NRK Meny
Normal

Driblefanten er tilbake på benken

Sogndal må klare seg utan tre spelarar i den viktige serieavslutninga mot Aalesund. Derimot kan Tonny Brochmann Christiansen få sine første minutt på nøyaktig eitt år.

Sogndal-Sandnes Ulf

TILBAKE: Danske Tonny Brochmann Christiansen er tilbake i Sogndal-troppen etter å ha vore skadd heile sesongen.

Dansken har vore ute heile sesongen med eit stressbrot i ryggen. I dag er det venta at han får nokre minutt på tampen av serieavslutninga mot Aalesund.

– Han har hatt ei god treningsveke og blir difor teken med i troppen og set på benken, stadfestar Sogndal sin medisinske leiar, Andreas Foss.

Klar for comeback

Sist 24-åringen entra bana for Sogndal var i nest siste seriekamp i fjor. Då enda kampen i 1-2 tap borte mot Stabæk.

Ganske nøyaktig eitt år seinare kan altså heimepublikumet få gjensyn med den danske driblefanten.

– Ein stressfaktur i ryggen tek månader å lege. No er det ingenting som hindrar han i å spele og eg vil tru at han absolutt klarer nokre minuttar i dag. Ein heil kamp blir nok derimot i meste laget, seier Foss.

Kom att etter skade – vart sjuk

Sogndal -Haugesund

SJUK: Hannu Patronen (t.v.) har ikkje fått den optimale oppladinga til Aalesund-kampen.

Foto: Snæland, Alf Vidar / NTB scanpix

Derimot må Sogndal klare seg utan forsvarsklippa Hannu Patronen, kaptein Rune Bolseth og leigesoldat Magnus Stamnestrø i den viktige kampen mot sunnmøringane. Sogndal treng eitt poeng for å vere sikra eliteseriekontrakt også i 2014 .

Finske Patronen var nett komen attende etter skade og vart sjuk onsdag.

– Han mista treningane med laget og vart ikkje tilbake i trening før laurdag. Han kan ikkje gå inn i kampen med berre ei trening i kroppen, seier Foss.

Fotballnyheter