NRK Meny
Normal

- Eg blir

Dimitar Berbatov vil halde fram i Tottenham, iallfall ei stund til.

Dimitar Berbatov
Foto: MATT DUNHAM / AP

Den bulgarske spissen hadde ein strålande debutsesong i Premier League for Tottenham, skåra 12 seriemål og imponerte i UEFA- cupen. Manchester United har lenge vore kåt på å sikre seg 26- åringen, men no legg hovedpersonen saka død.

- Eg valde Tottenham før forrige sesong og eg held fram av eigen fri vilje, iallfall i første omgang, seier Berbatov til den bulgarske avisa Bulgarian Football Weekly.

Ifølge agent Emil Danchev sjekka Manchester United fredag om Berbatov var klar for å flytte frå hovedstaden. Det stadfestar den bulgarske landslagskapteinen.

- Det er kjent at United var interessert i meg, men det er uaktuelt å skifte klubb no.

Dimitar Berbatov kom frå den tyske klubben Bayer Leverkusen for 128 millionar kroner i mai 2006. Han vart ein umiddelbar suksess i England og kom med på årets lag.

- Det har vore ei rekke spekulasjonar. Eg vil med dette understreke at eg blir. Styret i Tottenham har óg bestemt seg for å heve løna mi i klubben.

Berbatov hadde ein rekke sjansar då Tottenham søndag tapte 1-0 mot Manchester United på Old Trafford. London-klubben ligg på ein urovekkande 17. plass på tabellen etter tre tap på fire kampar.

Fotballnyheter