FIFA overvakar Qatar-VM etter det diplomatiske brotet

Den politiske splittinga mellom Qatar og andre arabiske land i Midtausten har skapt ny uro framfor fotball-VM i 2022.

Qatar VM 2010

FEKK VM: Her ser FIFA-representantar på Qatars anleggsplanar for 2022-VM. Men politisk trøbbel kan skape vanskar for meisterskapet

Foto: Clive Rose / Getty Images for Qatar 2022

Sju land – Bahrain, Egypt, Saudi-Arabia, Emirata, Jemen, Libya og Maldivene – har brote alt diplomatisk samband med Qatar på bakgrunn av skuldingar om at Qatar støttar terroristgrupper som «destabiliserer regionen».

Det har ført til at det internasjonale fotballforbundet FIFA har teke kontakt med Qatar, men vil ikkje kommentere kva dei kontaktane inneber.

– Ingen kommentar

– Vi har regelmessig kontakt med den lokale arrangementskomite, seier FIFA i ei pressemelding.

– Men vi har ingen ytterlegare kommentar utover det, skriv FIFA.

Det same seier både det asiatiske fotballforbundet og arrangørane i Qatar.

Som følgje av det diplomatiske brotet har fleire arabiske flyselskap stansa alle sine ruter til og frå Qatar.

Emirata, Saudi-Arabia og Bahrain har også nekta sjøtransport frå landet. Og Saudi-Arabia har stengt den einaste grenseovergangen Qatar har til lands.

Qatar er isolert

Qatar er dermed i realiteten fysisk isolert, og det blir meldt om hamstring av mat, skriv The Guardian.

På denne bakgrunnen er det at Qatar skal byggje seg opp mot fotball-VM om fem år.

Det tyske fotballforbundet (DFB) har også ytra uro omkring spørsmålet, og seier at dei vil diskutere situasjonen med den tyske regjeringa.

– Vi vil studere den komplekse politiske situasjonen i Midtausten og spesielt i Qatar, seier DFB-president Reinhard Grindel.

Ikkje VM i land som støttar terror

Det er framleis fem år til Qatar-VM.

– Derfor må vi jobbe for politiske løysingar heller enn boikott. Men la det vere heilt klart: Fotballen verda over må vere samd i at store turneringar ikkje skal spelast i land som aktivt støttar terror.

Tildelinga av VM til Qatar er frå før i hardt ver, og det er fleire gonger reist spørsmål om landet bør miste arrangementet. Dette spørsmålet kjem no tilbake med fornya styrke.

Tildelinga er allereie blitt granska av amerikanske FBI og sveitsiske styresmakter med mistanke om korrupsjon. Landet har også fått massiv kritikk for måten dei har behandla utanlandske arbeidarar som er der for å byggje opp arenaer og andre fasilitetar til VM.

Og i tillegg til alt det må FIFA flytte VM frå den vanlege tida i juni/juli til november desember på grunn av varmen.

Qatars hovudstad Doha skal også arrangere VM i friidrett i 2019, og mange andre store idrettsarrangement er planlagt i Qatar også før 2022.

Siste nytt

  • Nani-dobbel i MLS-semifinale

    Portugisiske Nani scora to mål på seks minutt då Orlando City tok seg til finalen i MLS-sluttspelet, med ein 3–1 siger mot Minnesota United. Begge desse måla kom i første omgang.

    I andreomgang sørga Mason Toye for spenning i kampen med ei redusering sju minutt før slutt. Men seks minutt på overtid fjerna Benji Michel all tvil, då han sørga for at kampen enda 3–1 til Orlando.

    Dermed skal Orlando City møte Portland Timbers i MLS-finalen natt til onsdag.

    Nani, Orlando City
    Foto: Douglas DeFelice
  • God turneringsstart for Hovland

    Etter dag ein av PGA-meisterskapet ligg Viktor Hovland to slag under par, på ein delt 20. plass.

    Den første dagen starta tungt for Hovland, som slo ein av dagens tre bogeyar allereie på det andre holet. Men på dei to neste hola følgde han opp med to av sine fem birdiar. Dermed enda han dagen to slag under par, og ligg likt med spelarar som Tiger Woods.

    Det er australske Jason Day og amerikanske Brendon Todd som ligg i tet, fem slag under par.

    Det er 156 deltakarar i turneringa, som varer fram til søndag.

    Viktor Hovland
    Foto: Harry How / AFP
  • Zucca er ett tap unna sesongslutt

    Mats Zuccarello og hans Minnesota Wild tapte 0-3 for Vancouver Canucks i NHL-sluttspillet etter svakt overtallsspill. Ett tap til, så er sesongen over.

    Wild vant den første kampen i førsterundeoppgjøret i best av fem, men har nå tapt de to siste. Torsdag scoret Brock Boeser Canucks' ledermål i overtallsspill i midtperioden. Antoine Roussel doblet ledelsen tidlig i 3. periode, mens Elias Pettersson satte punktum med et nytt overtallsmål i sluttminuttene.

    NHL: Western Conference Qualifications-Vancouver Canucks at Minnesota Wild
    Foto: Perry Nelson / Reuters

Sendeplan

Kl. Program Kanal