NRK Meny
Normal

Står klar til å overta etter Wolff Eikrem

– Forventningane til meg sjølv er høge, fortel Etzaz Hussain til NRK.

Solskjær og Hussain

Etzaz Hussain (t.v.) er klar til å tre inn i rolla som Magnus Wolff Eikrem har spelt i dei siste 2,5 åra.

Foto: Ekornesvåg, Svein Ove / NTB scanpix

Wolff Eikrem

Magnus Wolff Eikrem har vore ein viktig del av gullaget til Molde dei siste åra.

Foto: Poppe, Cornelius / NTB scanpix

Måndag blei Magnus Wolff Eikrem endeleg klar for nederlandske Heerenveen.

Etter bortekampen mot Vålerenga, der Molde sikra 3-3 i sluttminutta, uttalte Solskjær at han var uroa for å miste alle U21-talenta.

– Det er klart ein blir redd for å bli ribba for desse spelarane

Solskjær refererte då til keeper Ørjan Håskjold Nyland, angripar Jo Inge Berget, forsvarar Martin Linnes og midtbanespelar Magnus Wolff Eikrem.

Sist fredag kopla nederlandsk media Wolff Eikrem til Heerenveen, og Molde-manageren stadfesta at Molde hadde motteke eit bod.

20-åringen frå Oslo er klar

Dermed var det inga overrasking då 22 år gamle Wolff Eikrem blei presentert for Heerenveen-spelar. No er Solskjær klar til å sende 20 år gamle Etzaz Hussain inn i rolla.

Ein tilpassar seg det meste. Det er flott natur her, noko eg har blitt glad i. Absolutt alt er tilrettelagt rundt oss i klubben, med få uromoment. Ein dreg heim og førebur seg til trening og kamp, så her i Molde er det strålande for ein ung spelar som vil utvikle seg.

Etzaz Hussain om livet i Molde som Oslo-gut

– Tida var riktig for Magnus å gå. Vi har tenkt lenge at Magnus kjem til å bli selt, så Etzaz blei henta inn i fjor for å vere klar den dagen Magnus drog. Så no får vi sjå om han er klar, for det blir fleire moglegheiter, fortel Solskjær til NRK tysdag.

Så då er spørsmålet:

– Etzaz Hussain, er du klar for oppgåva?

– Ja, eg trur det. Eg har vore her i eitt år no, og eg er moden for oppgåva.

– Blir det litt ekstra press når du skal overta for Wolff Eikrem?

– Eg set alltid press på meg sjølv når eg spelar fotball, og forventningane til meg sjølv er høge. Det blir ikkje noko problem, trur eg, fortel Hussain.

Saka held fram under videoen.

Magnus Wolff Eikrem, som har vore ein sentral brikke i Molde-laget til Ole Gunnar Solskjær, blir ikkje erstatta ved spelarkjøp. Solskjær meiner han har funne det rette materialet i sin eigen spelarstall.
Etzaz Hussain

Etzaz Hussain ser på seg sjølv som ein kreativ og pasningssikker midtbanespelar med god løpskapasitet.

Foto: Alley, Ned / NTB scanpix

Vil bli scorande midtbanespelar

Hussain, som kom til Molde frå Fredrikstad i fjor, meiner både han og Wolff Eikrem er spelarar som likar å styre spelet.

– Men eg spelar på min måte og han på sin måte. Publikum får vurdere forskjellane.

– Er du tøff nok til å seie at du likar litt betre enn han å jobbe defensivt?

– Hehe ... Nei, eg vil ikkje seie det. Eg for min del skal prøve å score litt meir frå midtbaneposisjon. Eg vil opne målkontoen litt meir, slår Hussain fast.

Når 20-åringen blir spurt om å skryte litt av eigne kvalitetar, kjem han fram med tre ting:

– Eg er kreativ, pasningssikker og har god løpskapasitet. Eg har ferdigheitene som skal til for å spele i Molde.

Berg Hestad mot Haugen

Daniel Berg Hestad blir viktig framover, meiner Ole Gunnar Solskjær. Han håper òg å få Magne Hoseth (t.h.) tilbake i form etter kvart.

Foto: Hommedal, Marit / NTB scanpix

Siste nytt

  • Pinot-seier i Tour of the Alps

    Franske Thibaut Pinot tråkket inn til 6.-plass på den avsluttende etappen av Tour of the Alps. Det holdt til å vinne rittet sammenlagt.

    Det var ukrainske Mark Padun fra Bahrain-laget som vant etappen.

    CYCLING-AUT
    Foto: REINHARD EISENBAUER / AFP
  • Agüero ute resten av sesongen

    Sergio Agüero har spilt sin siste kamp for Manchester City denne sesongen, sa manager Pep Guardiola fredag.

    – Han kommer til å være ute i fire til fem uker, sa Guardiola på sin pressekonferanse fredag ettermiddag.

    Soccer Man City Aguero
    Foto: Rui Vieira / AP
  • Remis for Carlsen

    Magnus Carlsen spilte remis også i fredagens 2. runde av turneringen Shamkir Chess torsdag. Nordmannen hadde hvite brikker mot tsjekkeren David Navara.

    Lørdag møter Carlsen hjemmefavoritten Rauf Mamedov fra Aserbajdsjan.

    Magnus Carlsen og Hikaru Nakamura
    Foto: Berit Roald / NTB scanpix

Sendeplan

Kl. Program Kanal