Lillestrøm tar grep etter baneslakta

Odd-trenar Dag-Eilev Fagermo kom med knallhard kritikk etter kampen mot Lillestrøm, trass siger og tabelltopp. Lillestrøm håpar å få bana klar til neste heimekamp.

Åråsen

FÅR KRITIKK: Her får Elbasan Rashani en nærmare titt på det utskjelte Åråsen-graset.

Foto: Audun Braastad / NTB scanpix

Laster innhold, vennligst vent..

– Denne grasmatta er så dårleg at det burde kvalifisert til poengtrekk, seier Odd-trenar Dag-Eilev Fagermo til NRK etter kampen mot Lillestrøm på Åråsen.

Odd vann 3–0 og er serieleiar med tre poeng ned til Molde på andreplass. Men rett etter kampslutt var han mest oppteken av grasteppet på Åråsen.

Fagermo skuldar ikkje på banemeisteren, men på økonomien.

Lillestrøm - Odd.

ÅRÅSEN: – Denne grasmatta er ikkje representativ for eliteserien, meiner Odd-trenaren

Foto: Audun Braastad / NTB scanpix

– 6.-divisjonsbana heime er betre

– Det er klubbleiinga som ikkje prioriterer bana. 6.-divisjonsbana der som eg bur, er mykje finare enn denne her. Poengtrekk er det einaste som hjelper, då hadde det nok blitt fart i arbeidet med bana, seier Odd-trenaren.

– Meiner du det alvorleg?

– Det meiner eg alvorleg. Dei får poengtrekk dei som ikkje har orden på økonomien. Når du melder på eit fotballag, må du ha bane. Elles kan du ikkje vere med i serien. Denne bana her er ikkje representativ for eliteserien. Det er like ille for Lillestrøm, dei taper på det. Dei får ikkje spele sin fotball, dei heller, tordnar Fagermo.

– Korleis omstiller ein seg mentalt til å spele på ein slik åker?

– Det er vi gode på, for det var vi klar over. Som sagt visste vi korleis vi skulle spele.

– Vi visste om det på førehand, så vi hadde planen klar. Vi skulle spele smart. Frå firaren bak skulle vi spele ballen over midtbana så dei fekk strekk, og så vinne ballen der framme.

Også Rosenborg felte ein hard dom over Åråsen-matta etter kampen førre helg. – Ein katastrofe, sa RBK-kaptein Mike Jensen etter 1-1-kampen.

Uaktuelt med poengtrekk

Fagansvarlig for klubblisens i Norges Fotballforbund, Rune Nordhaug, er einig i at bana er dårleg, men seier poengtrekk er uaktuelt.

Rune Nordhaug

UAKTUELT MED POENGTREKK: Fagansvarlig for klubblisens i Norges Fotballforbund, Rune Nordhaug, seier at LSK har komme opp med en plan på korleis de skal forbetre banen.

Foto: Terje Pedersen / NTB scanpix

– NFF har vore i dialog med LSK om Åråsen, og verken vi eller klubben er fornøgd med korleis den framstår. Men det er ikkje fremma ei sak til klubblisensnemnda om brot på lisenskriteriet. Poengtrekk eller andre reaksjonar er ikkje aktuelt slik situasjonen er no.

Vidare fortel Nordhaug at LSK har lagt fram ein kortsiktig og langsiktig plan for å gjere bana betre. Den kortsiktige starta etter kampen mot Odd på søndag, og den langsiktige går vidare ut i sesongen 2020.

Robert Lauritsen, dagleg leiar i LSK, bekrefta måndag at arbeidet er i gang, slik at bana skal vere klar om fire veker.

Han meiner skada skjedde allereie i november i fjor, då LSK møtte Kristiansund i den siste runda i Eliteserien. Då var det ni minusgrader ute og varmerøyra blei fyrt opp til 30 varmegrader for å klare å tine bana.

– I morgen skal vi vertikalskjære heile bana. Etter det blir det propplufting, resåing, sanddressing og gjødsling. Og etter fire veker med kvile skal Åråsen vere på det nivået den pleier å vere.

– Håpar å halde oss på toppen til jul

Lillestrøm - Odd

JUBEL: Odd er åleine på tabelltoppen etter 3–0 over Lillestrøm

Foto: Audun Braastad / NTB scanpix

Odd-trenar Fagermo blir langt gladare når han ser på tabellen, der Odd i einsam majestet tronar øvst.

– Vi har gjort unna fleire av dei vanskelege bortekampane kampane, og ligg på topp. Det er moro og veldig motiverande for ein klubb som Odd.

– Kor lenge kan de ligge på toppen?

– Vi ligg der gjerne til jul, vi. Men det er kanskje eit par andre lag som også vil vere med der, seier Fagermo.

Men han er litt usikker på kva som skjer til sommaren. Sander Svendsen og Fredrik Oldrup Jensen storspelar, men er berre på lån.

– Eg har vore med på å byggje mange Odd-lag i dei 12 åra eg har vore her, og vi har dessverre ofte måtte selje. Alle har lyst å spele vidare, og eg håpar vi kan halde på dette laget. Vi har iallfall fått ein fantastisk start.

Siste nytt

  • Chefs mot 49ers i Super Bowl

    Kansas City Chefs skal møte San Fransisco 49ers i Super Bowl, finalen i amerikansk fotball.

    Kansas-laget slo overraskingslaget Tennessee Titans 35-24 og er i Super Bowl for første gong på 50 år.

    San Fransisco knuste Green Bay Packers 37-20 etter å ha leia 27-0 halvveges. Det er deira første finale på åtte år, og dei har ikkje vunne sidan 1994.

    Super Bowl skal spelast i Miami 2. februar.

    Kansas City Chefs
    Foto: Peter Aiken / AFP
  • Scoret i debuten

    Kristian Thorstvedt scoret da han debuterte for sin nye klubb Genk igår kveld. 20-åringen scoret 23 minutter ut i oppgjøret mot Zulte Waregem. – Utrolig deilig debut med tre poeng og mål. Kunne ikke drømt om noe bedre, skrev han på Twitter etter kampen.

    Kristian Thorstvedt
    Foto: Carina Johansen / NTB scanpix
  • Dårlig nytt for Solskjær

    Etter 2-0-tapet mot Liverpool igår bekreftet Manchester United-manager Ole Gunnar Solskjær at Marcus Rashford har pådratt seg et tretthetsbrudd i ryggen. Det betyr at Uniteds toppscorer trolig blir ute i to til tre måneder. – Han har fått en stygg skade og blir ute en stund. Det pleier å ta i hvert fall seks uker å lege et tretthetsbrudd, og så må han ha rehabilitering etter det, sier nordmannen om situasjonen.

    Michael Carrick, Ole Gunnar Solskjær og Marcus Rashford
    Foto: Tim Ireland / AP

Sendeplan

Kl. Program Kanal