NRK Meny
Normal

Flo var med å føre Chelsea til «The Double»

Tore André Flo møter manager Antonio Conte ofte på treningsfeltet i Chelsea. Før helga vann nordmannen «The Double» med juniorlaget med «Conte-fotball».

Tore Andre Flo

TRENER: Tore André Flo trener U14-laget til Chelsea med stort hell.

Foto: Oddleif Løset / NRK

– Det har toppa seg i år med både cup- og seriemeisterskap for juniorlaget. Det har gått fantastisk også for denne delen av klubben, seier Tore André Flo til NRK.

Sist fredag stod Flo på sidelinja som ein del av trenarstaben då Chelsea sitt juniorlag (U18) vann seriemeisterskapen med 3-0-siger over Reading.

Dermed tok klubben «The Double» etter at cupen blei sikra tidlegare i år.

Innført Conte-fotball

Flo er sjef for U14-laget på Chelseas fotballakademi, og han har trent alle spelarane på U18-laget som tok cup- og seriemeisterskapet.

No har også Chelsea innført Conte-fotball nedover i systemet.

Flo

CHELSEA-HELT: Her blir Tore André Flo gratulert av Gustavo Poyet etter en scoring mot Feyenoord i mesterligaen i 1999.

Foto: IAN WALDIE / REUTERS

– Vanlegvis har vi hatt vår eigen filosofi på akademiet. Men i år har laga langt nedover i systemet prøvd å lære av A-laget. I siste delen av sesongen har vi kopiert Conte, seier Flo til NRK.

A-laget til Chelsea blei også seriemeister fredag ved å slå West Bromwich 1–0 på bortebane. Også seniorlaget kan ta «The Double » i FA-cupfinalen mot Arsenal.

Italienaren har innført eit 3-4-3-system i det stjernespekka Chelsea-mannskapet.

Conte står for ein sterk lagmoral, hard defensiv jobbing og raske angrep når laget vinn ballen.

– Vi skal gjere U-spelarane klare for den «store verda». Det finst mange ulike spelesystem. Og det er viktig for oss å lære dei så mange system som moleg slik at dei er rusta til å ta steget heilt opp, seier Flo.

– Energien smittar

A-laget trenar rett ved sidan av akademi-spelarane.

– Vi ser på A-laget. Conte er ein veldig interessant type. Alle har sett engasjementet hans på TV. Han er akkurat slik på treningane også. Han dirigerer forrykande mykje, og er veldig, veldig entusiastisk. Det er artig og inspirerande å følgje med på, seier Flo.

Flo har ambisjonar om å bli manager ein dag. Men han har planar om å ta steg for steg i trenarkarrieren.

I mellomtida lærer han av ein av verdas beste trenarar.

– Det som eg synest er spesielt bra med Conte, er at han gir frå seg enormt mykje energi som smittar over på spelarane. Han er entusiastisk og styrer dei rundt på feltet. Han viser kor dei skal springe. Og kva rom på bana dei skal gå i. Han er veldig «på» når han er feltet, fortel Flo.

Stryningen spelte i Chelsea frå 1997 til 2000. Spissen scora 50 mål på 163 kampar. Og han rakk og bli ei legende og ein favoritt blant fansen i løpet av sine tre år på Stamford Bridge.

Flo

SUKSESS: Juniortrener Tore André Flo (t.v.) kan vise til sterke resultater i Chelsea. Her sammen med Hasan Salihamidzic og Franceso Toldo under offentliggjøringen av Singapore som vert for International Champions Cup i mars.

Foto: ROSLAN RAHMAN / AFP

Siste nytt

  • Glimt enkelt videre

    Bodø/Glimt ble aldri truet av Melbo i torsdagens cupkamp. Trond Olsen sendte hjemmelaget i ledelsen etter 23 minutter. Jens Petter Hauges to mål og Philip Zinckernagel sikret 4-1-seier.

    Eliteserien fotball: Brann - Bodø / Glimt.
    Foto: Marit Hommedal / NTB scanpix
  • Duell mellom Klæbo og Northug

    Johannes Høsflot Klæbo og Petter Northug fronter en sterkt startfelt under bysprinten i Mosjøen neste lørdag. Også langrennsløpere som Eirik Brandsdal, Niklas Dyrhaug, Andrew Musgrave, Emil Iversen, Håvard Solås Taugbøl og Katrine Harsem er påmeldt.

    NM ski del 2 Alta
    Foto: Terje Pedersen / NTB scanpix
  • Allsvenskan-spiller dopingtatt

    En Sirius-spiller har avlagt positiv dopingprøve i serieåpningen i Allsvenskan mot Hammarby, skriver Aftonbladet. Klubben fikk beskjed om den positive prøven onsdag formiddag, og torsdag ble spilleren utestengt med umiddelbar virkning.

Sendeplan

Kl. Program Kanal