Fekk beskjed før helikopterkrasjet: – Du er for låg

Sekund før det fatale helikopterkrasjet der basketlegenda Kobe Bryant omkom, fekk piloten melding av lufttrafikkontrollen om at han var for låg for å bli sett på radaren, melder Sky Sports.

Helikopteret som krasja

STYRTA I ÅSEN: – Ingen kunne ha overlevd dette, seier augevitne som såg helikopteret med Kobe Bryant styrte

Foto: Jayne Kamin-oncea / Reuters

Den tjukke skodda over Los Angeles området søndag morgon kjem til å bli ein sentral faktor i granskinga, skriv Sky Sports.

Ni menneske omkom i helikopterulykka i Calabasas, nord i Los Angeles. Mellom dei var Bryant og hans dotter Gianni (13). Også ein kjend baseballtrenar var mellom dei omkomne.

Sekund før helikopteret blei borte frå radaren, fortel opptak av radiosamtaler at piloten fekk melding om at «du er for låg». Då hadde helikopteret blitt borte frå radarskjermen.

Opplysningar ESPN har fått, fortel at helikopteret prøvde å stige bratt for å kome over den tette skodda som dekka Calabasas, ein mindre by rundt 50 kilometer nordvest for sentrum av Los Angeles.

Skodda i området var så tjukk at politihelikoptera hadde flyforbod, melder apnews.com.

– Vertilhøva var under vår minimumsstandard for flyging, seier Josh Rubenstein i Los Anleges-politiet til New York Post.

Politiet krev minst tre kilometers sikt og over 250 meters klar høgde for å la eit helikopter flyge.

ESPN skriv at piloten hadde teke kontakt med flytrafikkontrollen for å spørje om vertilhøva i området.

Radiosamtalen er gjort kjent av nettstaden LiveATC.net, ein nettstad som tilbyr lytting av radiosamtaler med fly.

Fekk løyve til å halde fram

Etter å ha halde tilbake helikopteret nokre minutt på grunn av eit anna fly, gav kontrollen likevel helikopteret løyve til å halde fram langs motorvegen mot Burbank, ifølgje opplysningane til ESPN.

Deretter svinga det mot søraust, steig bratt til 800 meter (2400 fot) før det fall 300 meter ned i åssida, ifølgje data frå Fligtradar24.

Apnews.com skriv at helikopteret kom frå Orange County sør for Los Angeles. Det skulle til Thousand Oaks, ikkje langt frå ulukkesstaden.

Dei fortel også at farten var rundt 250 kilometer i timen då helikopteret styrta.

ESPN siterer ei ikkje namngitt kjelde som skal ha detaljert informasjon frå ulykkesgranskinga. Kjelda uttaler seg på vilkår om å få vere anonym.

– Avansert helikopter

Helicopter Sikorsky S-76+ is seen in Helsinki

AVANSERT: Det var eit helikopter av denne typen, Sikorsky S-76, som styrta.

Foto: Lehtikuva / Reuters

Det vil ta opptil fleire veker før alle detaljar omkring ulykka er klarlagt. Ken Kurt Deetz, som flaug Bryant i helikopteret meir enn 1000 timar melom 2014 og 2016, seier at det er mest truleg dårleg ver som er årsaka.

– At begge maskinene på ein slik maskin sviktar samstundes – det skjer berre ikkje, seier Deetz til Los Angeles Times. Han samanliknar det med ein limosin.

– S-76 er eit svært avansert helikopter, eit av god kvalitet, seier Justin Green til ESPN. Han flaug tidlegare denne typen helikopter i marinekorpset.

Helikopteret, som han hadde kalla «Mamba Chopper», var 29 år gammalt, skriv Daily Star.

Vitne fortel om ulydar frå helikopteret like før det fall ned og Kobe Bryant mista livet søndag.

– Det var tjukk skodde, sikta var mindre enn 20 meter, seier Richard Winton. Han er journalist i storavisa Los Angeles Times, og bur i Calabasas. Han var heime søndag føremiddag.

Ulykka skjedde rundt klokka 10, lokal tid, i byen Calabasas like utanfor Los Angeles. Basket-legenda Kobe Bryant, hans 13-årige dotter Gianni og sju andre omkom.

– Ingen kunne ha overlevd

Winton høyrde eit kraftig smell, følgd av nokre sekund med total stille. Så eksploderte ei eldkule i åssida like bortanfor.

– Eg gjekk ut på gata og såg mot åssida i kikkert. Trass den dårlege sikta, såg eg vraket som var knust i småbitar mot åssida, fortel han til si eiga avis.

Så tok brannfolka til å strøyme til for å sløkkje brannen. Han greidde å kome meg litt nærmare, og snakka med andre som også var augevitne til tragedien.

Ein av dei var Jerry Kocharian. Han hadde stått utanfor kyrkja og drakk kaffi. Han la merke til helikopteret som flaug uvanleg lågt, og som såg ut til å ha problem.

– Det verka som det fall, og lydane var rare. Så såg eg ikkje meir i skodda. Men eg høyrde smellen frå krasjet og såg flammane. Ingen kunne ha overlevd det, sa han.

– Du kunne høyre det. Det sa «thump, thump, thump», før det kom det som nærmast høyrdest ut som ei høgt klask, fortel pastor Bob Bjerkaas til USA Today.

– Såg at det flaug veldig lågt

Los Angeles Countys sheriff Alex Villanueva

GRANSKING: Det vil truleg ta granskarane fleire veker å få fram alle detaljane omkring styrten, seier sheriff Alex Villaneuva

Foto: Natalie Rice / AP

Bjerkaas var lærar på den lokale søndagsskulen då det skjedde. Han og dei 20 elevane sprang ut for å sjå.

Han fortel at øvste delen av åssida var dekka av skodde, medan den nedste var synleg frå der dei stod.

Så såg dei at grå røyk tok til å stige ut av skodda.

– Det var tjukt. Det såg ut som om dei flaug veldig lågt, seier Bjerkaas.

I området rundt ei engelsk mil (1,6 kilometer) frå ulykkesstaden samla det seg raskt eit par hundre menneske.

Rebeca Salcedo fortel at ho var i ein bursdags-brunsj i Calabasas då dei såg eit helikopter som flaug svært lågt.

– Så høyrde vi sirener. Vi sa at vi håpa alle hadde greidd seg. Vi heldt fram med brunsjen.

Men etter kort tid såg dei på nyheitsvarselet på telefonane at Kobe Bryant var om bord og var omkomen.

– Då gret vi alle. Han var ein stor spelar, og vi vaks opp med han.

Siste nytt

  • Selnæs utlånt til konkurrent

    Ole Selnæs (26) blir lånte ut frå Shenzhen til Hebei i den kinesiske superligaen ut sesongen 2021.

    Titan Sports Plus skriv at Shenzhen har fylt utanlandskvoten etter å ha signert tre nye spelarar, og at Shenzhen-trenar Jordi Cruyff dermed ikkje lenger har bruk for nordmannen.

    Selnæs har vore tilknytt Shenzhen sidan 2019.

    Pressetreff med fotballandslaget
    Foto: Fredrik Hagen / NTB
  • Utsatte kamp etter skyting

    Mandagens NHL-kamp mellom Minnesota Wild og St. Louis Blues er utsatt som følge av at politiet i helgen skjøt en svart mann i en forstad til Minneapolis.

    Det opplyser Wild, klubben til den norske ishockeystjernen Mats Zuccarello, mandag kveld norsk tid.

    «Av respekt for den hjerteskjærende episoden som oppsto i Brooklyn Center i går, er kveldens Minnesota Wild-kamp utsatt», heter det i en uttalelse.

    Kampen har allerede fått ny dato. Den skal spilles 12. mai.

    Også baseballkampen mellom Minnesota Twins og Boston Red Sox ble mandag utsatt. Major League Baseball bekrefter beslutningen.

  • Annullering skapte VAR-forvirring

    West Bromwich slo Southampton 3-0 i Premier League mandag, men et annullert mål i første omgang stjal mye av oppmerksomheten.

    Situasjonen som havnet i søkelyset oppsto etter bare fire minutters spill. Da trodde Mbaye Diagne at han hadde gitt West Brom ledelsen etter forarbeid av Darnell Furlong.

    Assistentdommeren hadde imidlertid løftet flagget og markerte for offside. TV-bildene viste at den avgjørelsen var mer enn tvilsom.

    Den som ventet på at VAR-dommerne skulle godkjenne målet, ble imidlertid skuffet. Ifølge Sky Sports kunne ikke VAR «trekke noen definitiv linje» som sikkert kunne fastslå om Diagne var i offside. Årsaken var at en annen West Brom-spiller blokkerte kameravinkelen.

    Målet forble dermed annullert.

    West Bromwich Albion's Senegalese striker Mbaye Diagne (C) heads past Southampton's English goalkeeper Fraser Forster (L)
    Foto: Michael Steele / AFP

Sendeplan

Kl. Program Kanal