Så nær var Ezinne ein finale

– Eg visste at eg hadde noko her å gjere. Eg er i kjempeform og er nøgd uansett korleis det går, sa Okparaebo spent før dei siste to semifinaleheata.

Då kunne ho nemleg gå vidare på tid. Men Okparaebo blei akkurat litt for svak, og då andre heat var over var ho ute.

Chat med Christina Vukicevic under dei ulike øvingane her!

• LES OGSÅ: «Blade-runner» røk ut i semifinalen

Yppa seg mot dei beste

Av utøvarane i heatet på åtte hadde Okparaebo før start bare den sjuande beste tida i år (10.21). Den sat ho då ho kvalifiserte seg for semifinalane natt til sundag norsk tid.

I konkurranse med 100-meterkanonene Kerron Stewart, Marshevet Myers og Oludamola Osayomi var Okparaebo venta å ligge eit nivå under.

Men etter ein superstart frå Okparaebo var ho med og yppa seg heilt til slutt. I mål kom ho inn på tida 11.48.

Dei siste 20 metrane kom dei sterkaste fram, men Okparaebo fekk til slutt avslutta på 4. plass.

– Eg har slo mange gode sprintarar her. Det er god læring i seg sjølv. Det var synd eg ikkje kom til finalen når eg var så nær, men det går heilt fint. Eg ser supernøgd uansett, seier BUL-jenta.

• SJÅ VIDEO:

Tre sprintarar på 11.48

I 1,3 sekundmeter motvind var Kerron Stewart sterkast med tida 11.26. Like bak følgde Marshevet Myers med 11.38.

Jo nærare ein kjem toppen, jo tettare blir det. Okparaebo var ikkje einaste sprintar som kom inn eitt tidels sekund bak dei to første.

Også Myriam Soumaré frå Frankrike og Michelle-Lee Ahye var likt med Ezinne.

Amerikanske Carmelita Jeter (11,02) og jamaicanske Shelly-Ann Fraser (11,03) fekk dei raskeste tidene i semifinalane.

• SJÅ EZINNE OPPSUMMERE VM:

Dette er finalen på 100 meter:

• Kerron Stewart, Jamaica
• Marshevet Myers, USA
• Shelly-Ann Fraser-Pryce, Jamaica
• Veronica Campbell-Brown, Jamaica
• Carmelita Jeter, USA
• Kelly-Ann Baptiste, Trinidad & Tobago