Landslagssjef Åge Hareide tok ut troppen i dag. To keeperar og 21 utespelarar er med.

Daniel Braaten Jan Gunnar Solli, Kjetil Wæhler og Bjørn Helge Riise er tilbake i troppen. Og Ole Gunnar Solskjær er tilbake etter sitt skadeavbrot.

Anders Rambekk, Frode Johnsen og Thomas Myhre er ute.

Gløymde Fredheim Holm

Hareide hadde gløymt Daniel Fredheim Holm på lista han først presenterte då han offentleggjorde troppen. Men VIF-spelaren er sjølvskriven i troppen.

Hareide vil ikkje seie kven av Jarstein og Opdahl han har som førsteval i mål.

- Dei er jamne, men vi vil bestemme oss tidleg, slik at den som skal stå, får tid til å byggje seg opp, sa Hareide på pressekonferansen.

Fredrik Strømstad er litt utsikker på grunn av sin skade. - Men vi håpar og trur han er OK før kampen, sa Hareide.

Malta i fokus

Han sa også at sjølv om det er to kampar som står på programmet, er det den første kampen - mot Malta - som står i fokus.

- Vi må konsentrere oss om den kampen som kjem først. Så får vi seinare sjå på Ungarn-kampen. Men vi treng friske bein også til den kampen, seier han.

- Eg har godt håp om at spelarane frå den heimelege fotballen så langt ute i sesongen er blitt meir stabile enn tidlegare i år, la han til.

Slik ser troppen ut:

Keeperar:

Håkon Opdal, Brann

Rune Almenning Jarstein, Odd Grenland

Utespelarar

Martin Andresen, Brann

Simen Brenne, Lillestrøm

Daniel Braaten, Rosenborg

John Carew, Aston Villa

Daniel Fredheim Holm, Vålerenga

Christian Grindheim, Vålerenga

Erik Hagen, Zenit St. Petersburg

Brede Hangeland, FC København

Thorstein Helstad, Brann

Kristofer Hæstad, Start

Steffen Iversen, Rosenborg

Frode Kippe, Lillestrøm

Bjørn Helge Riise, Lillestrøm

John Arne Riise, Liverpool

Espen Ruud, Odd Grenland

Morten Gamst Pedersen, Blackburn

Jan Gunnar Solli, Brann

Ole Gunnar Solskjær, Manchester United

Jarl Andre Storbæk, Vålerenga

Fredrik Strømstad, Start

Kjetil Wæhler, Vålerenga

Noreg møter Malta 2. juni og Ungarn 6. juni, begge på heimebane.