NRK Meny
Normal

Gasquet sende verdsfiraren ut av US Open

I ein thriller av ein kamp var nianderanka Richard Gasquet vassast i møte med fjerderanka David Ferrer.

Richard Gasquet

Richard Gasquet, ranka som nummer ni i verda, var sterkast i møtet med David Ferrer – som nok var favoritt.

Foto: Kathy Willens / Ap

No møter franskmannen høgst truleg ein Rafael Nadal i superform i semifinalen. Nadal møter Tommy Robredo i den andre av fire kvartfinalar onsdag – som blir spelt natt til torsdag norsk tid.

David Ferrer

David Ferrer måtte gi tapt mot Gasquet over fem sett.

Foto: Julio Cortez / Ap
US Open Tennis Rafael Nadal

Rafael Nadal blir mest truleg Gasquet sin semifinalemotstandar.

Foto: Mike Groll / Ap

Ferrer på veg mot snuoperasjon

Før matchen var David Ferrer, ranka som nummer fire i verda bak Novak Djokovic, Andy Murray og Rafael Nadal, favoritt – men ikkje soleklar favoritt.

Franske Gasquet er nemleg ranka som nummer ni i verda, og slo ut 11.-ranka Milos Raonic i fjerde runde.

Mot Ferrer var Gasquet klinisk i opninga.

I første sett blei det 6–3 til Gasquet, før franskmannen følgde opp med 6–1 i andre sett. Så vakna Ferrer.

Spanjolen, som har vore litt i skuggen av landsmann Nadal, slo til med 6–4 og 6–2. Dermed måtte alt avgjerast i siste sett.

Avgjorde på eigen serve

Settet opna spennande, og dei to følgde kvarandre til 1-1 og 2–2 i games.

Så gjekk Gasquet opp til 5-2, før Ferrer reduserte til 5-3. Med servefordelen henta franskmannen heim semifinaleplassen til 6–3.

No kan den nianderanka franskmannen fort møte ein Nadal i superform.

Dei to andre kvartfinalane i US Open blir spelt torsdag. Verdseinar Novak Djokovic møter russiske Mikhail Youzhny (24), medan Andy Murray (3) møter Stanislas Wawrinka (10) i den fjerde kvartfinalen.

Siste nytt

Sendeplan

Kl. Program Kanal
EM feltritt: Sprangridning
EM feltritt: Sprangridning
EM feltritt: Sprangridning
Friidrett: Diamond League fra Birmingham
Friidrett: Diamond League
Friidrett: Diamond League
4-4-2 Radiosporten
4-4-2 Radiosporten
Radiosporten følger den 20.runden av Eliteserien
4-4-2 Radiosporten
4-4-2 Radiosporten