Hopp til innhold

Får ikkje spele spiss for klubblaget – har trena åleine for å bli klar for Norge

Den føretrekte spissen til landslaget, Lisa-Marie Karlseng Utland, har vorte omskulert av RBK og har hamna i ei måltørke. Spiss-situasjonen skapar hovudbry før tysdagens EM-kvalik, meiner NRKs ekspert.

Fotball VM-kvinner 2019.

SER MOT EM: Lisa-Marie Karlseng Utland og Norge har EM i horisonten før møtet med Wales tysdag kveld.

Foto: Terje Bendiksby

Laster innhold, vennligst vent..

– Det er klart eg vil spele spiss. Det legg eg ikkje skjul på, seier Lisa-Marie Karlseng Utland.

Den 28 år gamle nordlendingen har vorte eit førsteval på topp for Norge, og skåringsevnene hennar er ikkje akkurat mindre viktige no som Isabell Herlovsen har lagt opp – og Ada Hegerberg stadig er uaktuell for landslaget.

Tysdag kveld møter Norge Wales til EM-kvalifiseringskamp, og det er venta at Utland igjen vil få ei rolle på topp.

Urovekkande

Nettopp derfor meiner NRK-ekspert Carl Erik Torp at det er urovekkande at Utland har vorte vist til ei anna rolle i RBK, klubben ho melde overgang til før denne sesongen. Der har Utland spelt kant, og det har ikkje vore meir enn tre mål på femten kampar i Toppserien.

– Ho har kome i betre og betre form, men det skapar litt hovudbry for landslagsleiinga at ho ikkje spelar spiss for klubblaget. Og ho er kanskje ikkje heilt den spisstypen ein har hatt på Norge før, heller, seier Torp, og siktar til Herlovsen og Hegerberg.

-fRXAdYESsA

Utland kom frå eit vanskeleg opphald i engelske Reading til norsk fotball og Rosenborg denne sesongen.

Foto: Terje Bendiksby / NTB

Utland medgir at situasjonen ikkje er heilt ønskjeleg.

– Men spissen vår i Rosenborg (Marit Claussen, toppskårar i Toppserien, red.anm.) har gjort det kjempebra, og eg skjønner vala trenaren tek, seier ho.

Trenar ekstra for seg sjølv

Utland har teke grep på eiga hand, utanom klubbtreningane, for å halde dei reine spiss-evnene ved like.

– Eg køyrer eigentrening på spissplass. Eg prøver å utvikle meg der, og skulle gjerne gjort det for klubb og i kamp òg, men eg får berre gjere det beste ut av det, seier ho.

UPAbGiGZzqU

Storskåraren Isabell Herlovsen bestemde seg nyleg for å leggje opp.

Foto: DAMIEN MEYER / AFP

Landslagstrenar Martin Sjögren forstår at RBK vil bruke Utland der dei meiner ho trengst mest, men medgir at det ikkje er heilt heldig for landslaget.

– Her har vi ei anna rolle for ho. Men klubbytet har gjort ho bra òg, for perioden før, i Reading, var ikkje bra for ho. Så får vi sjå kva som skjer framover. Det beste hadde vore om alle spelte i same klubb og i same posisjon som for landslaget, men slik er det ikkje, seier Sjögren.

Prøve andre?

Det er generelt få reine spisstypar som er inne i landslagsvarmen akkurat no. Eit alternativ for Sjögren er Elise Thorsnes, som har skåra åtte mål for Avaldsnes.

NRKs fotballekspertar Carl Erik Torp og Morten Skjønsberg meiner begge at det snart kan vere tid for å tenkje alternativt, til dømes ved å prøve nokon heilt andre på spissplass.

– Vi har Synne Jensen og Karina Sævik, som eg meiner kan vere potensielle spisstypar. Og så må ein eventuelt sjå endå yngre og bane veg for nye spisstypar. Vi har jo ingen Haaland på kvinnesida, slik som vi er så heldige å ha på gutesida, seier Torp.

Sjølv om ho ikkje er nokon rein spisstype har Norge trass alt Caroline Graham Hansen. Ho blir brukt som innover-kant og skårar mykje mål. Saman med Nederlands Sherida Spitse har Hansen skåra flest mål i EM-kvalifiseringa så langt.

Kan bli EM-klare

Norge har enno ikkje gitt frå seg poeng på dei fem kampane som er spelt i EM-kvalifiseringa. Avstanden ned til tabelltoar Wales er på tryggjande sju poeng før oppgjeret på tysdag.

Kampen blir spelt i Cardiff, sjølv om Wales har meir eller mindre stengt ned landet på grunn av koronapandemien. Koronasituasjonen førte òg til at kampen Norge eigentleg skulle ha spelt mot Kviterussland har vorte utsett på ubestemt tid.

Ved siger over Wales er Norge så godt som klare for EM i England i 2022.

Laster innhold, vennligst vent..

Siste nytt

  • Graham Hansen utsatt for innbrudd

    Caroline Graham Hansen skriver på Instagram at hun har blitt utsatt for et tyveri. Noen skal ha tatt seg inn i bilen hennes og tatt alle kamptrøyer og sko fra årets sesong, sammen med andre personlige eiendeler.

    – Det er trist å se hvor meningsløst folk kan oppføre seg. For meg har disse tingene ikke noe annen verdi enn minnene fra årets sesong, skriver Graham Hansen på historiefunksjonen på Instagram.

    Hun oppfordrer alle til å ikke kjøpe eiendelene som har blitt stjålet.

    – Det er bare et patetisk og dumt å tro at du har rett til å stjele noe som ikke er ditt. Å ta noe som du ikke har fortjent ... Jeg håper ingen kjøper disse tingene om de ser dem for salg. De fortjener ikke noe annet enn prisen for «Årets idioter».

    NRK har vært i kontakt med Graham Hansen sin agent, som ikke vil kommentere saken ytterligere.

    Germany Soccer Women Champions League
    Foto: Swen Pf'rtner / AP
  • Fosser og Breivik vant sine kvalifiseringsheat

    Verdenscupleder Kasper Harlem Fosser fortsetter å løpe fort i verdenscupen i orientering. I morges vant han sitt kvalifiseringsheat i knockoutsprinten i Borås.

    Eirik Langedal Breivik slo tilbake etter «stang ut» på torsdag og vant sitt heat. 36 løpere går videre til utslagsrundene, og flere av forhåndsfavorittene mislyktes i kvalifiseringen, blant dem torsdagens tredjemann, belgiske Yannick Michiels.

    Like bra gikk det ikke for Ingrid Lundanes, som ble diskvalifisert for feilstempling. Men fem andre kvinner er med videre.

    Semifinalene og finalene i Borås sendes på NRK2 og NRK.no fra klokka 1600.

    Sweden World Cup Orienteering
    Foto: Nisse Schmidt / AP
  • Hauge skrev langtidskontrakt med Frankfurt

    Jens Petter Hauges permanente overgang til Eintracht Frankfurt er i boks. Bodøværingen har forpliktet seg til Bundesliga-klubben til sommeren 2026.

    Hauge undertegner langtidskontrakten etter å ha vært utlånt til Frankfurt fra Milan forrige sesong. Det fantes ifølge tyske og italienske medier en klausul i utlånsavtalen som forpliktet Frankfurt til å kjøpe nordmannen dersom klubben berget plassen i 1. Bundesliga.

    Frankfurt skriver at Hauge spilte 38 kamper for laget sist sesong, og han scoret tre mål. Han var med på å vinne Europaligaen med laget og er dermed klar for spill i selveste Champions League til høsten.

    Hauge ble solgt fra Bodø Glimt til Milan høsten 2020. For Serie A-klubben spilte han 24 kamper.

    (©NTB)

    Germany Soccer Bundesliga
    Foto: Martin Meissner / AP

Sendeplan

Kl. Program Kanal
Spilleliste med 39 klipp
Sport
Spiller nå
Haalands karriere fra A til NÅ 03:44
Neste