EU vil forby kunstgrasbaner frå 2022: Urealistisk, meiner NFF

Alle kunstgrasbaner der dekket er laga av vulkanisert gummi, skal bli forbode frå og med 2022, ifølgje ei EU-tilråding.

Kunstgress Alfheim

KUNSTGRAS: Mange av dei norske klubbane spelar og trenar på kunstgras, også fleirtalet av eliteserieklubbane. Her frå Alfheim, som la nytt dekke i fjor

Foto: Rune Stoltz Bertinussen / NTB scanpix

– Høyringsforslaget i EU inneber forbod mot all produksjon og bruk av granulat generelt. Granulat i kunstgrasbaner er berre ein del av dette. Det har kome mange innvendingar, og vi meiner det er urealistisk å tru at granulat i kunstgrasbaner blir forbode frå 2022, skriv kommunikasjonsdirektør Svein Graff i Norges Fotballforbund i ein sms til NRK.

Det er miljøforureininga som er årsaka. Tidlegare i år foreslo miljøstyresmaktene i EU at berre nedbrytingsbare materiale skal tillatast i banedekke, skriv den tyske avisa Welt am Sonntag.

Det er reglar som truleg også vil råke Noreg, som har over 1700 kunstgrasbaner. Mange av dei er heilt vesentlege for å kunne spele fotball i kaldt og vått ver.

11 av eliteserieklubbane har kunstgras på sine heimebaner. Det gjeld mellom anna Tromsø, som meiner det er heilt nødvendig.

– Med dei klimatiske forholda vi har, så seier det seg sjølv at det ikkje blir toppfotball utan tilgang på kunstgras, seier Kristian Høydal, dagleg leiar i klubben.

Granulat-svinn er problemet

Kunstgress med gummigranulat

GRANULAT: Det er gummikulene i kunstgraset som er forureiningskjelda som EU vil ha vekk

Foto: Thomas Ystrøm / NRK

Det er granulat-gummikulene i kunstgraset som er problemet. Mikroplasten der er rekna for å vere svært forureinande, og det er den EU vil ha bort.

Graff seier at NFF har eit godt samarbeid med både miljøverndepartementet og kulturdepartementet.

– Miljøvernministeren har påpeika at han ikkje ønskjer eit forbod mot granulat, men er oppteken av å stoppe det som forureiniga av granulat på avvegar representerer, skriv Graff.

Han seier at NFF også jobbar aktivt med dette, mellom anna gjennom kampanjen «På banen», som starta for nokre år sidan.

– Vi har iverksett fleire tiltak for å redusere granulatsvinn, mellom anna ved å halde kurs for klubbane.

Tyskland krev lenger overgangstid

Tyskland har rundt 5000 kunstgrasbaner, og sportsminister Horst Seehofer er lite glad for forslaget. – Som sportsminister krev eg ein rimeleg balanse mellom miljøvern og sportsinteresser.

Mange tusen anlegg i tyske kommunar ville bli trua med stenging, seier ministeren. Han krev i alle fall minst seks års overgangstid, eit krav som også det tyske fotballforbundet stiller seg bak.

Cristel Brorsson i det svenske fotballforbundet seier til Aftonbladet at eit forbod får store konsekvensar.

– Framfor alt for barne- og ungdomsidretten, seier Brorsson.

Siste nytt

  • Hovland klatrer på verdensrankingen

    Viktor Hovland avanserer én plass på siste verdensranking i golf og er nå nummer 30 på listen som toppes av spanske Jon Rahm.

    Hovland tok 33.-plassen i PGA-mesterskapet som ble avsluttet i San Francisco søndag. Med 30.-plass på listen er Hovland fortsatt rangert som beste skandinav foran Henrik Stenson. Svensken fortsetter å falle på listen og er nå nede på 40.-plass.

    Viktor Hovland
    Foto: Jeff Chiu / Jeff Chiu
  • Kan fortsatt ikke snakke etter velt

    Den nederlandske syklisten Fabio Jakobsen (23) kan fortsatt ikke snakke etter den stygge velten under åpningsetappen av Polen rundt 5. august. Deceuninck-Quickstep-rytteren kommuniserer nå via tekstmeldinger, opplyser lagets lege Yvan Vanmol til belgiske Sporza. I intervjuet som er gjengitt av TV 2 , sier legen at han tror nederlenderen vil komme tilbake på sykkelen igjen, men han vil ikke sette noen tidsfrist.

    APTOPIX Poland Cycling Crash
    Foto: Tomasz Markowski / AP
  • Raja og Høie møter idretten mandag

    Klokken 12.30 skal kultur- og likestillingsminister Abid Q. Raja (V) og helse- og omsorgsminister Bent Høie (H) i et møte med representanter for idretten.

    Raja og Høie møter Norges idrettsforbund, Norges Fotballforbund, Norges Håndballforbund, Norges Bedriftsidrettsforbund og Norges Kampsportforbund. Tema for møtet er breddeidrett for voksne i lys av smittesituasjonen i samfunnet.

    Pressekonferanse om koronasituasjonen
    Foto: Vidar Ruud / NTB scanpix

Sendeplan

Kl. Program Kanal