NRK Meny
Normal

– Ein kunne skifta ut heile gjengen

Landslagskaptein Brede Hangeland meiner ei samla fotballverd er flau over ryktet FIFA-styret har fått.

Video 3a433959-2c83-4d23-8b3e-1c5b1589f532.jpg

Brede Hangeland er flau over bråket i FIFA.

I føremiddag blei det endeleg bestemt at Sepp Blatter får stille til attval som einaste kandidat i FIFA-valet.

Les: Blatter: - Vi skal få FIFA på rett kurs igjen

Det får ikkje landslagskaptein Brede Hangeland til å hoppe av glede.

– Eg synst at eit kvart val burde innehalde meir enn ein kandidat, seier Hangeland.

– Kva meiner du bør gjerast i FIFA?

– Ein kunne skifta ut heile gjengen, seier Hangeland med eit smil om munnen.

Er du einig med Hangeland? Stem og diskutér nedst i artikkelen!

Hangeland: – Ikkje fair play i FIFA

Det stormar kraftig rundt Blatter og leiinga i fotballens øvste organ.

Etter at Blatters høgre hand og FIFAs generalsekretær, Jerome Valcke, skreiv i ein epost at Quatar kjøpte stemmene til VM 2022 er krisa større enn nokon gong.

Måndag sa Blatter dette i ein pressekonferanse:

– Krise? Kva er ei krise? Viss nokon vil skildre kva ei krise er, vil eg svare, sa Blatter, og la til:

– Om du såg finalen i meisterligaen, må du applaudere. Det var fair play. Vi er ikkje i krise, bare i vanskar. Og de vanskane vil vi løyse innan familien, sa Blatter.

Sepp Blatter

FIFA-presidentvalets einaste kandidat: Sepp Blatter.

Foto: BAZUKI MUHAMMAD / Reuters

Brede Hangeland ser ikkje mykje fair play i FIFA.

– Den «fair-playen» ein prøver å utøve på bana rundt om i verda burde smitta over lenger opp i systemet, seier landslagskapteinen.

Pinleg

I førre veke blei visepresident Jack Warner og presidentkandidat til dagens val, Mohammed bin Hammam, suspendert og sett under etterforsking for korrupsjonsverksemd.

Hangeland veit ikkje kva som er viktig å gjere for å få endre kulturen i FIFA, men synst det er pinleg å sjå at styre og stell på toppen av bransjen er så dårleg.

– Dei mange skuldingane mot FIFA er noko vi utøvarar ikkje er stolte av å vere ein del av, seier Fulham-proffen.

Innholdet som skulle vises her støttes dessverre ikke lenger.

– Kva håpar du skjer i FIFA?

– Eg håpar dei gode kreftene vinn fram. Det er viktig at vi kan få eit styre i fotballen som vil fotballen best og ikkje held på med alt anna, seier Hangeland.

Mohamed Bin Hammam

Mohammed bin Hammam.

Foto: SAFIN HAMED / Afp

– Kunne vore forutan

Norges Fotballforbund har lang tid i før presidentvalet sagt at dei vil stemme på Blatter som er FIFA-valets einaste kandidat.

Hangeland sit ikkje med det same inntrykket av Blatter som NFF tilsynelatande gjer.

– Det inntrykket ein får av Blatter får ein gjennom media. Det er vanskeleg å skape seg eit godt inntrykk av det, men dette styret kunne ein godt vore forutan, seier Hangeland.

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.