Sleit seg til sprintgullet

Maiken Caspersen Falla frå Gjerdrum vann sprintgullet for kvinner i ski-NM fredag.

Video NM-Sprintfinalen for kvinner

NM-Sprintfinalen for kvinner

Falla

Maiken Caspersen Falla knuste all motstand på NM-sprinten fredag.

Foto: Bendiksby, Terje / Scanpix

– Eg gjekk ikkje nokon bra prolog, men blei piggare og piggare etter kvart i utslagsrundane. Fallet i semifinalen gjorde at eg skjerpa meg, og no er eg bare overlukkeleg, seier Falla til NRK etter å ha tatt sitt første gull i NM.

Falla kom til finalen som «lucky loser», og hadde til då ein tung dag i sporet.

Men då det stod om medaljar var 21-åringen plutseleg best.

Tok luven av favoritten

I Marit Bjørgens fråver var Astrid Uhrenholdt Jacobsen eigentlege sorfavoritten framfor NM-sprinten.

– Ho ser ut til å vere i kjempeslag, sa superveteran og NRKs langrennsekspert Thomas Alsgaard tidlegare fredag.

Men formen til Jacobsen heldt ikkje mot Falla, som i ein heftig innspurt tok luven av all motstand.

– Finalen blei faktisk det dårlegaste løpet mitt. Eg er ikkje bedre enn tredjemann i dag, så det er heilt greit, seier Jacobsen, som til slutt kapra bronsemedaljen.

– Eg hadde eit hårete mål om å ta medalje kvar dag. Sånn sett ligg eg bra an, legg ho til.

Jacobsen også har eitt gull frå årets NM.

VIDEO: Falla overlukkeleg etter NM-gull (artikkelen held fram!)

Video Falla om NM-gullet

Falla om NM-gullet

Sølvjenta overraska alle

Jacobsen

- Finalen var mitt dårlegaste løp, seier førehandsfavoritt Astrid Uhrenholdt Jacobsen.

Foto: Hommedal, Marit / Scanpix

Lenge såg det ut til at overraskinga Maria Nysted Grønvoll kunne vinne finalen, men på oppløpssida blei også ho for svak.

Likevel gjorde det ingenting at Grønvoll, som aldri hadde venta å ta seg til finalen, måtte sjå gullet ryke på oppløpssida.

– Eg trur eg var så nøgd med det eg hadde gjort fram til finalen, at det ikkje brydde meg at Falla vann, seier sølvmedaljør Grønvoll til NRK.

Desse gjekk sprintfinalen

Astrid Uhrenholdt Jacobsen, Kari Vikhagen Gjeitnes, Maiken Caspersen Falla, Maria Nysted Grønvoll, Ingvill Flugstad Østberg og Barbro Kvåle.

Siste nytt

  • Målfest mellom Odd og Brann

    Det stod ikkje på underhaldninga då Odd tok imot Brann søndag kveld.

    Brann tok leiinga to gangar i den første omgangen, men Sander Svendsen utlikna begge gangane før pause.

    Like etter pause sende Salomon Owusu Odd i føringa for første gang i kampen, men det tok berre ti minutt før Aune Heggebø utlikna.

    Dermed enda det 3–3 i Skien. Dermed blir Brann verande på 14.-plass i serien, med fem poeng opp til Tromsø på trygg plass.

    Aune Heggebø
    Foto: Trond Reidar Teigen / NTB
  • Lindseth hat trick for Sarpsborg

    Jonathan Lindset storspelte for Sarpsborg mot medaljejagande Kristiansund i Eliteserien.

    Han gav seg ikkje før han hadde sikra seg eit hat trick, då han skåra alle Sarpsborgs mål i kampen som enda 3–1.

    Det var den første bortesigeren i serien for Sarpsborg sidan dei slo Rosenborg på Lerkendal 20. juni.

    Lindseth
    Foto: Svein Ove Ekornesvåg / Svein Ove Ekornesvåg
  • Tromsø vann botnkampen

    Eric Kitolano skåra kampens einaste mål i botnkampen mellom Tromsø og Mjøndalen søndag, i ein kamp Tromsø dominerte.

    Det tok nesten 80 minutt før Mjøndalen noterte seg for sitt første ordentlege forsøk på ein avslutning, då Kent Håvard Eriksen heada eit innlegg like over mål.

    Dermed står Tromsø med 25 poeng etter 23 kampar, og ligg på ein 13.-plass, fem poeng framfor Brann på kvalifiseringsplassen i Eliteserien, med ein kamp meir spela.

    Eric kitolano
    Foto: Rune Stoltz Bertinussen / NTB

Sendeplan

Kl. Program Kanal