- Vi lærer av Chelsea

Kvinnelandslaget i fotball slepp inn færre mål enn før. Forsvarsspelet er inspirert av eit kjent lag frå London.

Kvinnelandslaget og Mourinho

Kvinnelandslaget og Mourinho

Foto: NRK

Pål Arne Johansen er assistenttrenar på kvinnelandslaget. Han har studert forsvarsspelet til Chelsea-manager Jose Mourinho. Johansen meiner det er mykje å lære av den engelske toppklubben.

- Spelarane i Chelsea er spesielt flinke til å kontrollere rommet foran eige mål. Dei fyller på med masse folk i forsvar. Chelsea er laget som slepp inn færrast mål i Europa, slår assistenttrenar Johansen fast til NRK.

Er meir gjerrige i forsvar

 

 

Pål Arne Johansen, assistenttrenar

Pål Arne Johansen, assistenttrenar

Foto: NRK

Fotballjentene har hatt framgang i forsvarsspelet. Laget slapp inn 2 mål i snitt under EM i England for 2 år sidan. Så langt er talet 0.8 mål per kamp.

Johansen har skrive ei D-trenaroppgåve der han samanliknar Chelsea sitt forsvarspel med kvinnelandslaget. Han legg vekt på to ting for å forklare nedgangen i baklengsmål.

- Vi har veldig gode forsvarsspelarar. Samstundes har vi fokusert veldig på korleis vi oppfører oss i situasjonar der vi står i fare for å sleppe inn mål, seier Pål Arne Johansen.

Fotball-VM i Kina er målet for kvinnelandslaget denne sesongen. Finland er motstandar torsdag, kanskje med eit forsvarsspel på nivå med Chelsea.

 

Fotballnyheter

Videoklipp

Ada Hegerberg header inn et frispark slått av søster Andrine Hegerberg
Arsenal vant 2-1 over Burnley.
Wayne Rooney scoret fire minutter på overtid og reddet 1–1 for Manchester United da de gjestet Stoke. Stokes ledermål kom etter et selvmål av Juan Mata.
Liverpool tapte 3-2 for Swansea.