Federer overlevde sju matchballar
Roger Federer var ille ute i kvartfinalen i Australian Open, men sleit seg vidare etter siger over amerikanske Tennys (!) Sandgren i kvartfinalen.
Sandgren er rangert som nummer 100 i verda.
Federer vann første sett 6-3, men tapte 6-2 og 6-2 i dei to neste.
I fjerde sett hadde Sandgren sju matchballar. Tre av dei var då han leia tiebreaket med 6-3. Men Federer henta seg inn og vann tiebreaket 10-8.
Det siste settet vann Federer 6-3.
– Eg var heldig. Eg hadde ikkje fortent dette, men her står eg, sa Federer etterpå.