NRK Meny
Normal

– Blåfargen lever eg svært godt med

Oslo-ordførar Fabian Stang har heilt klart trua på Hødd. Under opninga av Hødd-arrangementet på Youngstorget fredag, gav han fleire tomlar opp for laget frå Sunnmøre.

fabian Stang

Oslo-ordførar Fabian Stang var med på opninga av Cupfinalevorspielet i Høddvoll-teltet på Youngstorget fredag kveld.

Foto: Terje Reite / NRK

Hødd-fargen er blå. Dei arrangerer den blå timen, draktene er sjølvsagt blå, dei lagar blå stemning i Oslo. Og Oslo-ordførar Fabian Stang var ikkje sein om å streke under at han som Høgre-mann kjenner seg komfortabel med nett denne fargen.

Blått er så absolutt ein farge eg kan leve godt med, sa han då han blei spurt om å tippe kven som vinn årets cupfinale.

Cupfinalevorspiel

Cupfinalevorspielet blei leia av Fredrik Steen. Her saman med Ulstein-ordførar Jan Berset og Oslo-ordførar Fabian Stang.

Foto: Terje Reite / NRK

Men, han gjekk også lenger enn dette. Han trur nemleg at askeladd-effekten kan vere med på å hjelpe Hødd framover.

Eg har stor tru på, at når nokon får sjansen til å gjere noko utover det ein normalt skulle tru ikkje skulle gå an, då skjer det ofte noko som kan bli svært bra, sa Fabian Stang.

I det store Høddvoll-teltet var det fredag kveld Cupfinalevorspiel, med sunnmørsgruppa Exposed to failure og Fredrik Steen og Standup Ulsteinvik.

Kvelden blir avrunda med konsert med Vassendgutane.

Cupfinale vorspiel

Under Hødd sine arrangement i Oslo er det full rulle frå første stund.

Foto: Terje Reite / NRK

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.