom, men det gjekk ein halvtime før det tok av på Åråsen.

Elegant pasningsspel frå Lillestrøm enda med at Petter Vaagen Moen spelte Palmi Rafn Palmason åleine gjennom. Åleine med Håskjold Nyland gjorde islendingen alt rett, og banka 1–0 i nettaket.

Ikkje ufortent, men etter scoringa vakna bortelaget. Berre tre minutt seinare var laga likt igjen – delvis takka vere LSK-keeper Kenneth Udjus.

Magne Hoseth har ein glimrande skotfot, men då han banka til frå 35 meter verka det ikkje som 1–1 skulle ende i nettet. Ballen trefte midt på Udjus, men keeperen tabba seg ut og Hoseth-skotet gjekk via keeperen og i mål.

Siste del av første omgang blei prega av Molde og Hoseth, men etter 45 minutt var laga like langt.

– Vi møter eit sterkt Molde-lag. Det er ein jamn kamp og ein jamn cupsemifinale med høg intensitet, konkluderte Lillestrøm-trenar Magnus Haglund i prat med NRK i pausen.

Saka held fram under bildet.

Anders Østli

Her jublar Lillestrøm etter at Anders Østli har heada inn 2–1 for Lillestrøm. Midtstopparen såg lenge ut til å bli matchvinnar.

Foto: Larsen, Håkon Mosvold / NTB scanpix

Nikka Åråsen til himmels

Molde ramla eit hakk eller etter pause, medan Lillestrøm på ny gjekk ut i hundre. Etter 56 minutt kom 2–1.

Lillestrøm hadde fått frispark på høgresida, og Bjørn Helge Riise svinga inn. I Molde sin 16-meter var 30 år gamle Anders Østli størst, og med eit velplassert nikk låg 2–1 i Molde-buret.

Molde trengde scoring, men utover i omgangen var det LSK som stod for sjansane. Både Frode Kippe og innbytar Thorstein Helstad var nære ved å punktere kampen.

Sjølv om 3–1 aldri kom, gjekk det mot cupfinale for Lillestrøm. Magne Hoseth ville det annleis.

Magne Hoseth

Magne Hoseth scora to for Molde i ordinær tid.

Foto: Larsen, Håkon Mosvold / NTB scanpix

– Fantastisk scoring!

Men like før 2–2 blei Molde snytt for 2–2 – igjen med LSK-keeper Udjus i fokus.

Keeperen kom ut for å plukke ein Molde-corner, men mista ballen. Udjus heiv seg etter ballen igjen, men ein Molde-fot var først på. Ballen enda i føtene på innbytar Etzaz Hussain, som enkelt sette 2–2 i mål. Scoringa blei derimot annullert, og Lillestrøm fekk frispark – angrep på keeper.

– Ingenting, ingenting. Feil dommaravgjersle!, konkluderte NRK-kommentator Tom Nordlie.

Molde var frustrerte, men berre minuttet seinare låg ballen i mål.

Bortelaget angreip fint, og like utanfor 16-meteren la Mats Møller Dæhli ballen tilbake til Hoseth. Molde-veteranen fekk tid til å sikte, og med feil fot skrudde 32-åringen frå Averøya ballen i mål.

– Fantastisk scoring, heilt oppe i vinkelen!, kommenterte Arne Scheie.

Ørjan Håskjold Nyland

Ekstatiske lagkameratar stormar mot Ørjan Håskjold Nyland. Molde-keeperen redda den avgjerande straffa i semifinalen.

Foto: Larsen, Håkon Mosvold / NTB scanpix

Hektiske ekstraomgangar

Den vakre Hoseth-scoringa sikra ekstraomgangar, og allereie slitne spelarar måtte psyke seg opp til ein ny halvtime.

Molde var vassast i første ekstraomgang, og både Per-Egil Flo og Daniel Chima Chukwu var nær scoring.

I andre ekstraomgang stod Lillestrøm for sjansane. Først i det 118. minutt ved Thorstein Helstad, følgt av ein Riise-volley i siste speleminutt.

Ved begge høva var derimot Håskjold Nyland på plass med to kjemperedningar.

Når straffespark skulle avgjere semifinalen kom Molde-keeperen på ny i fokus. Han redda den siste straffa, og då Molde scora på alle sine, gjekk dei blå og kvite til finale.

Saka held fram under videoen.

Moldes manager Ole Gunnar Solskjær var ikke imponert over kampen isolert sett, men skryter veldig av egen keeper Ørjan Håskjold Nyland etter kampen.

Ole Gunnar Solskjær hylla Ørjan Håskjold Nyland og Magne Hoseth etter at cupfinaleplassen var sikra.

Kippe: – Bittert og ergeleg

Håskjold Nyland og Hoseth blei dagens menn for Molde. Hadde Lillestrøm gått sigrande ut, hadde Frode Kippe blitt dagens mann. Den rutinerte midtstopparen var botnsolid, og scora i straffekonken.

– Vi skulle avgjort før full tid. Vi spelar ein veldig god match, og spesielt i andre omgang har vi kontroll på Molde. Vi skal drage det i land, men dei scorar på overtid, opna ein skuffa LSK-kaptein.

– Vi er ikkje dyktige nok i slutte av matchen, og vi slepper inn målet vi ikkje skulle sleppt inn. Det er så nære, og at vi ikkje klarer det er bittert og ergeleg.

Medan Molde jubla hemningslaust på LSK si eiga heimebane, gjekk gule og svarte spelarar med tårer i auga inn i garderoben.

– Det er mange skuffa spelarar no, utan tvil. Vi skulle så gjerne vore i cupfinale og hatt noko å sjå fram til, sa Kippe til NRK.

Lillestrøm og Palmi Rafn Palmason står for kampens første mål.

Lillestrøm tar teten

Magne Hoset og Molde utligner mot Lillestrøm. Keeper Udjus har vel ikke godfølelsen etter denne.

Molde utligner!

Lillestrøm tar tilbake teten ved midtstopper Anders Østli

LSK scorer på dødball

Magne Hoset med et kremmerhus i krysset og Molde sender kampen til ekstraomganger.

Molde utligner på overtid!

Pressekonferanse etter første kvartfinale i Serieligaen

Fotball

Oppsummert

  • Etter kampen: Pressekonferanse med Bodø/Glimt og Roma-manager José Mourinho.
  • Keeper med utrolig brasse fem minutter på overtid

    Sotra-keeper Morten Grasmo reddet ett poeng borte mot UIlern med et kunstmål av de sjeldne søndag.

    Da stadionklokken viste 95 minutter, tok keeperen turen opp til motstanderens 16 meter i et siste desperat forsøk på å redde poengdeling.

    Der lot keeperen ballen sprette en gang i bakken før han kastet seg på ryggen og sparket ballen i en bue over Ullern-keeperen.

    Feiringen sto definitivt i stil til målet. En lettere sjokkert Grasmo løp i mange meter etter drømmetreffet før han til slutt ble hentet inn av lagkompisene, som kunne juble for 2-2.

    Grasmo og Sotra ligger på en foreløpig 9. plass i 2. divisjon, avdeling 1. Motstander Ullern har ett poeng mer og innehar 8.-plassen.

  • Medier: Manchester City og Leeds enige om overgang for Phillips

    Midtbanemann Kalvin Phillips ser ut til å signere for Manchester City. Seriemesterne og Leeds er enig om betingelsene, skriver flere engelske medier.

    Sky Sports skriver at klubbene er enige om en overgangssum på mellom 45 og 50 millioner pund, i underkant av 600 millioner kroner. Overgangen går ikke i orden før Phillips har blitt enig med City om sine personlige betingelser, samt komme seg gjennom den medisinske testen, skriver Sky Sports.

    Også BBC og The Athletic sitter på de samme opplysningene.

    Phillips står oppført med 214 kamper for barndomsklubben Leeds siden debuten i 2015.

    26-åringen vil fylle hullet etter Manchester City-kaptein Fernandinho som denne sommeren forlater klubben etter ni år i den lyseblå drakten.

    UEFA Nations League - Group C - Germany v England
    Foto: LEE SMITH / Reuters
  • Danmarks fotballkvinner slo Brasil i rekordkamp

    Det danske kvinnelandslaget i fotball slo Brasil 2-1 i Parken i København med 21.542 tilskuere på plass.

    Det er ny rekord, skriver nyhetsbyrået Ritzau. Innbytter Mille Gejl avgjorde på overtid etter at Brasil hadde utlignet like før ved Debinha. Vålerenga-spiller Janni Thomsen sendte danskene i føringen etter et kvarter.

    Norges kamp mot New Zealand på Ullevaal lørdag ligger også an til å bli rekord med tanke på solgte billetter. Rekorden lyder på 15.762 tilskuere og ble satt mot USA i en oppkjøringskamp til OL i Sydney i 2000.

    Onsdag venter Danmark i den siste testen for Norge før EM starter. Kampen spilles i Viborg.

    Vennskapskamp i kvinnefotball mellom Danmark og Brasil
    Foto: Liselotte Sabroe / Ritzau Scanpix / NTB
  • Rooney gir seg som Derby-manager

    Wayne Rooney (36) går av som manager for fotballklubben Derby etter halvtanna år.

    – Mi tid i klubben har vore som ein berg-og-dal-bane av kjensler, men eg må seie at eg har kost meg med utfordringa, seier Rooney i ei pressemelding.

    Den tidlegare Manchester United- og Everton-spelaren tok over Derby i januar 2021. Sist sesong var av den trøblete sorten i Championship. Før sesongen vart klubben straffa med 21 minuspoeng på grunn av dårleg økonomi.

    Derby hamna på 23.-plass og rykte ned.

    FILE PHOTO: Championship - Derby County v Stoke City
    Foto: Molly Darlington / Reuters
  • Nærmer seg publikumsrekord

    Det er solgt 15.300 billetter til kampen mellom New Zealand og Norge på Ullevaal stadion lørdag 25. juni. Den forrige rekorden er på 15.762 solgte billetter.

    Den ble satt på 2000-tallet, da Per-Mathias Høgmos Norge-lag slo USA 2–1 i en oppkjøringskamp til OL i Sydney.

    – Det var rett før jeg debuterte på landslaget. Vi var aldri i nærheten av det samme, etter det, sier Klaveness.

    – Men det var på åpning av Norway cup, så det er en hårete målsetning. Men det er allerede solgt 15.300, som er veldig fantastisk, og utrolig stas.

    Det er siste kamp før fotballandslaget drar til EM i England.

    Football, Norway, Women, training
    Foto: VEGARD GRØTT / BILDBYRÅN