Fem byar vil ikkje love publikum
Dublin, Bilbao, München, Baku og Budapest vil førebels ikkje love publikum på tribunene under fotball-EM i juni/juli.
UEFA vil ha publikum på tribunene, og gav dei 12 arrangørbyane frist til i går med å gi svar.
Dei sju andre arrangørbyane har i ulik grad gitt signal om at dei vil tillate publikum. Det er London, Glasgow, København, Roma, St. Petersburg, Bucuresti og Amsterdam.
Dei som ikkje har stadfesta at dei ønskjer publikum, risikerer å miste kampane dei har fått tildelt. UEFA skal ta endeleg avgjerd 20. april.
