NRK Meny
Normal

- Magekjensla talte for Ålesund

Den nye Aafk-trenar, Jan Jönsson, seier magekjensla talte veldig sterkt for AaFK, då han også var i diskusjonar med Vålerenga. I dag hadde han første trening på heimebane.

Jan Jönsson

Jan Jönsson seier magekjensla talte for Aalesund også då han var i samtalar med Vålerenga.

Foto: Arild Pettersen

Den nye Aafk-trenar Jan Jönsson har allereie møtt spelarane ei rekkje gonger, men først i dag var det ordinær trening på heimebane. Det skjedde innadørs på idrettshallen, berre eit steinkast frå heimebana.

Les meir:

Startar med eittårskontrakt

Den svenske trenaren understrekar at han heile tida har vore sugen på å kome til Ålesund, etter at tilbodet kom.

– Eg hadde veldig lyst, men trengde eit par juleveker på å tenkje meg om. Men no tek vi skikkeleg sats. Og sjølv om det som ein start er ein eittårskontrakt, så har det med familiesituasjonen å gjere, seier Jönsson. For heime i Halmstad i Sverige bur kona og dei to borna.

– Magekjensla talte heile tida sterkt for Aalesund, seier han. For Jönsson var også i samtalar med Vålerenga.

Les meir:

Håper han blir i AaFK

Jonathan Tollås Nation

Aafk-spelar Jonathan Tollås Nation meiner den nye trenaren er flink med menneske og pedagogisk dyktig.

Foto: Arild Pettersen

Aalesundsspelaren Jonathan Tollås Nation er godt fornøgd med trenarbyte, og dei første erfaringane med Jan Jönsson.

– Han er veldig flink med menneske og pedagogisk dyktig, det merkar vi. Vi håper vi kan få han til å trivast i byen, seier Tollås Nation, etter den første treninga på heimebane.

Forsiktig med endringar

Den nye Aafk-trenaren er forsiktig med å seie kva for endringar han vil gjere, etter så kort tid.

– Først vil eg bli betre kjent med laget, men det er klart det er viktig for oss å forsterke eige spel, og bli betre framover, så fort som vi får det til, seier Jönsson, og legg til at det er høgst aktuelt å kjøpe nye spelarar.

– Ja, det er det, men det som er viktigast for meg er jo å konsentrere meg om dei som er her. Så er det sjølvsagt viktig å få på plass dei vi ønskjer oss, så fort som råd, seier han.

Entusiasmen smittar

Den nye Aafk-trenaren seier han har merka seg oppslutninga rundt AaFK. Han meiner den er heilt spesiell. Han håper at han sjølv også kan bidra i rett retning framover.

– Eg håper å vere med å utvikle ein offensiv og eigen spelestil. Eg vil forsøkje å by på meg sjølv, og prøve å få spelarane til å reagere på ein frisk og offensiv måte, seier han.

Likar friluftsliv

Førebels bur Jan Jönsson åleine i Ålesund, og han har tenkt å bruke fritida til noko anna enn berre fotball og trening.

– Eg likar frisk luft, eg ser viddene her, eg skal nok gjere meg kjent med fjella og byen elles, det ser eg fram til, seier han.

Fotballnyheter

Videoklipp

Ingrid Hjelmseth ble tråkket på armen og ble liggende lenge på banen.
Caroline Graham Hansen. Så bommer Graham Hansen. Keeperhøyde og forholdsvis enkelt for keeper. Dette er tungt.
Ada Hegerberg var ikke fornøyd etter kampen mot Belgia