NRK Meny
Normal

Dette er Ødegaard blitt betre på i Madrid

Fotballekspertane er ikkje i tvil. Martin Ødegaard (16) er blitt betre på alle områder etter overgangen frå norsk til spansk fotball.

Martin Ødegaard

Martin Ødegaard fekk endeleg debuten sin for Real Madrid laurdag kveld.

Foto: Daniel Ochoa de Olza / Ap

Lars Tjærnås

Fotballekspert i C More, Lars Tjærnås.

Foto: Bendiksby, Terje / NTB scanpix

– Beklager Drammen, men det er forskjell på Godset og Real Madrid, seier fotballekspert i C More, Lars Tjærnås, til NRK.

Utvikla tempoet

Laurdag kveld fekk Ødegaard endeleg debuten på A-laget til Real Madrid etter overgangen frå Strømsgodset i januar i år.

Så er spørsmålet kor god drammensaren er blitt i løpet av månadane i verdas største og mektigaste fotballklubb.

– Han er blitt betre i det som er aller viktigast i fotball, nemleg å utnytte tid og rom. Alt er raskare, og det stiller større krav til at han må orientere seg tidlegare og behandle ballen hurtigare, seier Tjærnås til NRK.

– Det handlar litt om ei naturleg utvikling, og mest om ein betre treningskvardag. Eg trur han hadde fått ei god utvikling i Godset også, men ikkje den same som i Madrid, seier Tjærnås.

(Artikkelen held fram under bildet.)

Martin Ødegaard

Martin Ødegaard har utviklet tempoet i spelet sitt, meiner fotballekspertane.

Foto: Daniel Ochoa de Olza / Ap

Ballen går fortare

Også ekspertkollega i C More, Petter Veland, har sett at 16-åringen har meir tempo i spelet sitt enn i fjor.

Ødegaard og Ronaldo

Christiano Ronaldo gav Martin Ødegaard ein klem før han kom inn mot Getafe.

Foto: JUAN MEDINA / Reuters

– Det enkle svaret er at han er blitt betre på alt. Men det største steget har han teke på tempoet med og utan ball. Det er fordi ballen går ekstremt mykje kjappare i det miljøet som han trenar i no, enn tilfellet var i Strømsgodset.

Og konsekvensen av at ballen går fortare, er at hovudet og beina må gå fortare for at han skal henge med i svingane, seier Veland, som er ekspert på spansk fotball.

NRKs fotballekspert Lise Klaveness seier at ho ikkje ut i frå kampen mot Getafe på laurdag kunne sjå at Ødegaard er blitt betre i løpet av dei siste månadane.

– Men, antakeleg har han utvikla seg etter å ha trent mykje med nokre av verdas beste spelarar, kanskje først og fremst fysisk, og i omstillinga frå det offensive til det defensive.

– I kampen på laurdag syntes eg han likna på den Martin vi blei kjent med i eliteserien. Spelbar, godt orientert og rask i ballbehandlinga, seier Klaveness.

Sterkare fysisk

Martin Ødegaard

Martin Ødegaard har fått meir musklar på kroppen etter overgangen frå norsk til spansk fotball.

Foto: JUAN MEDINA / Reuters

Her blei Ødegaard bytta inn for den største stjerna av dei alle. Cristiano Ronaldo gav 16-åringen ein god klem før han ønska han lukke til i debuten.

Ronaldo har i løpet av fleire år bygd opp ein enorm fysikk, og Tjærnås meiner Ødegaard også har fått meir musklar på kroppen i det siste.

– Ja, han har bygd fysikk. Mest kjernemuskulatur og balanse i kroppen, seier han.

Veland er einig.

– Der har han samstundes mykje å gå om ein samanliknar med verdstoppen. Men i og med at han er 16 år og fire månader, så hadde det vore naturstridig om han hadde vore på det nivået allereie no, seier Petter Veland.

Fotballnyheter

Videoklipp

Ingrid Hjelmseth ble tråkket på armen og ble liggende lenge på banen.
Caroline Graham Hansen. Så bommer Graham Hansen. Keeperhøyde og forholdsvis enkelt for keeper. Dette er tungt.
Ada Hegerberg var ikke fornøyd etter kampen mot Belgia