Vektspørsmål på pressekonferanse skaper debatt

ØSTERSUND (NRK): På ein pressekonferanse lurte representanten frå Det internasjonale skiskyttarforbundet på om slanking var årsaka til at ein av våre beste skiskyttarar starta sesongen så bra.

Her får Tarjei Bø spørsmål frå Det internasjonale skiskytterforbundet om han har slanka seg.

– Det er litt rart å spør om, seier Ingrid Landmark Tandrevold.

Tarjei Bø susa inn til tredje beste langrennstid då han tok andreplassen på sprinten i Østersund søndag. Etterpå fekk han spørsmål på engelsk om han hadde blitt «leaner», som på norsk betyr slankare.

Spørsmålet kom frå Det internasjonale skiskyttarforbundets presseansvarleg, som leia heile seansen.

– Ekspertane har observert at du er slankare enn førre sesong. Er det noko du har endra?

– Kva sa du? At eg er?

– At du ser slankare ut med mindre kilo...

– Åja. Tynnare, seier ein lite affisert Bø og ler.

– Dei kalla deg «Den slanke maskina» på Eurosport...

– Ok. Ja, det er bra. Kanskje det er sant. Eg er ikkje sikker, men eg har trena mindre styrke for å vere heilt ærleg, seier Bø.

– Meint som ein «funny joke»

Dagen etter at han tok temaet på strak arm understrekar Bø han ikkje bryr seg om å få slike spørsmål. Men han påpeiker samtidig at slike fokus kan vere ubehageleg for andre utøvarar å få.

– Det var nok meint som ein «funny joke», men ein skal kanskje trø litt forsiktig med slike spørsmål til andre. Du veit jo aldri kva folk jobbar med på privaten, seier han.

Det internasjonale skiskyttarforbundets medieavdeling forsvarer spørsmålet overfor NRK.

– Det var sportsrelatert og derfor greit av min kollega å stille, seier talsmann Christian Winkler.

Personleg helse

Ingrid Landmark Tandrevold meiner slike spørsmål ikkje nødvendigvis passar for alle. Og at dei fort kan bli for private sjølv om dei er sportsleg relaterte og meint som kompliment.

– Eg hadde nok blitt litt satt ut, seier Tandrevold, som nyleg snakka om vekt og toppidrett i podcasten Kant ut.

– Det er nok ingen som hadde stilt det spørsmålet til ei jente. Eg synst jo det skal vere likt for begge kjønn, men at ein kanskje ikkje skal blande seg opp i slike tema uansett.

– Korfor?

– Det er jo eit spørsmål om eigen helse. Det er ingen som spør kva medisinar ein tar og sånn. Dette handlar jo om personleg helse, seier Tandrevold, som meiner Bøs forvandling også dreier seg om at han har unngått sjukdom før sesong.

Ingrid Landmark Tandrevold

IKKJE IMPONERT: Ingrid Landmark Tandrevold stussar over spørsmålet Tarjei Bø fekk av Det internasjonale skiskyttarforbundet.

– Uheldige signal

22-åringen får støtte av trenar Sverre Waaler Kaas, som trur at slankespørsmål i verste fall kan føre til at toppidretten sender feil signal til yngre utøvarar.

– Det kan sende uheldige signal. Utøvarar som fortsatt er i vekst vil med fordel gå opp i vekt naturleg. Om dei skal tukle med vektnedgang som ei førebuing til sesong, vil det slå uheldig ut over tid.

– Signalet frå eldre til yngre vil jo vere at dette er ei toppidrettsgreie, men toppidrett driv du med når du er på elitelandslag og skal gå verdscup. Ikkje når du skal gå eit kretsrenn som 14-åring, seier Waaler Kaas.

Tarjei Bø ler av situasjonen, men ser også at den har eit seriøst bakteppe etter fleire saker om vekt og slanking i toppidretten.

– Det har nok tatt litt av den siste tida, men det handlar om å vere gode forbilder for alle som kjem etter oss. Det er viktig å snakke om dei problema folk kan ha rundt det temaet, men vi bør også kunne tøyse litt med det, seier Bø.

Siste nytt

  • Nederland tok VM-gull

    Nederland er verdensmester i kvinnehåndball for første gang etter 30-29 over Spania i finalen. Avgjørelsen falt noen sekunder før slutt.

    Nederlenderen ledet 16-13 ved pause foran snaut 10.000 tilskuere i Park Dome. Nederland førte også 29-27, men gjorde feil på feil i sluttfasen. Likevel ble Lois Abbingh helt med sitt straffemål like før slutt.

    Gullaget tapte hele tre kamper i mesterskapet, mest av alle semifinalistene sammen med Norge. Nederlagene kom mot Slovenia, Tyskland og Danmark.

    or0nlaLm-ZE
    Foto: Vidar Ruud
  • Tande friskmeldt

    Daniel-André Tande er friskmeldt og stiller til start i dagens individuelle hopprenn i tyske Klingenthal. Kongsberg-hopparane skada seg i ankelen etter at ein ski gjekk løpsk og trefte han under prøveomgangen fredag. Han seier til NRK at han framleis har smerte, men at det ikkje skal hemme han.

    Daniel-André Tande
    Foto: Andreas Hagen / NRK
  • Dobbelt norsk - Johaug knuste alle

    Therese Johaug tok nok en seier på 10 km fri teknikk i Davos søndag. Allerede ved første passering dro hun i fra. Dalsbygdingen gikk i mål etter ti kilometer på tiden 25:02.7. Heidi Weng kom inn halvminuttet bak Johaug og var i en tidskamp om andreplassen med Jessica Diggins. Men amerikaneren klarte ikke å hente Weng, som tok andreplassen. Magni Smedås leverte sitt beste løp i karrieren og gikk inn til en åttendeplass. Ragnhild Haga endte som nummer 11.

    World Cup 4x5 km stafett kvinner
    Foto: Stian Lysberg Solum / NTB scanpix

Sendeplan

Kl. Program Kanal